1 TIMOTIUS 6:16 - JANJAI BLAU Lem Bahaso Jang Bebilai

¹⁶ Siba do-done de coa nam kenuaso maut; Si idup neak lem cahayo de coa dapet na'ok api bae kulo. Coa ade suang manusio kulo de perneak kemliak Si, atau dapet kemliak Si. Bagiak-Neba hormat ngen kuaso de kekal! Amin.

1 TIMOTIUS 6:16 ပူးပေါင်းရင်းမြစ်များ

YOHANES 1:18

Coa suang tun de perneak kemliak Allah; tapi anok Tunggea Allah, de ade neak das balung Bapa, Siba de madeak-Ne.

YOHANES 14:9

Nadeak Yesus ngen Si, “Bi an Uku sesamo udi, Filipus, tapi ko coa namen ngen Uku? Api bae de sudo kemliak Uku, si bi kemliak Bak. Awei ipe ko madeak: ‘Kenten ba Bak o ngen keme’!

YOHANES 6:46

Hal'o coa berartai, bahwo ade tun de sudo kemliak Bapa. Cuma Si de teko kunei Allah, Siba de sudo kemliak Bapa.

YOHANES 8:58

Nadeak Yesus ngen tobo'o, “Sesungguakne Uku madeak ngen udi, ayok Abraham ade, Uku bi ade.”

EFESUS 3:21

Lokba Allah dimuliakan tu'un temu'un neak lem jemaat, liwet Kristus Yesus. Tepujaiba Allah utuk selamo-lamone. Amin.

FILIFI 4:20

Tepujaiba Allah Bapa ite selamo-lamone! Amin.

KOLOSE 1:15

Kristus adeba gambar de nyato kunei dirai Allah de coa keten; Kristus adeba anok tuai, Siba de lebiak utamo lem kute sesuaktau.

1 TIMOTIUS 1:17

Allah, Rajo kute zaman, patut nelei hormat ngen nujai, sebab Siba de kekal, de coa keten ngen esa! Amin.

IBRANI 13:8

Yesus Kristus tep serai, baik bel'o, uyo, sapei selamo-lamone.

YAKOBUS 1:17

Tiep pelei de baik ngen hadiah de sempurno tekone kunei surgo, tenu'un Allah, Pencipto kute te'ang neak lenget. Siba Allah de coa bubeak, coa kulo jijai sembab tiep kelem.

1 YOHANES 1:5

Dioba bito de sudo keme temi'uk kunei Anok-Ne ngen de keme melei namen ngen udi: Allah o te'ang, ngen Si coa ade kegelapan samo sekilai.

1 YOHANES 1:7

Tapi amen ite idup neak lem teang serai awei Allah ade neak lem te'ang, mako ite idup erat, rukun do ngen de luyenne, ngen daleak Yesus, Anok-Ne, semucai ite kunei kute duso.

1 YOHANES 4:12

Coa ade suang kulo de perneak kemliak Allah, tapi amen ite samo-samo mengasiak, Allah jijai do ngen ite, kasih-Ne jijai sempurno lem dirai ite.

YUDAS 1:25

Siba dedone Allah, Penyelamat ite liwet Yesus Kristus Tuhan ite. Siba Allah de mulio, agung, bekuaso ngen bewibawa sejak bel'o nien sapei uyo ngen utuk selamo-lamone! Amin.

WAHYU 1:6

ngen jemijai ite bangso khusus imem-imem, de melayan Allah, Bapa-Ne. Yesus Kristus o ba de agung ngen bekuaso utuk selamo-lamone. Amin!

WAHYU 1:8

“Ukuba de pertamo ngen terakhir,” nadeak Tuhan Allah, de ade, de sudo ade, ngen de ade seterusne, De Mahakuaso.

WAHYU 21:3

Lajau uku temi'uk sa'ei de kembiak lek kunei takhta o madeak, “Uyo penan tinggea Allah adeba besamo-samo ngen manusio! Si bakea idup ngen tobo'o, ngen tobo'o bakea jijai umat-Ne. Allah suang bakea ade ngen tobo'o ngen jijai Allah tobo'o.

WAHYU 22:5

Tobo'o coa bakea perlu lapu atau cahayo matai bilai, sebab kelmen coa ade igai, ngen Tuhan Allah su'ang bakea tem'ang tobo'o. Mako tobo'o bakea meriteak sebagai rajo utuk selamo-lamone.

WAHYU 4:11

“Ya Tuhan, ya Allah keme! Ko bae de layak temimo pujian, hormat ngen kuaso. Sebab Koba pencipta kute sesuaktau, ngen das kelok-Nu kulo kute sesuaktau o bi tejijai ngen idup.”

WAHYU 7:12

Tobo'o menggang, “Amin! Tepujaiba Allah ite de agung ngen bijaksana. Si patut dapet ucapan-ucapan syukur ngen hormat. Si bekuaso ngen kuet utuk selamo-lamone! Amin.”