1 YOHANES 1:3 - JANJAI BLAU Lem Bahaso Jang Bebilai

³ Jano de sudo keme kemliak ngen temi'uk, do'oba kulo de keme melei namen ngen udi, supayo udi ngen keme besamo-samo idup jijai do ngen Bapa ngen Anok-Ne Yesus Kristus.

1 YOHANES 1:3 ပူးပေါင်းရင်းမြစ်များ

YOHANES 17:11

Uku coa ade igai neak lem dunio, tapi tobo'o masiak ade neak lem dunio, Uku teko ngen Ko. Au Bapa de sucai, jagoba tobo'o lem gen-Nu, adeba gen-Nu de sudo Ko melei ngen-Ku, supayo tobo'o jijai do serai awei ite.

YOHANES 17:21

Supayo tobo'o kute jijai do, serai awei Ko, au Bapa, neak lem ite, supayo dunio pecayo bahwo Ko ba de sudo mutus Uku.

YOHANES 17:25

Au Bapa de adea, memang dunio coa kemnal Ko, tapi Uku kemnal Ko, tobo'o namen bahwo Ko ba de sudo mutus Uku.

YOHANES 17:3

Dioba idup de kekal, adeba bahwo tobo'o kemnal Bapa, dedone Allah de benea, ngen kemnal Yesus Kristus de sudo nutus Bapa.

YOHANES 19:35

Tun de kemliak suang hal o de besaksai ngen saksaine benea, ngen si namen bahwo si madeak de benea, supayo udi kulo pecayo.

KISAH RASUL-RASUL 13:32

Keme uyo melei Bito Baik ngen udi: Bahwo janjai de nelei ngen ninik puyang te,

KISAH RASUL-RASUL 13:41

‘Kemliak baik-baik, hoi udi tun-tun de galok mino! Seleba ngen mateiba! Kerno Uku menea suaktau pekerjaan lem zaman nu, suaktau pekerjaaan, de coa bakea udi pecayo, amen cenrito ngen udi.’ ”

KISAH RASUL-RASUL 2:42

Tobo'o tekun lem pengajaran rasul-rasul ngen bogoa bekopoa sesamo. Tobo'o mukmei sesamo ngen bedu'o sesamo.

KISAH RASUL-RASUL 20:27

Coa perneak uku lalai ngen tugasku utuk jemlas ngen udi kute rencano Allah.

KISAH RASUL-RASUL 4:20

Sebab keme coa nam bedan miling tetang jano de sudo keme kemliak ngen temi'uk suang.”

ROMA 15:27

Ngen riang atei tobo'o mutus utuk menea o. Memang sebeneane tobo'o patut temulung saudaro-saudaro de peset neak Yerusalem o; sebab kunei tun-tun Yahudiba tun-tun iso Yahudi o bi temimo berkat-berkat kunei Allah. Jijai, tun-tun iso Yahudi o patut kulo temulung tun-tun Yahudi ngen berkat-berkat de ade ngen tobo'o.

1 KORINTUS 1:30

Allah suangba de nea sehinggo udi jijai do ngen Kristus Yesus. Liwet Kristus, ite jenijai-Ne bijaksana. Liwet Si kulo Allah menea te baik igai ngen dirai-Ne, jemijai ite umat-Ne de khusus, ngen mbebas ite.

1 KORINTUS 1:9

Udi dapet pecayo ngen Allah sepenuakne. Siba Allah de sudo menok udi utuk jijai do ngen Anok-Ne, adeba Yesus Kristus, Tuhante.

1 KORINTUS 15:1

Uyo, Saudaro-saudaro, uku lok udi minget igai Bito Baik kunei Allah de uku melei namen bel'o ngen udi. Udi temimone, lajau pecayo ngen Kristus kerno Bito Baik o.

EFESUS 3:6

Resio o adeba: Liwet Bito Baik o, tun iso Yahudi milau jijai ahli-ahli waris ngen anggota-anggota awok ngen milau temimo jano de jenanjai Allah liwet Kristus Yesus.

FILIFI 1:7

Memang bi sepatutne uku bepeker awei o tetang udi kutene, sebab udi ade neak lem ateiku. Kulo kerno udi kutene milau temimo besamo-samo uku, anugerah de Allah nelei ngen uku; baik pado waktau uku nasuk sel atau pado waktau uku mbela ngen mempertahankan Bito Baik o.

FILIFI 2:1

Udi kuet, kerno udi jijai do ngen Kristus. Ngen udi terhibur kerno Kristus sayang ngen udi! Udi nipin Roh Allah, ngen udi kulo samo kemasiak serto mpek belas kasiak do ngen de luyen.

FILIFI 3:10

Do-done de uku lok adeba supayo uku kemnal Kristus, ngen meding kuaso de midup Si kunei matei. Uku lok milau saro ngen Si ngen jijai serai awei Si lem hal kematian-Ne.

KOLOSE 1:13

Si bi mbebas ite kunei kuaso kegelapan ngen maliak ite moi lem kerajaan Anok-Ne de kenasiak-Ne.

1 TESALONIKA 1:10

Tobo'o miling kulo tetang awei ipe udi ma'ep tekone Anok Allah kunei surgo, adeba Yesus, de sudo nidup Allah kunei matei. Yesus do'oba kulo de semlamat ite kunei hukuman Allah de bakea teko.

1 TIMOTIUS 6:2

Hamba-hamba de tuanne tun Kristen, coa buliak manggap remeh tuanne kerno tobo'o samo-samo tun Kristen. Malah tobo'o seharusne melayan tuan tobo'o ngen lebiak baik igai, sebab tuan de nelayan ngen baik o adeba samo-samo tun pecayo de dikasihi. Najeaba ngen meleiba nasihat kutene o.

IBRANI 2:12

Yesus madeak ngen Allah, “Uku bakea melei namen ngen saudaro-saudaro-Ku tetang Ko. Uku bakea mujai Ko neak lem pertemuan tobo'o.”

IBRANI 3:1

Saudaro-saudaro sesamo Kristen de sudo nok Allah! Cubo peker lem-lem tetang Yesus yo! Allah mutus Si khusus utuk jijai Imem Lai lem agamo de ite pegong.

IBRANI 3:14

Ite kute adeba kuat seperjuangan ngen Kristus, asal ite sapei akhir tep yakin de ite temuan pado mulone.

1 PETRUS 5:1

Uku minoi perhatian tobo pemipin jemaatnu. Uku temulis dio sebagai rekan pemipin ngen sebagai tun de sudo kemliak suang penderitaan Kristus, ngen de bakea milau kulo diagungkan, amen keagungan Kristus kenten ngen manusio. Uku minoi ngen kembiak.

2 PETRUS 1:16

Pado waktau keme melei namen ngenko betapa agungne tekone Tuhan ite Yesus Kristus, keme coa begatung pado nandei-nandei. Keagungan Kristus o sudo keme kemliak ngen matai keme suang.

1 YOHANES 1:1

Isai su'et yo tetang firman de melei idup, adeba firman de sudo ade ayok mulone. Keme bi temi'ukne, kemliakne ngen matai keme su'ang. Keme bi kemliakne, bi megongne ngen tangen keme.

1 YOHANES 1:5

Dioba bito de sudo keme temi'uk kunei Anok-Ne ngen de keme melei namen ngen udi: Allah o te'ang, ngen Si coa ade kegelapan samo sekilai.

1 YOHANES 1:7

Tapi amen ite idup neak lem teang serai awei Allah ade neak lem te'ang, mako ite idup erat, rukun do ngen de luyenne, ngen daleak Yesus, Anok-Ne, semucai ite kunei kute duso.