1 TIMOTIUS 6:9 - JANJAI BLAU Lem Bahaso Jang Bebilai

⁹ Tapi tun de lok jijai kayo, tergoda ngen terjerat mecem-mecem kelok de bodong ngen musak. Kelok-kelok o menea tun jijai ajua ngen celako.

1 TIMOTIUS 6:9 ပူးပေါင်းရင်းမြစ်များ

MATIUS 13:22

Biniak de cucia neak tengeak-tengeak belukea tebok awei tun-tun de temi'uk kabar'o, tapi renyeng tetang idup tobo'o ngen lok idup mewah. Kerno'o kabar kunei Allah tipit neak lem atei tobo'o sehinggo coa bebueak.

MATIUS 19:22

Waktau tun uai temi'uk de nadeak-Ne'o lalauba si ngen ibo, sebab si kembiak kayo.

MATIUS 26:15

Si madeak ngen tobo'o, “Jano de bakea udi melei, amen uku semreak Yesus ngen si?” Tobo'o masen telau puluak caci pirok ngen ko.

MATIUS 6:19

“Jibeakba udi melungguk harto utuk dirainu neak bumai; olok menget musakne ngen tukang maling teko utuk malingne.

MARKUS 4:19

Tapi kwatir tetang idup tobo'o ngen lok idup senang. Nafsu utuk memecem hal masuk moi lem atei tobo'o. Kerno o bito kunei Allah telipit neak lem atei tobo'o, sehinggo coa bebuak.

LUKAS 12:21

Awei o kulo jijaine ngen tun de kemopoa hok bagiak diraine suang, amen si coa kayo neak adep Allah.”

LUKAS 21:35

Sebab Bilai o bakea teko awei tinjo pado kute tun neak muko bumai yo.

KISAH RASUL-RASUL 8:20

Tapi Petrus jemawab, “Celakoba ko ngen cacinu! Ko kiro pelei Allah dapet nukua ngen caci?

EFESUS 4:22

Sebab o tenanggeaba manusio an ngen pola idup an de gidong nusak ngen kelok-kelokne de seset.

1 TIMOTIUS 1:9

Pasetne harus ninget bahwo hukum nea iso te'adep tun baik, tapi te'adep para pelanggea hukum, para penjahat, tun bejat, te'adep tun beduso, tun coa ade agamo, tun duniawi, te'adep tun de munuak tun tuaine, para pembunuh pado umumne,

1 TIMOTIUS 3:7

Si harusba tun de temuan gen baik lem masyarakat; sebab amen si awei o, mako si bakea nino tun, sehinggo us moi lem perangkap Iblis.

1 TIMOTIUS 6:10

Kerno bogoa meker caci, timboa kute mecem kejahatan. Ade pa'o tun mesoa caci sehinggo bi coa temurut igai ajaran Kristen, lajau tobo'o keno dau penderitaan de majua atei tobo'o.

1 TIMOTIUS 6:17

Ngen tun-tun kayo neak dunio yo, lokba ko minoi supayo tobo'o jibeak ombong ngen jibeak ma'ep pado sesuaktau de coa tau awei kekayaan. Tobo'o harus ma'ep ngen Allah de melei kute sesuaktau ngen ite utuk ite nikmati.

2 TIMOTIUS 2:26

Ngen awei o tobo'o jijai sadar igai, ngen bebas kunei perangkap Iblis de sudo temaen tobo'o ngen makso tobo'o motoa kelokne.

TITUS 2:12

Rahmat Allah o majea ite supayo coa igai idup melawen kelok Allah ngen coa temotoa kelok duniawi. Ite najea utuk idup lem dunio yo ngen namen temaen dirai, tulus, setia ngen Allah.

2 PETRUS 2:3

Kerno serakahne gu'au-gu'au palsu o bakea beusaho mesoa utung kunei ko ngen nandei-nandei tobo'o. Tapi utuk plep tobo'o o ukuman bi an tesedio ngen kebinasaan coa bakea buye.

YUDAS 1:11

Celakoba tobo'o! Tobo'o bi motoa dalen Kain. Kunyau dapet caci, tobo'o mbin diraine moi lem kesesatan, serai awei Bileam. Tobo'o benaso kerno brutak awei Korah.