1 TIMOTIUS 6:4 - JANJAI BLAU Lem Bahaso Jang Bebilai

⁴ si adeba tun ombong ngen coa namen jejano! Plepne adeba galok selisiak ngen tekea tetang istilah-istilah sehinggo timboa iri atei, perpecahan, fitneak, curiga ngen de coa baik,

1 TIMOTIUS 6:4 ပူးပေါင်းရင်းမြစ်များ

KISAH RASUL-RASUL 15:2

Tapi Paulus ngen Barnabas temtang melawen pendapet tobo'o. Akherne tentep, supayo Paulus ngen Barnabas serto kekedau tun luyen kunei jemaat o lalau ngen rasul-rasul ngen pemipin-pemipin neak Yerusalem utuk madeak hal o.

KISAH RASUL-RASUL 18:15

Tapi amen hal o adeba selisiak tetang kecek, gen atau hukum de belakau neak antaro udi, mako lokba udi suang semleseine; uku coa lok jijai hakim das perkaro de awei yo.”

KISAH RASUL-RASUL 8:9

Neak kota o ade suang semanei de genne Simon, de sudo kekedau waktau anne menea tun-tun Samaria takjub bakea lemau sihirne. Si madeak ngen tobo'o bahwo si tun de luea biaso.

ROMA 12:16

Lokba udi do atei, do pekeran lem idupnu besamo; jibeakba udi meker perkaro-perkaro de lekat, tapi pekerba perkaro-perkaro de sederhana. Jibeakba manggap dirainu pacok!

ROMA 13:13

Maroba ite idup ngen sopan, awei tengeak bilai, jibeak lem pesta pora ngen mabuk, jibeak lem percabulan ngen hawa nafsu, jibeak lem selisiak ngen kidek atei.

ROMA 14:1

Temimoba tun de lemah imenne ngen coa bogoa madeak pendapetne.

ROMA 2:8

Allah murka ngen tobo'o de mesoa kepetingan suang, de coa taat ngen kebenaran, tapi taat ngen kelaliman.

1 KORINTUS 11:16

Kerno o, amen ade de lok tekea tetang masalah yo, uku cuma dapet madeak bahwo baik ite atau jemaat Allah luyenne, cuma temuan kebiasaan lem jemaat; luyen kunei do'o coa gen.

1 KORINTUS 11:18

Pertamo-tamo uku temi'uk, bahwo neak antaro udi ade kelopok-kelopok de selisiak. Ngen temurut uku bito o ade baneane.

1 KORINTUS 3:18

Jibeakba suang tun kulo mike diraine suang. Amen ade tun neak antaro udi asai diraine bijaksana temurut ukuran dunio yo, tun o harus jijai bodong, supayo si jijai benea-benea bijaksana.

1 KORINTUS 3:3

kerno udi masiak manusio duniawi. Sebab amen udi masiak iri atei, selisiak do ngen de luyen, do'o kemten bahwo udi masiak idup temurut manusio duniawi, awei tun-tun de coa kemnal Allah.

2 KORINTUS 11:20

kerno udi sabar, amen tun mbudok udi, amen tun meras udi, amen tun kemuaso udi, amen tun ombong te'adep udi, amen tun tempok udi.

GALATIA 5:15

Tapi amen udi saling nget ngen saling temlen, awas, be udi samo-samo ajua.

GALATIA 5:26

ngen jibeakba ombong, jibeakba ite saling belawen ngen iri atei.

GALATIA 6:3

Amen suang tun madeak diraine peting, padahal si samo sekilai coa peting, si mike diraine suang.

FILIFI 1:15

Memang ade kekedau neak antaro tobo'o de melei namen Kristus kerno iri ngen lok tekea, tapi de luyenne melei namen Kristus kerno ade maksud de baik.

FILIFI 2:14

Kenerjoba kute sesuaktau ngen coa ngerunyam atau betekea.

FILIFI 2:3

Jibeakba menea sesuaktau kerno kepentingan suang, atau utuk ombong. Sebelekne lokba udi memasing ngen rendeak atei manggap tun luyen lebiak kunei dirai suang.

