1 YOHANES 3:1 - JANJAI BLAU Lem Bahaso Jang Bebilai

¹ Kemliakba Allah kembiak mengasiak ite, sehinggo ite senbut anok-anok Allah. Memang ite adeba anok-anok Allah. Do'oba sebabne dunio de kidek yo coa kemnal ite, sebab dunio coa kemnal Allah.

1 YOHANES 3:1 ပူးပေါင်းရင်းမြစ်များ

LUKAS 20:36

Sebab tobo'o coa dapet matei igai; tobo'o serai awei malaikat-malaikat ngen tobo'o adeba anok-anok Allah, kerno tobo'o bi idup igai.

YOHANES 1:12

Tapi kute tun de temimo Si neleine kuaso supayo jijai anok-anok Allah, adeba tobo'o de pecayo lem gen-Ne.

YOHANES 11:52

Iso utuk bangso o bae tapi kulo utuk kemopoa ngen menea jijai do anok-anok Allah de cibea.

YOHANES 15:21

Tapi kutene o bakea tobo'o menea te'adep udi kerno gen-Ku, sebab tobo'o coa namen Si desudo mutus Uku.

YOHANES 16:3

Tobo'o bakea menea awei yo, kerno tobo'o coa namen baik Bapa kulo Uku.

YOHANES 17:25

Au Bapa de adea, memang dunio coa kemnal Ko, tapi Uku kemnal Ko, tobo'o namen bahwo Ko ba de sudo mutus Uku.

YOHANES 3:16

Kerno kembiak lai kasiak Allah bakea dunio yo, sehinggo Si bi melei karunio Anok-Ne de tunggea, supayo tiep tun de pecayo ngen-Si coa benaso, tapi dapet idup de kekal.

ROMA 5:8

Tapi Allah kemten kasih-Ne ngen ite, kerno Kristus bi matei utuk ite, ketiko ite masiak beduso.

ROMA 8:19

Sebab ngen kembiak indau kute makhluk mbot waktaune anok-anok Allah kenten.

ROMA 8:21

Kunyau awei o masiak ade harapan, kerno makhluk o su'ang kulo bakea bebas kunei kuaso maut ngen dimuliakan besamo anok-anok Allah.

ROMA 8:32

Si, de coa sayang ngen Anok-Ne su'ang, tapi de semreak-Ne utuk ite kute, awei ipe mukin Si coa melei karunio kute sesuaktau ngen ite besamo-samo ngen Si?

2 KORINTUS 6:18

Ngen Uku bakea jijai Bapanu, ngen udi bakea jijai anok-anok-Ku, semanei ngen anok-anok-Ku selawei awei yo ba firman Tuhan, De Mahakuaso.”

GALATIA 3:26

Sebab udi kute adeba anok-anok Allah liwet imen neak lem Yesus Kristus.

GALATIA 3:29

Amen udi de Kristus temuan, mako udi adeba royot Abraham. Ngen udi bakea temimo jano de Allah janjai.

KOLOSE 3:3

Sebab udi bi matei, ngen idupnu coa keten besamo Kristus neak lem Allah.

1 YOHANES 3:10

Dioba bedane anok-anok Allah ngen anok-anok Iblis: api de coa menea kelok Allah, atau coa mengasiak saudarone, si iso Anok Allah.

1 YOHANES 3:2

Saudaro-saudaro de tecito! Ite uyo adeba anok-anok Allah, tapi keadaan ite be ati jelas. Tapi ite namen bahwo amen Kristus teko, ite bakea jijai awei Si, sebab ite bakea kemliak Si lem keadaan-Ne de sebeneane.

1 YOHANES 4:17

Kasih neane jijai sempurno lem dirai ite, kunyau supayo ite temuan keberanian neak Bilai Penghakiman. Ite bakea temuan keberanian, sebab idup ite neak dunio yo serai awei idup Kristus.

WAHYU 21:7

Tun-tun de menang bakea temimo kutene yo. Uku bakea jijai Allahne, ngen si jijai anok-Ku.