1 YOHANES 2:18 - JANJAI BLAU Lem Bahaso Jang Bebilai

¹⁸ Anok-anokku, kiamat bi pa'ok! Sudo nelei namen ngen udi ayokne bahwo musuak Kristus bakea teko; ngen uyo bi teko dau tun de musuak ngen Kristus. Do'o tandone bahwo kiamat bi pa'ok.

1 YOHANES 2:18 ပူးပေါင်းရင်းမြစ်များ

MATIUS 24:11

Dau nebai-nebai palsu bakea timboa ngen mike dau tun.

MATIUS 24:24

Sebab bakea timboa tun-tun de senlamat de palsu ngen nebai-nebai palsu. Tobo'o bakea made plep-plep de luea biaso ngen mujizat-mujizat utuk mike amen mukin umat Allah kulo.

MATIUS 24:5

Sebab dau tun bakea teko ngen makei gen-Ku ngen madeak, ‘Ukuba Rajo Penyelamat!’ Tobo'o bakea mike dau tun.

MARKUS 13:6

Bakea teko dau tun ngen makei gen-Ku ngen madeak: ‘Uku ba Si,’ ngen tobo'o bakea mike dau tun.

YOHANES 21:5

Nadeak Yesus ngen tobo'o, “Hoi anok-anok, jano udi temuan kan?” Jawab tobo'o, “Coa.”

ROMA 13:11

Hal yo harus udi nea, kerno udi namen keadaan waktau uyo, adeba bahwo saatne bi sapei utuk udi jagai kunei tidua. Sebab uyo keselamatan bi lebiak pa'ok utuk ite kunei pado waktau ite jijai pecayo.

ROMA 13:12

Bilai bi uak malem, tegoa igai lueng. Sebab o maroba ite bedan menea plep-plep kidek, ngen makei perlengkapan senatai te'ang!

IBRANI 1:2

Tapi pado zaman akhir yo Si miling ngen ite liwet Anok-Ne. Liwet Anok-Ne dioba Allah jemijai alam semesta. Allah sudo temtau bahwo Anok-Ne ba kulo de berhok temuan kutene yo.

1 PETRUS 1:20

Kristus niliak Allah ayok dunio jenijai. Tapi kerno udi, Si tembei madeak dirai-Ne pado akhir zaman. Si teko moi dunio supayo udi senlamat.

1 PETRUS 1:5

Kutene o adeba utuknu, kerno udi pecayo ngen Allah. Mako udi jenago ngen kuaso Allah supayo udi temimo keselamatan de siap dinyatakan pado akhir zaman.

1 PETRUS 4:7

Kute sesuaktau sudo pa'ok kesudahanne, sebab o lokba udi kemuaso dirai ngen waspada, supayo udi dapet bedu'o.

2 PETRUS 2:1

Pado maso de bel'o neak antaro umat Allah bi timboa nebai-nebai palsu. Awei o kulo neak antaronu bakea timboa gu'au-gu'au palsu. Tobo'o bakea memasukan ajaran-ajaran de coa benea, de membinasakan tun. Ngen tobo'o bakea menyangkal Penguasa de sudo mbebas tobo'o. Ngen awei yo tobo'o mendatangkan kebinasaan das dirai suang, de bakea tejijai pado tobo'o ngen gacang.

2 PETRUS 3:3

Pertamo-tamo, udi harus namen bahwo pado bilai-bilai terakhir, bakea timboa tun-tun de idupne kenuaso hawo nafsu tobo'o su'ang. Tobo'o bakea mino udi

1 YOHANES 2:22

De berdusta adeba tun de madeak bahwo Yesus iso Rajo Penyelamat de jenanjai Allah. Tun o musuak Kristus; si coa makau Bapa atau Anok.

1 YOHANES 4:1

Saudaro-saudaro de tecito! Jibeakba pecayo ngen kute tun de makau temuan Roh Allah, tapi ntesba kileak tobo'o utuk namen jano roh de ade ngen tobo'o asalne kunei Allah atau iso. Sebab dau nebai palsu bi teko moi kute dunio.

1 YOHANES 4:3

Tapi tun de coa makau hal yo tetang Yesus, coa temuan Roh Allah. Tun o temuan roh kunei musuak Kristus. Saudaro bi temi'uk bahwo roh o bakea teko, ngen uyo si bi ade neak lem dunio yo.

2 YOHANES 1:7

Dau penyesat bi teko ngen lalau moi kute dunio, tobo'o adeba tun-tun de coa makau bahwo Yesus Kristus teko moi dunio sebagai su'ang manusio. Tun de awei o adeba penyesat, ngen musuak Kristus.

YUDAS 1:18

Tobo'o melei namen telebiak dute ngennu bahwo menjelang akhir zaman bakea timboa tun-tun de bakea mino udi, adeba tun-tun de idup temurut klok-klok tobo'o de beduso.