KOLOSE 2:18

Jibeakba udi munyau dirainu rugai ngen tun de aweine merendeak dirai ngen sembeak malaikat-malaikat. Tun o ombong ngen pekeran-pekeranne de duniawi ngen mengagung-agungkan pengeliak-pengeliakne de khusus,

2 TESALONIKA 2:4

Ngen ombong si bakea melawen ngen melekat dirai neak das kute de senbeak manusio, atau kute ilah de nanggap Allah ngen manusio. Bahkan si bakea temot neak lem Bait Allah ngen melei namen bahwo si adeba Allah.

1 TIMOTIUS 1:4

Madeak ngen tobo'o supayo jibeak igai melei perhatian pado dongeng-dongeng ngen cerito-cerito asal-usul de coa putus-putusne. Kutene o cuma menea tekea bae, ngen coa memajukan rencano Allah de cuma dapet kemnal liwet pecayo ngen-Si.

1 TIMOTIUS 1:7

Tobo'o lok jijai gu'au-gu'au agamo, padahal tobo'o suang coa paham ngen kecek-kecek de tobo'o pakei atau hal-hal de tobo'o madeak ngen yakin.

1 TIMOTIUS 3:6

Suang pekerjo jemaat coa buliak tun de tembei jijai Kristen, sebab be si jijai ombong lajau keno hukuman awei Iblis bel'o.

2 TIMOTIUS 2:14

Lokba ko minget tun-tun tetang kutene yo. Neak adep Allah, meleiba nasihat ngen tobo'o supayo jibeak tekea tetang istilah-istilah. Do'o coa ade gunone, malah cuma kemacau tun-tun de temi'ukne.

2 TIMOTIUS 2:23

Jibeakba milau lem selisiak tun-tun bodong de coa namen jejano. Ko namen bahwo kute o cuma jijai tekea.

2 TIMOTIUS 3:4

Tobo'o galok berhianat, ombong ngen coa peker panjang. Tobo'o lebiak galok temotoa hawo nafsu kunei pado temotoa Allah.

TITUS 3:9

Ne'uakba selisiak de coa ade gunone, cerito-cerito asal usul, tekea, belago tetang hukum agamo. Kutene o coa ade gunone ngen coa ade utungne.

YAKOBUS 1:19

Kemliakba dio bebaik, Saudaro-saudaro de tecito! Tiep tun harus gacang utuk temi'uk, tapi cendok utuk miling ngen mengiak.

2 PETRUS 2:12

Tapi gu'au-gu'au o, luea biaso! Tobo'o awei benatang de laher utuk tenakep ngen nunuak bae. Tobo'o coa bepeker tapi cuma menea temurut naluri bae, sehinggo tobo'o semrang hal-hal de coa tobo'o ngertai ngen kecek-kecek hino. Sebab o, plep-plep tobo'o suang, tobo'o bakea benaso awei benatang-benatang buas.

2 PETRUS 2:18

Tobo'o menea pernyataan-pernyataan de ba'es-ba'es ngen kosong; nafsu de cabul nakei tobo'o utuk semset tun-tun de tembei bae muloi bebas kunei lingkungan tun de idup seset.

YUDAS 1:10

Tapi tobo'o mino kute sesuaktau de coa tobo'o ngertai. Tobo'o serai awei benatang-benatang de coa temuan akea, de namen hal-hal ngen nalurine bae. Tapi justru hal-hal'oba de jijai sebab kehancuran tobo'o.

YUDAS 1:16

Tun-tun o bogoa bae menggerutu ngen semaleak tun luyen. Tobo'o idup temurut klok-klok tobo'o de beduso. Tobo'o ngerunyam tetang dirai suang, jemilet tun supayo dapet utung.

WAHYU 3:17

Udi madeak, ‘Keme kayo ngen serbo ade; keme coa kekurangan.’ Tapi udi coa namen bahwo udi kembiak peset ngen kembiak ibo keadaannu! Udi peset, beleseng, ngen sutai.