1 YOHANES 1:2 - JANJAI BLAU Lem Bahaso Jang Bebilai

² Ketiko idup o ade, keme kemliakne. Do'oba sebabne keme melei saksai tetang si. Keme melei namen ngen udi tetang hidup sejati ngen kekal, de ade besamo Bapa, de sudo nelei ngen keme.

1 YOHANES 1:2 ပူးပေါင်းရင်းမြစ်များ

YOHANES 1:18

Coa suang tun de perneak kemliak Allah; tapi anok Tunggea Allah, de ade neak das balung Bapa, Siba de madeak-Ne.

YOHANES 1:4

Lem Si ade idup ngen idup'o adeba te'ang manusio.

YOHANES 10:28

Uku melei idup de kekal ngen tobo'o ngen coa bakea benaso sapei seke'anne ngen coa suang tun mok tobo'o kunei tangen-Ku.

YOHANES 14:6

Nadeak Yesus ngen Si, “Uku ba dalen utuk kemnal Allah ngen dapet idup. Coa ade suang de teko ngen Bak, amen coa liwet Uku.

YOHANES 15:27

Tapi udi kulo arus saksai, kerno udi kunei dutene sesamo ngen Uku.

YOHANES 16:28

Uku teko kunei Bapa ngen Uku teko moi lem dunio. Uku teminggea dunio kulo ngen lalau ngen Bapa.”

YOHANES 17:3

Dioba idup de kekal, adeba bahwo tobo'o kemnal Bapa, dedone Allah de benea, ngen kemnal Yesus Kristus de sudo nutus Bapa.

YOHANES 17:5

Uyo, au Bapa, mulio ba Uku neak hadirat-Nu suang ngen kemulioan de Uku temuan neak hadirat-Nu ayok dunio ade.

YOHANES 19:35

Tun de kemliak suang hal o de besaksai ngen saksaine benea, ngen si namen bahwo si madeak de benea, supayo udi kulo pecayo.

YOHANES 21:14

Do'oba ketelau kilaine Yesus kemten dirai ngen penotoa-penotoa-Ne sesudo Si idup igai kunei antaro tun matei.

YOHANES 3:13

Coa ade suang tun de sudo kenek moi surgo seluyen Si de sudo tu'un kunei surgo, adeba Anok Manusia.

YOHANES 7:29

Uku namen Si, sebab Uku teko kunei Si, ngen Siba de mutus Uku.”

YOHANES 8:38

Jano de Uku kemliak ngen Bapa-Ku, do'oba de Uku madeak. Awei o kulo udi menea tetang jano de udi temi'uk kunei Bapa-Nu.”

KISAH RASUL-RASUL 1:22

adeba muloi kunei baptisan Yohanes sapei bilai Yesus taket moi surgo teminggea keme, utuk jijai saksai ngen keme tetang Si idup igai.”

KISAH RASUL-RASUL 10:41

iso ngen kute bangso o, tapi ngen saksai-saksai, de ayokne bi tenunjuk ngen Allah. Keme de bi mukmei ngen menem besamo-samo ngen Si, sesudo Si idup igai kunei antaro tun matei.

KISAH RASUL-RASUL 2:32

Yesus yo ba de Allah midup igai. Tetang hal o keme kutene adeba saksai.

KISAH RASUL-RASUL 3:15

Udi bi munuak perintis kehidupan, tapi Allah bi midup igai Si kunei antaro tun matei, ngen tetang hal o keme adeba saksai.

KISAH RASUL-RASUL 5:32

Kemeba saksai-saksai tetang kutene o – keme ngen kulo Roh Sucai de nelei Allah ngen tun-tun de temotoa periteak-Ne.”

ROMA 8:3

Sebab jano de coa mukin nea hukum agamo Yahudi kerno ite manusio lemah, bi nea Allah. Ngen mbo Anok-Ne su'ang lem tabi'at manusio, de serai ngen manusio de beduso, utuk mapus duso.

GALATIA 4:4

Tapi sesudo genep waktaune, mako Allah mutus Anok-Ne de laher kunei suang selawei de idup neak beak kuaso hukum agamo.

1 TIMOTIUS 3:16

Coa suang kulo dapet temulok, padeak kelaine resio agamo te: Si kemten dirai lem rupo manusio, ngen de benea lem Roh, serto kenliak para malaikat. Bitone sapei neak antaro bangso-bangso, ngen Si cenayo neak kute dunio ngen naket moi surgo.

2 TIMOTIUS 1:10

Ngen uyo, Allah kemten rahmat-Ne o ngen ite liwet tekone Rajo Penyelamat ite Kristus Yesus. Yesus maleak kuaso maut ngen mbin idup de kekal liwet Bito Baik o.

TITUS 1:2

Ajaran o das dasar harapan bahwo ite bakea temimo idup sejati ngen kekal. Allah bi melei janjai idup o ayok mulone zaman – ngen Allah coa mukin ngike.

1 PETRUS 5:1

Uku minoi perhatian tobo pemipin jemaatnu. Uku temulis dio sebagai rekan pemipin ngen sebagai tun de sudo kemliak suang penderitaan Kristus, ngen de bakea milau kulo diagungkan, amen keagungan Kristus kenten ngen manusio. Uku minoi ngen kembiak.

1 YOHANES 1:1

Isai su'et yo tetang firman de melei idup, adeba firman de sudo ade ayok mulone. Keme bi temi'ukne, kemliakne ngen matai keme su'ang. Keme bi kemliakne, bi megongne ngen tangen keme.

1 YOHANES 2:25

Dioba de jenanjai Kristus su'ang ngen ite: idup sejati ngen kekal.

1 YOHANES 3:5

Udi namen bahwo Kristus teko utuk mapus duso-duso manusio, ngen neak lem Si coa ade duso.

1 YOHANES 3:8

Tapi tun de tep menea duso adeba anok Iblis, sebab Iblis beduso sejak mulone. Utuk dioba Anok Allah teko, adeba utuk benaso pekerjaan Iblis.

1 YOHANES 4:14

Keme suang bi kemliak Anok Allah, ngen keme melei namen bahwo Si nutus Bapa utuk jijai Rajo Penyelamat dunio yo.

1 YOHANES 4:2

Awei'oba ca'one udi namen jano do'o Roh Allah atau iso: Tun de makau bahwo Yesus Kristus teko moi dunio sebagai manusio, tun o temuan Roh de teko kunei Allah.

1 YOHANES 5:11

Dioba saksai: Allah bi melei ngen ite idup sejati ngen kekal, ngen anok-Ne adeba sumber idup o.

1 YOHANES 5:13

Uku temulis ngen udi de pecayo ngen Anok Allah, supayo udi namen bahwo udi sudo temuan idup sejati ngen kekal.

1 YOHANES 5:20

Ite namen bahwo Anok Allah bi teko ngen sudo melei pengertian ngen ite, supayo ite kemnal Allah de benea. Ite idup jijai do ngen Allah de benea ngen idup jijai do ngen anok-Ne Yesus Kristus, dioba Allah de benea, ngen dioba idup sejati ngen kekal.