1 YOHANES 2:1 - JANJAI BLAU Lem Bahaso Jang Bebilai

¹ Anok-anokku! Uku temulis dio ngen udi supayo udi jibeak menea duso. Tapi amen ade de menea duso, mako ite temuan suang pembela, adeba Yesus Kristus de adea o; Si bakea minoi nien utuk ite neak adep Bapa.

1 YOHANES 2:1 ပူးပေါင်းရင်းမြစ်များ

LUKAS 10:22

Kutene bi senreak Bapa ngen Coa suang kulo kemnal Anok, luyen kunei Bapa. Coa ade kulo de kemnal Bapa luyen kunei Anok; ngen tun-tun ngen Anok o lok kemnal Bapa.”

YOHANES 10:15

Serai awei Bak namen ngen Uku ngen Uku namen ngen Bak, Uku melei nyabai-Ku utuk bebirai-Ku.

YOHANES 13:33

Hoi anok-anok-Ku, Uku coa bakea tinggea an igai ngen udi. Udi bakea mesoa Uku, awei de sudo Uku madeak ngen tun-tun Yahudi. Moi penan Uku lalau, coa mukin udi teko, awei'o kulo uyo Uku madeakne ngen udi kulo.

YOHANES 14:16

Uku bakea minoi ngen Bak. Si bakea melei ngen udi Penolong de luyen, supayo si semerto udi seke'anne.

YOHANES 14:6

Nadeak Yesus ngen Si, “Uku ba dalen utuk kemnal Allah ngen dapet idup. Coa ade suang de teko ngen Bak, amen coa liwet Uku.

YOHANES 21:5

Nadeak Yesus ngen tobo'o, “Hoi anok-anok, jano udi temuan kan?” Jawab tobo'o, “Coa.”

YOHANES 5:14

Sesudo o Yesus temau ngen si lem Bait Allah lajau madeak ngen si, “Tinget udi bi ka'en. Jibeak menea duso igai, supayo jibeak terjijai de lebiak kidek igai ngen udi.”

YOHANES 5:36

Tapi Uku temuan suatu saksai de lebiak peting kunei saksai Yohanes, adeba kute kerjo de senereak Bapa ngen Uku, supayo Uku kemerjone. Kerjo o kulo de kenerjo-Ku uyo, ngen do o ba de melei saksai tetang Uku, bahwo Bapa de mutus Uku.

YOHANES 6:27

Bekerjoba, iso utuk kembuk de dapet benaso, tapi utuk kembuk de beta'en sapei ngen idup de kekal, de bakea nelei Anok Manusio ngen udi; sebab Siba de sudo nsah ngen Allah Bapa.”

YOHANES 8:11

Jawabne, “Coa ade, Tuhan.” Lajau nadeak Yesus, “Uku kulo coa mukum ko, jibeak menea duso igai muloi kunei uyo.”

KISAH RASUL-RASUL 7:52

Jano ade nebai de coa senikso ninik puyangnu? Tobo'o munuak utusan-utusan kunei Allah de bel o ba melei namen bahwo Hamba Allah de benea o bakea teko. Uyo udi muker ngen munuak Hamba Allah o.

ROMA 5:10

Pado waktau ite jijai musuak, Allah bi demamoi ite liwet kematian Anok-Ne. Telebiak uyo, ketiko ite sudo bi demamoi, pasetba ite bi demamoi-Ne, liwet idup-Ne!

ROMA 6:15

Jijai awei ipe? Jano ite bakea menea duso, kerno ite coa ade neak beak hukum agamo Yahudi, tapi neak beak kasih karunio? Coa samo sekilai!

ROMA 8:34

Kristus Yesus, de sudo matei? Bahkan lebiak igai, de sudo idup igai, de kulo temot neak peak kanen Allah, de malah jijai Pembela ite?

1 KORINTUS 15:34

Sadarba uyo, ngen jibeak igai menea duso. Seharusne udi selek, bahwo neak antaro udi ade de ati kemnal Allah.

2 KORINTUS 5:21

Si de coa namen duso bi nea-Ne jijai duso kerno ite, supayo neak lem Si ite jijai benea.

GALATIA 4:19

Hoi, anok-anokku, uku uyo menderita igai kerno udi. Uku menderita awei suang ibu menderita pado waktau melaher. Uku bakea terus menderita, amen sifet-sifet Kristus ati ade neak lem ateinu.

EFESUS 2:18

Kerno liwet Kristus, ite kute jijai do dapet pa'ok ngen sang Bapa.

EFESUS 4:26

Amen udi ramah, jibeakba udi menea duso, jibeakba bogoa mengiak tiep bilai,

1 TIMOTIUS 2:5

Sebab, cuma ade do Allah, ngen cuma do penengeak antaro Allah ngen manusio, adeba Kristus Yesus.

1 TIMOTIUS 3:14

Uku ma'ep coa an igai uku bakea semulau udi. Kunyau awei o, uku temulis kulo su'et yo ngen udi,

IBRANI 9:24

Sebab Kristus coa masuk moi Ruang Sucai nea manusio, de cuma jijai lambang Ruang Sucai de sebeneane. Kristus masuk moi surgo suang; neak di Si uyo madep Allah utuk kepetingan ite.

YAKOBUS 1:27

Ketaatan beragamo de sucai ngen sejati temurut pandangan Allah Bapa adeba: temulung anok-anok yatim ngen rando-rando de saro, jemago dirai su'ang supayo jibeak nusak dunio yo.

YAKOBUS 3:9

Ite makeine utuk madeak mokasiak ngen Tuhan, Bapa ite, tapi kulo utuk semupeak sesamo manusio de sudo cenipto temurut rupo Allah.

1 PETRUS 2:22

Si coa perneak menea duso, ngen coa perneak su'ang tun kulo temi'uk Si mike.

1 PETRUS 3:18

Sebab Kristus suang matei cuma debat bae, utuk selamo-lamone kerno duso manusio – suang tun de coa saleak, matei utuk tun de saleak. Kristus menea do'o supayo Si dapet bimbing udi ngen Allah. Si nunuak seca'o jasmani, tapi nidup igai seca'o rohani.

1 YOHANES 3:18

Anok-anokku, jibeakba ite mengasiak cuma neak bibia atau kecek bae. Lokba ite mengasiak ngen kasih de sejati neak lem perbuatan ite.

1 YOHANES 3:5

Udi namen bahwo Kristus teko utuk mapus duso-duso manusio, ngen neak lem Si coa ade duso.

1 YOHANES 3:7

Anok-anokku, jibeak meluak api bae semset udi. Tun de menea kelok Allah adeba Anok Allah serai awei Kristus adeba Anok Allah.

1 YOHANES 4:4

Tapi anok-anokku, udi de Allah temuan. Udi bi maleak nebai-nebai palsu, sebab de ade ngen udi lebiak bekuaso kunei roh de ade ngen tun-tun de temuan dunio yo.

1 YOHANES 5:17

Kute kejahatan adeba duso, tapi ade duso de menea tun nyep idup sejati ngen kekal o.

1 YOHANES 5:21

Anok-anokku, ne'uakba dirainu kunei patung-patung!

3 YOHANES 1:4

Coa ade de dapet menea uku kembiak riang, kunei pado temi'uk bahwo anok-anok uku idup temurut ajaran Allah