1 YOHANES 2:27 - JANJAI BLAU Lem Bahaso Jang Bebilai

²⁷ Tapi tetang udi su'ang, Kristus bi melei Roh-Ne ngen Udi. Selamo Roh-Ne Ade ngen udi, coa perlu ade tun luyen majea udi. Sebab Roh-Ne majea udi tetang kute sesuaktau; jano de najea-Ne o benea, iso mike. Sebab o, lokba udi taat ngen jano de najea Roh o, lokba udi tep idu jijai do ngen Kristus.

1 YOHANES 2:27 ပူးပေါင်းရင်းမြစ်များ

MATIUS 13:11

Yesus jemawab, “Sebab udi bi nelei rahmat utuk namen resio tetang awei ipe Allah meriteak, tapi tobo'o coa.

YOHANES 14:16

Uku bakea minoi ngen Bak. Si bakea melei ngen udi Penolong de luyen, supayo si semerto udi seke'anne.

YOHANES 14:17

Si'oba Roh kebenea. Dunio coa dapet temimo Si, sebab dunio coa kemliak Si ngen coa namen ngen Si. Tapi udi namen ngen Si, sebab Si semerto udi, bakea diem neak lem udi.

YOHANES 14:26

Tapi penulung, adeba Roh Sucai, de bakea nutus Bapa lem gen-Ku. Siba de bakea ngajea kute sesuaktau ngen udi ngen bakea minget udi kute de sudo Uku madeak ngen udi.

YOHANES 16:13

Tapi amen Si teko, adeba Roh kebenea, Si bakea mipin udi neak lem kute kebenea. Si coa bakea madeak kunei dirai-Ne suang, tapi kute sesuaktau de teni'ukne do'oba de bakea nadeak-Ne ngen Si bakea melei namen ngen udi hal-hal de bakea teko.

YOHANES 4:14

Tapi api bae de menem bioa de bakea Uku melei, si coa bakea haus utuk seke'anne. Sebelekne bioa de bakea Uku melei, bakea jijai matai bioa neak lem dirai ne, de terus bae kemluea bioa sapei pado idup de kekal.”

YOHANES 6:45

Ade tetulis lem Kiteb Nebai-nebai: Tobo'o kute bakea najea ngen Allah. Ngen tiep tun, de sudo temi'uk ngen belajea kunei Bapa, teko ngen Uku.

1 KORINTUS 2:12

Ite coa temimo roh dunio, tapi roh de asalne kunei Allah, supayo ite namen, jano de nelei Allah ngen ite.

1 KORINTUS 2:13

Kerno o, amen keme jemlas hal-hal tetang Allah ngen tun-tun de temuan Roh Allah. Keme coa madeakne ngen temurut kebijaksanaan manusio, meluyen temurut ajaran Roh Allah.

2 KORINTUS 1:21

Allah suangba de menea keme ngen Saudaro jijai do ngen Kristus; Siba kulo de miliak ite cuma utuk dirai-Ne.

EFESUS 4:21

Udi bi temi'uk tetang Si. Ngen sebagoi penotoa-penotoa-Ne, udi bi najea kulo tetang sifet-sifet Allah de ade ngen-Si.

KOLOSE 2:6

Udi bi temimo Kristus Yesus, Tuhan ite. Kerno'o lokba idupnu tep neak lem Si.

1 TESALONIKA 2:13

Ade igai do hal luyen de menea keme bogoa mucep mokasiak ngen Allah. Hal o adeba, bahwo pado waktau keme semapei bito kunei Allah, udi temi'uk ngen temimo bito o iso sebagai bito kunei manusio, tapi sebagai bito de benea-benea kunei Allah. Siba de gidong kerjo lem dirainu de pecayo ngen Kristus.

1 TESALONIKA 4:9

Coa perlu igai keme temulis ngen udi tetang awei ipe udi harus mengasihi Saudaro-saudaro do imen. Udi suang bi najea Allah utuk samo-samo mengasihi.

1 TIMOTIUS 2:7

Ngen do'oba sebabne uku neluak lalau ngen tun-tun iso Yahudi utuk melei namen ngen tobo'o bito tetang kepercayaan de benea. Lajau uku coa mike.

1 PETRUS 1:23

Sebab liwet Firman Allah de idup ngen de kekal o, udi sudo jenijai manusio belau de iso laher kunei manusio, meluyen kunei Bapa de kekal.

1 YOHANES 2:28

Jijai, anok-anokku, tepba idup jijai do ngen Kristus, supayo amen Si teko, ite madep Si seca'o binai, ngen coa selek.

1 YOHANES 3:24

Kute tun de taat ngen periteak-periteak Allah, hidup jijai do ngen Allah, ngen Allah jijai do ngen tobo'o. Ngen ite namen bahwo Allah hidup jijai do ngen ite, kerno Si bi melei Roh-Ne ngen ite.

2 YOHANES 1:2

Sebab Allah tinggea neak lem atei ite, ngen de bakea semerto ite sapei selamo-lamone.