1 TIMOTIUS 6:6 - JANJAI BLAU Lem Bahaso Jang Bebilai

⁶ Memang agamo melei utung de lai, amen tun pues ngen jano de temuanne.

1 TIMOTIUS 6:6 ပူးပေါင်းရင်းမြစ်များ

LUKAS 12:15

Sesudo'o, ngen kute tun de ade neak di Yesus madeak, “Atei-ateiba ngen waspadaba, jibeak sapei udi tamak. Sebab idup manusio coa tegatung kunei hokne, kunyau hokne kembiak dau.”

LUKAS 3:14

Ade kulo prajurit de temnai, “Awei ipe ngen keme? Jano de harus keme menea?” Jawab Yohanes ngen tobo'o, “Jibeak mbut ngen jibeak mok ngen pakso ngen temuduak palsu. Puesba ngen gajainu!”

ROMA 8:28

Ite namen uyo, bahwo Allah kulo kerjo lem kute sesuaktau utuk mbin kebaikan utuk tobo'o de mengasihi Si, adeba utuk tobo'o de nok-Ne sesuai ngen rencano Allah.

2 KORINTUS 4:17

Sebab penderitaan de coa sebrapo yo, bakea mbin asea bagiak keme kemulioan kekal de lebiak kunei kute-kutene, uak lebiak lai kunei pado penderitaan keme.

FILIFI 1:21

Kerno bagiak ku, tujuan idupku adeba Kristus! Ngen matei taine utung.

1 TIMOTIUS 4:8

Latihan jasmani didik bae gunone, tapi latihan rohani beguno lem kute hal, sebab mengandung janjai utuk idup pado maso uyo ngen maso de bakea teko.

1 TIMOTIUS 6:8

Jijai, amen ade kembuk ngen keracok, do'o bi cukup.

IBRANI 13:5

Jibeakba idupnu kenuaso caci, tapi lokba udi pues ngen jano de ade. Sebab Allah bi madeak, “Uku coa bakea munyau atau bakea teminggea ko.”