1 TIMOTIUS 6:19 - JANJAI BLAU Lem Bahaso Jang Bebilai

¹⁹ Ngen awei o tobo'o melungguk hok de jijai modal de baik utuk masa depan. Utuk dapet idup de sebeneane, adeba idup de sejati.

1 TIMOTIUS 6:19 ပူးပေါင်းရင်းမြစ်များ

1 TIMOTIUS 6:12

Berjuangba sungguak-sungguak utuk idup sebagai tun Kristen supayo ko mbut hadiah sejati ngen kekal. Sebab utuk o ba Allah menok ko pado waktau ko ngakau neak adep dau tun bahwo ko pecayo ngen Kristus.

2 TIMOTIUS 2:19

Tapi dasar de mpek Allah o coa dapet nunyak. Neak dasne tetulis dio, “Tuhan namen tun-tun de temuan-Ne”, ngen “Tun de madeak bahwo si de Tuhan temuan, tun o harus bedan menea de saleak”.

1 PETRUS 1:4

Ite maʼep utuk temuan berkat-berkat de seniap Allah utuk umat-Ne, adeba berkat-berkat de naik-Ne neak surgo, sehinggo coa dapet usak, jijai usuk atau luntur.

LUKAS 16:9

Lajau Yesus miling igai, nadeak-Ne, “Ti'ukba! Pakeiba kayo dunio yo utuk dapet kuat, supayo amen kayo dunio yo sudo coa bego igai, udi bakea tenimo neak penan tinggea de abadi.

FILIFI 3:14

Do'o sebabne uku melilai terus sapei moi tujuan akhir utuk dapet kemenangan, adeba idup neak surgo; utuk do'oba Allah menok ite liwet Kristus Yesus.

EFESUS 3:17

Sehinggo kerno udi pecayo ngen Kristus, Kristus tinggea neak lem ateinu das dasar ngen kenuaso neak lem kasiak.

LUKAS 18:22

Temi'uk do'o Yesus madeak ngen si, “Masiak tinggea do hal igai de harus ko menea: Jenuoba kute de ko temuan ngen nagiakba do'o ngen tun-tun peset, mako ko bakea dapet hok neak surgo. Sesudo'o teko moi miyo ngen milimba Uku.”

LUKAS 12:33

Jenuoba kute hoknu ngen neleiba sedekeak! Meneaba bagiaknu dupet de coa dapet jijai tuai, do hok neak surgo de coa bakea abis, de coa dapet risau mokne ngen coa usak nembuk get.

MATIUS 19:21

Nadeak Yesus ngensi, “Amen ko lok jijai sepurno, lalauba jenuo kute hoknu. Meleiba caci ngen tun peset, ngen ko bakea dapet harto neak surgo. Sesudo'o tekoba temotoa Uku!”

GALATIA 5:6

Sebab bagiak tun-tun de ade neak lem Kristus Yesus hal sunat coa temuan tai, cuma imen de bekerjo ngen kasih.

LUKAS 18:2

Nadeak-Ne, “Lem do kota ade suang hakim de coa saben bakea Allah ngen coa me'go api bae.

LUKAS 16:25

Tapi Abraham madeak, ‘Anok, ingetba: bahwo ko bi temimo kute de baik sewaktau idupnu, tapi Lazarus kute de kidek. Uyo si senang neak yo ngen ko saro.

FILIFI 3:12

Uku coa madeak bahwo uku bi berhasil, atau bi jijai sempurno. Tapi uku terus bae berusaho mbut hadiah de seniap Kristus Yesus. Utuk do'oba Si bi mbut uku ngen jemijai uku de Si temuan.

2 TIMOTIUS 1:1

Timotius, anokku de uku semayang! Uku, Paulus, temulis su'et yo ngen ko, ma'ep Allah Bapa ngen Tuhan te Kristus Yesus melei berkat, rahmat, sejahtera ngenko. Das kelok Allah uku naket jijai rasul Kristus Yesus, nutus utuk melei namen tetang idup de jenanjai Allah. Idup o ite temimo kerno jijai do ngen Kristus Yesus.