1 YOHANES 1:7 - JANJAI BLAU Lem Bahaso Jang Bebilai

⁷ Tapi amen ite idup neak lem teang serai awei Allah ade neak lem te'ang, mako ite idup erat, rukun do ngen de luyenne, ngen daleak Yesus, Anok-Ne, semucai ite kunei kute duso.

1 YOHANES 1:7 ပူးပေါင်းရင်းမြစ်များ

MATIUS 6:12

Napunba keme kunei saleak keme, awei keme kulo sudo melei apun ngen tun de besaleak ngen keme.

YOHANES 1:29

Bilai menne Yohanes kemliak Yesus teko. Yohanes madeak, “Keliak ba Anok Bebirai Allah de mapus duso dunio.

YOHANES 12:35

Nadeak Yesus ngen tobo'o, “Cuma didik igai waktaune te'ang ade neak antaro udi. Jijai paneu ba seke'an te'ang o masiak ade, ngen udi kunyau udi jibeak teninggang kelem. Tun de paneu neak lem kelem coa namen moi ipe si lalau.

YOHANES 5:4

Sebab sewaktau-waktau tu'un malaikat Tuhan moi kulam o ngen mengunyak bioa o; api bae de dute masuk moi lemne sesudo unyak bioa'o, jijai kaen, jano bae olonne.]

ROMA 13:12

Bilai bi uak malem, tegoa igai lueng. Sebab o maroba ite bedan menea plep-plep kidek, ngen makei perlengkapan senatai te'ang!

1 KORINTUS 6:11

Kekedau tun neak antaro Saudaro memang aweiyo kileak. Tapi Saudaro bi melei dirainu senucai, Saudaro bi senucai, Saudaro bi jijai bnea neak lem gen Tuhan Yesus Kristus kulo lem Roh Allah ite.

EFESUS 1:7

Sebab, ngen mateine Kristus, Allah mbebas ite, taine Allah bi mapun ite kunei duso-duso ite.

EFESUS 5:8

Memang bel'o udi ade neak lem kelem, tapi uyo udi adeba te'ang neak lem Tuhan. Sebab o idupba sebagoi anok-anok te'ang,

1 TIMOTIUS 6:16

Siba do-done de coa nam kenuaso maut; Si idup neak lem cahayo de coa dapet na'ok api bae kulo. Coa ade suang manusio kulo de perneak kemliak Si, atau dapet kemliak Si. Bagiak-Neba hormat ngen kuaso de kekal! Amin.

TITUS 2:14

Si bi melei dirai-Ne bagiak ite utuk mbebas ite kunei kute kejahatan, ngen jemijai ite umat de bebas kunei duso, de jijai de Si temuan bae, serto de rajin menea baik.

IBRANI 9:14

Nah, amen daleak nge abu o dapet semucai tun-tun o, jano igai daleak Kristus! Liwet Roh de kekal, Kristus melei dirai-Ne suang ngen Allah sebagai kurban de sempurno. Daleak-Ne semucai atei nurani ite kunei upacara agamo de coa beguno, supayo ite dapet melayan Allah de idup.

YAKOBUS 1:17

Tiep pelei de baik ngen hadiah de sempurno tekone kunei surgo, tenu'un Allah, Pencipto kute te'ang neak lenget. Siba Allah de coa bubeak, coa kulo jijai sembab tiep kelem.

1 PETRUS 1:19

meluyen sesuaktau de kembiak bego; adeba dirai Kristus suang, de jijai sebagai bebirai coa ade cacet ngen cela de kenorban ngen Allah.

1 YOHANES 1:3

Jano de sudo keme kemliak ngen temi'uk, do'oba kulo de keme melei namen ngen udi, supayo udi ngen keme besamo-samo idup jijai do ngen Bapa ngen Anok-Ne Yesus Kristus.

1 YOHANES 1:5

Dioba bito de sudo keme temi'uk kunei Anok-Ne ngen de keme melei namen ngen udi: Allah o te'ang, ngen Si coa ade kegelapan samo sekilai.

1 YOHANES 5:6

Yesus Kristusba de teko moi dunio ngen bio baptisan-Ne ngen daleak kematian-Ne. Si teko iso cuma ngen bioa bae tapi ngen bio ngen daleak. Roh Allah su'ang melei saksai bahwo do'o benea, sebab roh coa perneak berdusta.

1 YOHANES 5:8

Roh Allah, bioa ngen daleak – ketelaune melei saksai de serai.

2 YOHANES 1:4

Uku kemliak riang, namen bahwo pa'o kunei anok-anoknu idup lem kebenaran sesuai ngen periteak de sudo ite temimo kunei Bapa.

3 YOHANES 1:4

Coa ade de dapet menea uku kembiak riang, kunei pado temi'uk bahwo anok-anok uku idup temurut ajaran Allah

WAHYU 1:5

ngen kunei Yesus Kristus, saksai de setia. Siba de pertamo-tamo idup igai kunei matei ngen Siba penguaso das rajo-rajo dunio. Yesus mengasiak ite, ngen kematian-Ne Si bebas kunei duso-duso ite,

WAHYU 12:11

Saudaro-saudaro ite sudo maleak si ngen daleak Anok Bebirai, ngen bito benea kunei Allah de tobo'o melei namen. Tobo'o rela melei nyabai tobo'o sapei matei.

WAHYU 7:14

“Uku coa namen, Tuan, Tuan suang de namen,” jawab uku. Mako si madeak ngen uku, “Dioba tun-tun de sudo ngen selamat kunei kesusahan de luea biaso. Tobo'o bi mpuk jubah tobo'o ngen meneane jijai putiak ngen daleak Anok Bebirai o.