1 YOHANES 2:12 - JANJAI BLAU Lem Bahaso Jang Bebilai

¹² Uku temulis ngen udi, Anok-anok, sebab dusonu bi napun kerno Kristus.

1 YOHANES 2:12 ပူးပေါင်းရင်းမြစ်များ

LUKAS 24:47

Ngen igai: Lem gen-Mesias bito tetang betobat ngen ngapun duso arus senapei ngen kute bangso, muloi kunei Yerusalem.

LUKAS 5:20

Waktau Yesus kemliak kembiak lai imen tobo'o, madeakba Si, “Hoi udi, dusonu sudo napun!”

KISAH RASUL-RASUL 10:43

Tetang Siba kute nebai besaksai ngen-Si, bakea dapet apun liwet gen-Ne.”

KISAH RASUL-RASUL 13:38

Jijai, namen ba, Pasuak-pasuak, kerno Siba mako nelei namen ngen udi pengapunan duso. Ngen hukum Musa udi coa dapet mbenea dirai.

KISAH RASUL-RASUL 4:12

Coa ade keselamatan neak lem api bae kulo seluyen neak lem Si, sebab neak beak lenget yo coa ade gen luyen di nelei ngen manusio de kunei Yesus ite dapet selamat.”

1 KORINTUS 6:11

Kekedau tun neak antaro Saudaro memang aweiyo kileak. Tapi Saudaro bi melei dirainu senucai, Saudaro bi senucai, Saudaro bi jijai bnea neak lem gen Tuhan Yesus Kristus kulo lem Roh Allah ite.

EFESUS 1:7

Sebab, ngen mateine Kristus, Allah mbebas ite, taine Allah bi mapun ite kunei duso-duso ite.

EFESUS 4:32

Tapi lokba udi ramah te'adep tun luyen, baik atei ngen samo melei apun, awei Allah bi mapun udi neak lem Kristus.

KOLOSE 1:14

Kerno Anok-Ne o ite bebas; taine duso-dusote bi napun-Ne.

1 YOHANES 1:4

Keme temulis dio supayo atei ite sungguak-sungguak riang.

1 YOHANES 1:7

Tapi amen ite idup neak lem teang serai awei Allah ade neak lem te'ang, mako ite idup erat, rukun do ngen de luyenne, ngen daleak Yesus, Anok-Ne, semucai ite kunei kute duso.

1 YOHANES 1:9

Tapi amen ite ngakau duso-duso ite ngen Allah, Si bakea melei janjai-Ne ngen menea jano de adea. Si bakea mapun duso-duso ite ngen semucai ite kunei kute saleak ite.

1 YOHANES 2:1

Anok-anokku! Uku temulis dio ngen udi supayo udi jibeak menea duso. Tapi amen ade de menea duso, mako ite temuan suang pembela, adeba Yesus Kristus de adea o; Si bakea minoi nien utuk ite neak adep Bapa.

1 YOHANES 2:21

Jijai uku temulis dio ngen udi iso kerno udi coa kemnal ajaran de benea, tapi kerno udi sudo kemnalne, udi kulo namen bahwo coa ade dusta lem ajaran de benea o.

1 YOHANES 2:7

Saudaro-saudaro de tecito! De uku temulis yo iso suaktau periteak de belau. Dio periteak an de sudo senapei ngen udi sejak udi muloi pecayo ngen Kristus; adeba bito kunei Allah de sudo udi temi'uk ayokne.