1 YOHANES 2:17 - JANJAI BLAU Lem Bahaso Jang Bebilai

¹⁷ Dunio ngen kute de ade neak lemne ngen kenlok manusio, gidong nyep. Tapi tun de temotoa kelok Allah, tep idup sapei selamo-lamone.

1 YOHANES 2:17 ပူးပေါင်းရင်းမြစ်များ

MATIUS 24:35

Lenget ngen bumai bakea nyep, tapi Firman-Ku tep selamo-lamone.”

ROMA 12:2

Jibeakba udi serai awei dunio yo, tapi bubeakba ngen pribadinu de blau, sehinggo udi dapet mbeda ipe de kelok Allah: jano de baik, de semnang atei Allah ngen de sempurno.

1 KORINTUS 7:31

ngen tun de sibuk lem hal dunio, lokba si idup awei tun de coa sibuk ngen hal-hal'o. Sebab coa an igai dunio yo, lem keadaanne de uyo bakea nyep!

1 PETRUS 4:2

Sebab o, lokba udi idup selanjutne neak dunio yo temurut kelok Allah, ngen iso temurut kelok manusio.

IBRANI 10:36

Udi perlu sabar, supayo udi dapet menea kelok Allah ngen awei o temimo jano de jenanjai-Ne.

MARKUS 3:35

Api bae de menea kelok Allah, Siba pasuak-Ku semanei, Siba pasuak-Ku selawei, Siba Indok-Ku.”

1 PETRUS 1:5

Kutene o adeba utuknu, kerno udi pecayo ngen Allah. Mako udi jenago ngen kuaso Allah supayo udi temimo keselamatan de siap dinyatakan pado akhir zaman.

1 TESALONIKA 4:3

Dioba kelok Allah: supayo udi idup cuma utuk Si, sucai, me'uak kute plep kidek.

YOHANES 4:14

Tapi api bae de menem bioa de bakea Uku melei, si coa bakea haus utuk seke'anne. Sebelekne bioa de bakea Uku melei, bakea jijai matai bioa neak lem dirai ne, de terus bae kemluea bioa sapei pado idup de kekal.”

MATIUS 7:21

“Coa kute tun de menggang ngen uku, ‘Tuhan, Tuhan’ jijai anggota umat Allah, tapi tun de kemerjo periteak Bapaku neak surgo, do'oba de jijai anggota umat Allah.

YAKOBUS 4:14

Jano de bakea tejijai ngen idupnu men, udi su'ang coa namen! Udi cuma awei asep de tegoa bae keten, sesudo'o nyep.

YOHANES 6:58

Dioba ruti de tu'un kunei surgo: iso ruti awei de nembuk ninik puyangnu. Kerno sesudo mbuk ruti o, tobo'o matei kulo. Tapi tun de mbuk ruti yo bakea idup selamo-lamone.”

MATIUS 21:31

Nah, kunei antaro kuduai tun'o de api menea kelok Bakne?” “De tuai” pemipin imem-imem ngen pemipin-pemipin Yahudi jemawab. Mako Yesus madeak ngen tobo'o, “Pecayoba: Penagiak-penagiak pajak ngen selawei nakea bakea lebiak deno jijai anggota umat Allah kunei pado udi.

1 TESALONIKA 5:18

mucep syukurba lem kute hal, sebab do'oba de Allah kenlok kunei udi sebagai tun de idup jijai do ngen Kristus Yesus.

KOLOSE 4:12

Salam kunei Epafras. Si kulo kunei antaro udi. Si hamba Kristus Yesus, de bogoa tekun bedu'o utuk udi. Si minoi nien ngen Allah supayo keyakinan udi jijai kuet ngen udi benea-benea dewasa, kunyau udi jijai sempurno taat ngen kelok Allah.

KOLOSE 1:9

Do'oba sebabne keme bogoa bedu'o utuk udi sejok keme temi'uk tetang udi. Keme minoi ngen Allah supayo Roh Allah melei ngen udi kebijaksanaan ngen pengertian sehinggo udi namen ngen sempurno jano kelok Allah.

YOHANES 7:17

Api bae lok menea kelok-Ne, si bakea namen jano Ajaran-Ku yo berasal kunei Allah, jano Uku madeak kunei dirai-Ku suang.