1 YOHANES 2:21 - JANJAI BLAU Lem Bahaso Jang Bebilai

²¹ Jijai uku temulis dio ngen udi iso kerno udi coa kemnal ajaran de benea, tapi kerno udi sudo kemnalne, udi kulo namen bahwo coa ade dusta lem ajaran de benea o.

1 YOHANES 2:21 ပူးပေါင်းရင်းမြစ်များ

2 PETRUS 1:12

Sebab o, uku bogoa minget udi tetang hal tesebut, kunyau udi bi namen ngen pecayo sekilai ngen ajaran kunei Allah de bi udi temimo o.

YUDAS 1:5

Kutene o sudo udi namen, tapi uku lok minget udi tetang awei ipe Tuhan semelamat umat-Ne kunei Mesir, tapi sesudo'o benaso tun-tun de coa pecayo.

YOHANES 8:44

Udi berasal kunei baknu, adeba Iblis, ngen udi lok menea kenlok baknu. Si adeba tukang munuak manusio kunei ke'an yo ngen coa idup lem de kebenea, kerno neak lemne coa ade kebenea. Amen si miling coa benea, si miling kunei diraine suang. Sebab si adeba tukang ngike ngen bak tukang ngike.

YOHANES 18:37

Lajau nadeak Pilatus ngen Si, “Jijai Ko adeba rajo?” Jawab Yesus, “Ko madeak bahwo Uku adeba rajo. Utuk do'o ba Uku laher ngen utuk do'oba Uku teko moi lem dunio yo, supayo Uku melei saksai tetang de benea. Tiep tun de berasal kunei de benea temi'uk sa'ei-Ku.”

YAKOBUS 1:19

Kemliakba dio bebaik, Saudaro-saudaro de tecito! Tiep tun harus gacang utuk temi'uk, tapi cendok utuk miling ngen mengiak.

1 YOHANES 3:19

Awei'oba ca'one ite namen bahwo ite asalne kunei anok-anok Allah de benea, ngen atei ite tenang neak adep Allah.