1 YOHANES 2:8 - JANJAI BLAU Lem Bahaso Jang Bebilai

⁸ Kunyau awei o, periteak de uku temulis yo belau kulo; kerno kebeneane dapet kenliak neak dirai Kristus ngen dirai udi. Sebab kelem tambeak nyep ngen te'ang de benea bi muloi bersinar

1 YOHANES 2:8 ပူးပေါင်းရင်းမြစ်များ

MATIUS 4:16

Bangso de idup neak lem kegelapan, bi kemliak te'ang de kemliak te'ang! Bagi tobo'o de diem neak negrai tun-tun matei de kegelapan, be besinea cahayo te'ang!”

LUKAS 1:79

awei yo ba Si melei te'ang-Ne ngen kute tun de idup neak lem kelem ngen saben. Si mipin ite moi dalen damoi sejahtera.”

YOHANES 1:9

Te'ang de sesungguak'ne, de tem'ang tiep tun, dong teko lem dunio.

YOHANES 12:35

Nadeak Yesus ngen tobo'o, “Cuma didik igai waktaune te'ang ade neak antaro udi. Jijai paneu ba seke'an te'ang o masiak ade, ngen udi kunyau udi jibeak teninggang kelem. Tun de paneu neak lem kelem coa namen moi ipe si lalau.

YOHANES 12:46

Uku bi teko moi lem dunio awei te'ang, supayo tiep tun de pecayo ngen Uku jibeak tinggea neak lem kelem.

YOHANES 13:34

Uku melei priteak blau ngen udi, adeba supayo udi saling mengasiak, serai awei Uku kemasiak udi, awei'o kulo udi arus saling kemasiak.

YOHANES 8:12

Yesus madeak igai ngen tobo'o, “Uku ba te'ang dunio. Api bae de temotoa Uku, si coa bakea paneu lem kelem, tapi si bakea temuan te'ang dunio.”

KISAH RASUL-RASUL 17:30

Coa kemliak igai zaman kebodohan, uyo Allah meriteak kute tun neak ipe bae utuk tobat.

KISAH RASUL-RASUL 26:18

utuk mukok matai tobo'o, supayo tobo'o kelua kunei kegelapan ngen masuk moi lem te'ang, supayo tobo'o lepas kunei kuaso Iblis lajau kenuaso Allah, supayo tun de pecayo ngen-Ku duso-duso tobo'o bakea napun ngen tobo'o bakea jijai tun-tun de senucai.’ ”

ROMA 13:12

Bilai bi uak malem, tegoa igai lueng. Sebab o maroba ite bedan menea plep-plep kidek, ngen makei perlengkapan senatai te'ang!

2 KORINTUS 8:9

Kerno udi bi kemnal anugerah Tuhan te Yesus Kristus bahwo sekilai kulo si kayo, kerno udi Si jijai peset, supayo udi jijai kayo kerno peset-Ne.

EFESUS 5:8

Memang bel'o udi ade neak lem kelem, tapi uyo udi adeba te'ang neak lem Tuhan. Sebab o idupba sebagoi anok-anok te'ang,

2 TIMOTIUS 1:10

Ngen uyo, Allah kemten rahmat-Ne o ngen ite liwet tekone Rajo Penyelamat ite Kristus Yesus. Yesus maleak kuaso maut ngen mbin idup de kekal liwet Bito Baik o.

1 PETRUS 1:21

Liwet Siba udi pecayo ngen Allah de sudo midup-Ne igai kunei matei ngen mengagungkan-Ne. Jijai, Allahba de udi pecayo ngen Allahba kulo udi mpek harapan.

1 YOHANES 3:23

De Si periteak ngen ite adeba: Ite harus pecayo ngen Anok-Ne, adeba Yesus Kristus, ngen ite harus sesamo mengasiak, awei de sudo neriteak Kristus ngen ite.

1 YOHANES 4:11

Saudaro-saudaro de tecito, amen Allah kembiak mengasiak ite, ite kulo harus mengasiak do ngen de luyenne.

1 YOHANES 4:21

Sebab o, dioba periteak de nelei Kristus ngen ite: Api mengasiak Allah harus mengasiak saudarone kulo.