1 YOHANES 3:19 - JANJAI BLAU Lem Bahaso Jang Bebilai

¹⁹ Awei'oba ca'one ite namen bahwo ite asalne kunei anok-anok Allah de benea, ngen atei ite tenang neak adep Allah.

1 YOHANES 3:19 ပူးပေါင်းရင်းမြစ်များ

YOHANES 13:35

Amen udi saling mengasiak mako kute tun bakea namen bahwo ko adeba penotoa-penotoa-Ku.”

YOHANES 18:37

Lajau nadeak Pilatus ngen Si, “Jijai Ko adeba rajo?” Jawab Yesus, “Ko madeak bahwo Uku adeba rajo. Utuk do'o ba Uku laher ngen utuk do'oba Uku teko moi lem dunio yo, supayo Uku melei saksai tetang de benea. Tiep tun de berasal kunei de benea temi'uk sa'ei-Ku.”

ROMA 4:21

Ngen penuak keyakinan, bahwo Allah bekuaso utuk menea jano de sudo Si janjai.

ROMA 8:38

Sebab uku yakin, bahwo baik maut, atau idup, baik malaikat-malaikat, atau pemeriteak-pemeriteak, baik de ade uyo, atau de bakea teko,

2 TIMOTIUS 1:12

Do'oba sebabne uku menderita kutene yo, tapi uku tep pecayo, sebab uku namen nien api de uku pecayo. Uku pecayo bahwo jano de sudo Si pecayo ngen uku. Si sanggup kulo jemagone sapei pado Bilai Kiamat.

IBRANI 10:22

Kerno o, maroba ite ma'ok Allah ngen atei tulus ngen imen de kuet; ngen atei de sudo senucai kunei asai saleak, ngen awok de sudo senucai ngen bioa de sucai.

IBRANI 11:13

Kute tun o tep beriman sapei matei. Tobo'o coa temimo hal-hal de jenanjai Allah, tapi cuma kemliak ngen semambutne kunei uak. Ngen o tobo'o madeak bahwo tobo'o cuma tun asing ngen peratau neak bumai yo.

1 YOHANES 1:8

Amen ite madeak bahwo ite coa beduso, ite mike dirai ite su'ang; ngen Allah coa ade neak lem atei ite.

1 YOHANES 2:21

Jijai uku temulis dio ngen udi iso kerno udi coa kemnal ajaran de benea, tapi kerno udi sudo kemnalne, udi kulo namen bahwo coa ade dusta lem ajaran de benea o.

1 YOHANES 3:14

Ite namen bahwo ite bi keluea kunei matei, ngen baliak moi idup. Ite namen do'o, sebab ite mengasiak sesamo saudaro ite. Tun de coa mengasiak, taine masiak kenuaso kematian.

1 YOHANES 3:20

Ite namen, bahwo amen ite senaleak atei ite, Allah adeba lebiak lai kunei atei ite, Si namen kekutene.

1 YOHANES 3:21

Jijai, saudaro-saudaroku de te cito, amen atei ite coa semaleak ite, ite dapet madep Allah ngen binai.