1 YOHANES 2:3 - JANJAI BLAU Lem Bahaso Jang Bebilai

³ Amen ite taat ngen periteak-periteak Allah, do'o tandone bahwo ite kemnal Allah.

1 YOHANES 2:3 ပူးပေါင်းရင်းမြစ်များ

LUKAS 6:46

“Getai udi menok Uku, ‘Tuhan, Tuhan,’ tapi coa menea jano de Uku nadeak ngen ko?

YOHANES 14:15

“Amen udi kemasiak Uku, udi bakea temotoa kute periteak-Ku.

YOHANES 15:10

Amen udi temotoa periteak-Ku, udi bakea tinggea neak lem kasiak-Ku, awei Uku temotoa periteak Bapa-Ku ngen tinggea neak lem kasiak-Ne.

YOHANES 15:14

Udi adeba kuat-Ku, amen udi menea jano de Uku periteak ngen udi.

YOHANES 17:3

Dioba idup de kekal, adeba bahwo tobo'o kemnal Bapa, dedone Allah de benea, ngen kemnal Yesus Kristus de sudo nutus Bapa.

2 KORINTUS 4:6

Allah de madeak, “Lokba kunei kelem timboa te'ang,” Siba de menea te'ang-Ne becahayo neak lem ateite, supayo ite dapet te'ang kunei pengetahuan tetang kemulioan Allah de keten neak papea Kristus.

IBRANI 5:9

Mako sesudo Si jenijai penyelamat de sempurno, Si jijai sumber keselamatan de kekal bagiak kute tun de taat ngen-Si,

1 YOHANES 2:13

Uku temulis ngen udi, Bapak-bapak, sebab udi kemnal Si de sudo ade sejak mulone. Uku temulis ngen udi, Tun-tun u'ai, sebab udi bi maleak de jahat.

1 YOHANES 3:14

Ite namen bahwo ite bi keluea kunei matei, ngen baliak moi idup. Ite namen do'o, sebab ite mengasiak sesamo saudaro ite. Tun de coa mengasiak, taine masiak kenuaso kematian.

1 YOHANES 3:19

Awei'oba ca'one ite namen bahwo ite asalne kunei anok-anok Allah de benea, ngen atei ite tenang neak adep Allah.

1 YOHANES 3:6

Kute tun de idup jijai do ngen Kristus, coa menea duso igai. Tun de tep menea duso, coa perneak kemliak Kristus atau kemnal-Ne.

1 YOHANES 4:13

Kerno Allah bi melei Roh-Ne ngen ite, mako ite namen bahwo ite bi idup jijai do ngen Allah, ngen Allah idup jijai do ngen ite.

1 YOHANES 4:7

Saudaro-saudaro de tecito! Maroba ite mengasiak do ngen de luyenne, sebab kasih asalne kunei Allah. Tun de mengasiak, adeba Anok Allah ngen si kemnal Allah.

1 YOHANES 5:19

Ite namen bahwo ite de Allah temuan, kunyau kute dunio yo ade neak beak kuaso de jahat.

1 YOHANES 5:2

Dioba tandone, bahwo ite mengasiak anok-anok Allah, adeba amen ite mengasiak Allah serto maneu periteak-periteak-Ne

1 YOHANES 5:3

Sebab, mengasiak Allah taine taat ngen periteak-periteak-Ne. Periteak-periteak-Ne o coa saro.

WAHYU 12:17

Nagai o jijai kembiak mengiak ngen selawei o, sehinggo si lalau semrang turunan de luyen kunei selawei o, adeba kute tun de taat ngen periteak-periteak Allah, ngen de melei saksai tetang Yesus ngen kuaso-Ne.

WAHYU 14:12

Lem hal yo umat Allah de taat ngen periteak-periteak Allah de setia ngen Yesus, perlu jijai tabah.

WAHYU 22:14

Riangba tun de mpuk jubahne sapei bersi sehinggo tobo'o berhok mbuk bueak kunei pun kehidupan ngen masuk moi lem kota o liwet gerbangne.