1 YOHANES 2:16 - JANJAI BLAU Lem Bahaso Jang Bebilai

¹⁶ Kute de ade neak lem dunio yo – adeba kelok tabi'at manusio de beduso, de kenliak lajau kenlokne ngen jijai ombong – kutene adeba hal-hal de asalne iso kunei Bapa, tapi kunei dunio.

1 YOHANES 2:16 ပူးပေါင်းရင်းမြစ်များ

MATIUS 4:8

Sesudo'o Iblis mbin Yesus moi das tebo de lekat sekilai, Iblis kemten ngen Yesus kute negrai neak dunio serto kekayaanne.

MATIUS 5:28

Tapi uyo uku madeak ngen udi: api bae kemliak selawei ngen nafsu, tun'o bi menea zina ngen selawei'o lem ateine.

LUKAS 4:5

Sesudo'o Iblis mbin Yesus moi penan de lekat ngen dekejeb matai Iblis kemten ngen Yesus kute kerajaan dunio.

ROMA 13:14

Tapi kunyauba Tuhan Yesus Kristus sebagai perlengkapan senatai te'ang ngen jibeakba murus awoknu utuk memuaskan kelokne.

1 KORINTUS 10:6

Kutene o jijai contoh bagiak ite, utuk minget ite supayo jibeak kemlok hal-hal de kidek awei tobo'o.

GALATIA 5:17

Sebab kelok manusio belawen ngen kelok Roh Allah – kerno keduaine belawen – sehinggo udi coa dapet menea jano de udi kenlok.

GALATIA 5:24

Api bae de sudo jijai de Kristus Yesus temuan, si bi munuak plep manusione ngen kute hawo nafsu ngen kelokne.

EFESUS 2:3

Bel'o ite kute serai kulo ngen tobo'o, ite idup temotoa tabiat manusio ite ngen menea jano de semnang awok ngen pekeran ite. Pado waktau o ite adeba tun-tun de keno murko Allah kulo, serai awei tun-tun luyen.

TITUS 2:12

Rahmat Allah o majea ite supayo coa igai idup melawen kelok Allah ngen coa temotoa kelok duniawi. Ite najea utuk idup lem dunio yo ngen namen temaen dirai, tulus, setia ngen Allah.

TITUS 3:3

Sebab bel'o ite suang kulo bodong, sesat ngen coa taat. Ite jijai hamba memecem nafsu ngen kelok; ite idup ngen niat-niat kidek ngen kidek atei, serto saling jengik.

YAKOBUS 3:15

Kebijaksanaan de awei o asalne iso kunei surgo. Si asalne kunei dunio, kunei nafsu manusio ngen kunei Iblis!

YAKOBUS 4:16

Tapi uyo udi ombong ngen uta lai. Kutene o saleak.

1 PETRUS 1:14

Taatba ngen Allah, jibeakba idup temurut keloknu de bel'o, pado waktau udi masiak ati kemnal Allah.

1 PETRUS 2:11

Saudaro-saudaro de tecito! Udi adeba tun asing ngen perantau neak dunio yo. Kerno o uku minoi nien supayo udi jibeak temotoa hawa nafsu manusio de bogoa perang melawen jiwo.

2 PETRUS 2:10

khususne tun-tun de temurut kelok-kelok hawa nafsu tobo'o ngen de mino kuaso Allah. Kembiak binaine ngen sombongne gu'au-gu'au palsu o sehinggo tobo'o coa sesegan mino tobo makhluk de mulio neak surgo!

2 PETRUS 2:18

Tobo'o menea pernyataan-pernyataan de ba'es-ba'es ngen kosong; nafsu de cabul nakei tobo'o utuk semset tun-tun de tembei bae muloi bebas kunei lingkungan tun de idup seset.