1 TIMOTIUS 6:17 - JANJAI BLAU Lem Bahaso Jang Bebilai

¹⁷ Ngen tun-tun kayo neak dunio yo, lokba ko minoi supayo tobo'o jibeak ombong ngen jibeak ma'ep pado sesuaktau de coa tau awei kekayaan. Tobo'o harus ma'ep ngen Allah de melei kute sesuaktau ngen ite utuk ite nikmati.

1 TIMOTIUS 6:17 ပူးပေါင်းရင်းမြစ်များ

MATIUS 12:32

Amen tun miling sesuatu tetang anok manusio, si dapet napun, tapi amen si mino Roh Sucai kunei Allah si coa bakea napun, teak uyo kulo neak akhirat!”

MATIUS 19:23

Lajau Yesus madeak ngen penotoa-penotoa-Ne, “Uku madeak ngen ko, kembiak saro utuk tun kayo jijai anggota umat Allah.

MATIUS 25:16

Pelayan de temimo lemo caci mas segro lalau jagea, lajau dapet utung lemo ribau caci mas igai.

MATIUS 27:57

Malem'o tekoba su'ang tun kayo kunei Arimatea, genne Yusuf. Si kulo penotoa Yesus.

MATIUS 6:32

Hal-hal'oba de mesoa tun-tun de kemnal Allah. Tapi Baknu de neak Surgo namen, amen udi perlu kutene'o.

MARKUS 10:24

Murid-murid-Ne cengan temi'uk kecek-Ne'o. Tapi Yesus madeak igai, “Anok-anok-Ku, padeak sarone jijai anggota umat Allah.

LUKAS 19:2

Neak di ade suang de genne Zakheus, kepalo penagiak pajak de tun kayo.

LUKAS 3:11

Yohanes jemawab, “Tun de temuan duai lambea bajau, harus melei ngen tun de coa temuan; ngen tun de temuan kembuk, harus magiakne.”

KISAH RASUL-RASUL 14:17

Tapi si iso coa melei bukti tetang dirai-Ne ngen bebagoi plep baik, adeba temu'un ujen kunei lenget ngen melei musim-musim subur utuk udi. Si melei kembuk ngen semnang atei nu.”

KISAH RASUL-RASUL 14:27

Sapeine neak di tobo'o menok jemaat bekopoa, lajau tobo'o cemrito kute sesuaktau de Allah menea liwet tobo'o, bahwo si bi mukok bang utuk bangso-bangso luyen ngen imen.

KISAH RASUL-RASUL 17:25

Si kulo coa perlu batuan manusio, kerno siba de melei idup, nyabai ngen kute sesuaktau ngen manusio.

ROMA 11:20

Baikba! Tobo'o natiak kerno tobo'o coa pecayo, ngen udi idup kerno imen. Jibeakba udi ombong, tapi sabenba!

EFESUS 5:5

Tingetba dio baik baik: tun de menea plep kidek, atau coa wajar, atau serakeak, taine nyembeak patung, tun o coa dapet jijai anggota umat Allah.

KOLOSE 3:16

Lokba ajaran-ajaran Kristus de penuak berkat tinggea neak lem ateinu. Lokba udi samo-samo majea ngen samo-samo melei nasihat de bijaksano. Nyanyikanlah mazmur ngen puji-pujian serto legau-legau rohani; nyanyiba utuk Allah ngen perasaan syukur neak lem ateinu.

1 TESALONIKA 1:9

Kute tun miling tetang awei ipe udi temimo keme ketiko keme bel'o teko ngen udi. Tobo'o miling tetang awei ipe udi teminggea patung-patung, teko ngen do-done Allah de idup utuk mengabdi ngen-Si.

1 TIMOTIUS 1:3

Uku lok supayo ko tep tinggea neak Efesus awei de sudo uku demsok ko pado waktau ko lalau moi Makedonia. Sebab, neak Efesus ade kekedau tun de sembea ajaran de coa benea, ko harus mdan tobo'o.

1 TIMOTIUS 3:15

supayo amen uku cendok, ko bi namen awei ipe ite harus idup sebagai keluargo Allah, adeba jemaat Allah de idup. Jemaat dioba de adeba tiang penegok ngen pendukung ajaran de benea kunei Allah.

1 TIMOTIUS 4:10

Do'oba sebabne ite berjuang ngen kerjo keras, sebab ite ma'ep sepenuakne ngen Allah de idup; Siba penyelamat kute tun, terutamo tun-tun de pecayo.

1 TIMOTIUS 5:21

Neak adep Allah, Yesus Kristus ngen malaikat-malaikat pilihan-Ne, uku monoi nien supayo ko temotoa petunjuk-petunjuk yo ngen coa ade prasangka te'adep api bae, ngen coa mihak api bae.

1 TIMOTIUS 6:13

Ngen uyo, neak adep Allah de melei nyabai ngen kute sesuaktau, ngen neak adep Kristus Yesus de melei kesaksian de benea ngen Pontius Pilatus, uku minoi dio kunei ko:

1 TIMOTIUS 6:9

Tapi tun de lok jijai kayo, tergoda ngen terjerat mecem-mecem kelok de bodong ngen musak. Kelok-kelok o menea tun jijai ajua ngen celako.

2 TIMOTIUS 4:10

kerno Demas bi teminggea uku kerno cito ngen dunio yo. Si bi lalau moi Tesalonika. Kreskes bi lalau moi Galatia, ngen Titus moi Dalmatia.

TITUS 2:12

Rahmat Allah o majea ite supayo coa igai idup melawen kelok Allah ngen coa temotoa kelok duniawi. Ite najea utuk idup lem dunio yo ngen namen temaen dirai, tulus, setia ngen Allah.

TITUS 3:6

Allah melei Roh-Ne ngen ite liwet Yesus Kristus, Rajo Penyelamat ite,

2 PETRUS 1:11

Ngen awei yo udi bakea nelei hok penuak utuk masuk Kerajaan de kekal kunei Tuhan ngen Rajo Penyelamat ite Yesus Kristus.