1 YOHANES 2:24 - JANJAI BLAU Lem Bahaso Jang Bebilai

²⁴ Sebab o, bito de sudo udi temi'uk sejak udi muloi pecayo harusba udi jemago bebaik neak lem atei. Amen bito o udi kemliak bebaik, udi bakea bogoa idup jijai do ngen Anok ngen Bapa.

1 YOHANES 2:24 ပူးပေါင်းရင်းမြစ်များ

LUKAS 1:2

Tobo'o semapeine ngen ite. Tobo'o kunei semulo adeba saksai matai ngen pelayan Firman.

LUKAS 9:44

“Ti'ukba ngen kenliakba kute kecek-kecek-Ku yo: Anok Manusio bakea senreak moi lem tangen manusio.”

YOHANES 14:23

Jawab Yesus, “Amen suang mengasiak Uku, si bakea temotoa firman-Ku ngen Bak-Ku bakea mengasiak si. Keme bakea teko ngen si ngen tinggea sesamo ngen si.

YOHANES 15:7

Amen udi tinggea lem Uku ngen firman-Ku tinggea lem udi, minoi ba ngen Bapa jano bae de udi kenlok, ngen udi bakea temimone.

YOHANES 6:56

Tun de mbuk daging-Ku ngen menem daleak-Ku, tep jijai do ngen Uku, ngen Uku ngen si.

YOHANES 8:25

Lajau padeak tobo'o ngen-Si, “Api Ko?” Jawab Yesus ngen tobo'o, “Jano de sudo Uku madeak ngen udi kunei ke'an yo?

FILIFI 4:15

Saudaro-saudaro tun Filifi! Udi suang namen benea bahwo ketiko uku teminggea Makedonia bel'o, pado waktau Bito Baik o uku sembea utuk pertamo sekilaine, udiba dedone jemaat de temulung uku; udi dedone de milau kemcep utung rugai besamo-samo uku.

KOLOSE 3:16

Lokba ajaran-ajaran Kristus de penuak berkat tinggea neak lem ateinu. Lokba udi samo-samo majea ngen samo-samo melei nasihat de bijaksano. Nyanyikanlah mazmur ngen puji-pujian serto legau-legau rohani; nyanyiba utuk Allah ngen perasaan syukur neak lem ateinu.

IBRANI 2:1

Do'oba sebabne ite harus sungguak-sungguak bepegong ngen ajaran-ajaran de ite temi'uk, supayo ite jibeak teminggea imen ite.

IBRANI 3:14

Ite kute adeba kuat seperjuangan ngen Kristus, asal ite sapei akhir tep yakin de ite temuan pado mulone.

1 YOHANES 1:3

Jano de sudo keme kemliak ngen temi'uk, do'oba kulo de keme melei namen ngen udi, supayo udi ngen keme besamo-samo idup jijai do ngen Bapa ngen Anok-Ne Yesus Kristus.

1 YOHANES 1:7

Tapi amen ite idup neak lem teang serai awei Allah ade neak lem te'ang, mako ite idup erat, rukun do ngen de luyenne, ngen daleak Yesus, Anok-Ne, semucai ite kunei kute duso.

1 YOHANES 2:7

Saudaro-saudaro de tecito! De uku temulis yo iso suaktau periteak de belau. Dio periteak an de sudo senapei ngen udi sejak udi muloi pecayo ngen Kristus; adeba bito kunei Allah de sudo udi temi'uk ayokne.

1 YOHANES 3:24

Kute tun de taat ngen periteak-periteak Allah, hidup jijai do ngen Allah, ngen Allah jijai do ngen tobo'o. Ngen ite namen bahwo Allah hidup jijai do ngen ite, kerno Si bi melei Roh-Ne ngen ite.

1 YOHANES 4:13

Kerno Allah bi melei Roh-Ne ngen ite, mako ite namen bahwo ite bi idup jijai do ngen Allah, ngen Allah idup jijai do ngen ite.

1 YOHANES 4:15

Api makau bahwo Yesus o Anok Allah, Allah idup jijai do ngen tun o, ngen tun o kulo idup jijai do ngen Allah.

1 YOHANES 4:16

Ite suang namen ngen pecayo kasih Allah ngen ite. Allah o kasih. Tun de idupne kenuaso kasih, tun o jijai do ngen Allah, ngen Allah jijai do ngen si.

2 YOHANES 1:2

Sebab Allah tinggea neak lem atei ite, ngen de bakea semerto ite sapei selamo-lamone.

2 YOHANES 1:9

Tun de coa bepegong ngen ajaran Kristus, tapi nyipang kunei jano de najea Kristus, tun o coa temuan Allah. Tun de tep ade neak lem ajaran Kristus, taine temuan Allah Bapa atau Anok.

3 YOHANES 1:3

Uku kemliak riang ketiko kekedau saudaro Kristen teko ngen melei namen ngen uku padeak setiane saudaro teadep Allah de benea, sebab memang saudaro bogoa idup temurut ajaran Allah.

WAHYU 3:11

Uku segro teko! Jagoba baik-baik jano de udi temuan, supayo coa suang kulo mok hadiah kemenangannu.

WAHYU 3:3

Jijai, tingetba igai ngen jano de sudo najea ngen udi bel'o ngen jano de sudo udi teni'uk. Temotoaba do'o ngen tobatba kunei duso-duso udi. Amen udi coa kelongon, uku bakea teko ngen udi awei maling; ngen udi coa bakea namen tengen waktaune Uku teko.