1 YOHANES 2:10 - JANJAI BLAU Lem Bahaso Jang Bebilai

¹⁰ Tun de mengasiak saudarone, idup lem te'ang sehinggo coa ade sesuaktau ngen si de bakea menea tun luyen us lem duso.

1 YOHANES 2:10 ပူးပေါင်းရင်းမြစ်များ

MATIUS 13:21

Tapi kabar'o coa bebalet lem atei tobo'o sehinggo coa taen an. Amen tobo ndrita saro atau sikso kerno kabar'o, lajau tobo'o murtad.

MATIUS 18:7

Padeak celakone dunio yo kerno hal-hal de sembab tun beduso. Hal-hal de awei'o selalu ade, tapi celakoba tun de sembabne.

YOHANES 11:9

Jawab Yesus, “Iso ba ade duai belas jam lem de bilai? Api de paneu tengeak bilai, kekeane coa tatuk, kerno si kemliak te'ang dunio yo.

YOHANES 12:35

Nadeak Yesus ngen tobo'o, “Cuma didik igai waktaune te'ang ade neak antaro udi. Jijai paneu ba seke'an te'ang o masiak ade, ngen udi kunyau udi jibeak teninggang kelem. Tun de paneu neak lem kelem coa namen moi ipe si lalau.

YOHANES 8:31

Lajau padeak-Ne ngen tun-tun Yahudi de sudo pecayo ngen Si, “Amen udi idup temurut Firman-Ku, udi benea-benea penotoa-Ku.

ROMA 14:13

Kerno o jibeakba ite saling semaleak. Sebelekne berusahoba supayo udi coa menea jejano de menea su'ang saudaro do imen tergoda ngen beduso.

FILIFI 1:10

Ngen awei o udi namen miliak jano de baik, supayo udi sucai ngen coa ade cacet sapei bilai Kristus teko igai.

2 PETRUS 1:10

Sebab o, Saudaro-saudaro, beusahoba lebiak giat supayo panggilan Allah ngen Piliak-Ne das dirainu o jijai semakin teguak. Amen udi menea o, udi coa bakea murtad.

1 YOHANES 2:11

Tapi tun de jengik ngen saudarone, ade neak lem kelem. Si paneu neak kelem, ngen coa namen moi ipe si lalau, sebab kelem o menea si coa nam ngeliak.

1 YOHANES 3:14

Ite namen bahwo ite bi keluea kunei matei, ngen baliak moi idup. Ite namen do'o, sebab ite mengasiak sesamo saudaro ite. Tun de coa mengasiak, taine masiak kenuaso kematian.