1 TIMOTIUS 6:13 - JANJAI BLAU Lem Bahaso Jang Bebilai

¹³ Ngen uyo, neak adep Allah de melei nyabai ngen kute sesuaktau, ngen neak adep Kristus Yesus de melei kesaksian de benea ngen Pontius Pilatus, uku minoi dio kunei ko:

1 TIMOTIUS 6:13 ပူးပေါင်းရင်းမြစ်များ

MATIUS 27:11

Waktau Yesus madep Pilatus, Gubernur negrai'o, Pilatus betanye, “Jano Ko Rajo tun Yahudi?” “Awei'oba nadeaknu,” Yesus jemawab.

MATIUS 27:2

Tobo'o meket Si, lajau mbin-Ne ngen semreak-Ne ngen Gubernur Pilatus, walai negrai'o.

YOHANES 14:6

Nadeak Yesus ngen Si, “Uku ba dalen utuk kemnal Allah ngen dapet idup. Coa ade suang de teko ngen Bak, amen coa liwet Uku.

YOHANES 19:11

Yesus jemawab, “Ko coa temuan kuaso jano bae te'adep Uku, amen kuaso o coa nelei ngen ko kunei das. Sebab'o Si de semreak Uku ngen-Ko lebiak lai dusone.”

YOHANES 5:21

Sebab serai awei Bapa midup igai tun-tun matei, awei yo kulo Anok midup igai api bae de kelok Ne.

YOHANES 5:26

Sebab serai awei Bapa temuan idup lem dirai-Ne suang, awei yo kulo nelei-Ne Anok temuan idup lem dirai-Ne suang.

KISAH RASUL-RASUL 17:25

Si kulo coa perlu batuan manusio, kerno siba de melei idup, nyabai ngen kute sesuaktau ngen manusio.

2 KORINTUS 9:13

Ngen kunei kebaikan de udi kemten o, dau tun Kristen neak Yudea bakea mujai Allah kerno tobo'o kemliak kesetiannu teadep Bito Baik tetang Kristus de udi totoa o. Kulo, tobo'o mujai Allah, kerno udi kebiak mue'ak atei utuk magiak ngen tobo'o ngen kute tun jano de ade ngen udi.

GALATIA 3:26

Sebab udi kute adeba anok-anok Allah liwet imen neak lem Yesus Kristus.

1 TIMOTIUS 1:12

Uku mucep syukur ngen Kristus Yesus Tuhan ite. Si bi melei kekuatan ngen uku utuk melayan Si, ngen Si manggap uku patas utuk tugas o,

1 TIMOTIUS 1:15

Kecek o benea ngen patut tenimo sepenuakne, “Kristus Yesus teko moi dunio yo utuk semlamat tun beduso.” Ngen neak antaro tobo'o ukuba de kembiak beduso.

1 TIMOTIUS 2:5

Sebab, cuma ade do Allah, ngen cuma do penengeak antaro Allah ngen manusio, adeba Kristus Yesus.

1 TIMOTIUS 5:21

Neak adep Allah, Yesus Kristus ngen malaikat-malaikat pilihan-Ne, uku monoi nien supayo ko temotoa petunjuk-petunjuk yo ngen coa ade prasangka te'adep api bae, ngen coa mihak api bae.

1 TIMOTIUS 6:12

Berjuangba sungguak-sungguak utuk idup sebagai tun Kristen supayo ko mbut hadiah sejati ngen kekal. Sebab utuk o ba Allah menok ko pado waktau ko ngakau neak adep dau tun bahwo ko pecayo ngen Kristus.

WAHYU 1:5

ngen kunei Yesus Kristus, saksai de setia. Siba de pertamo-tamo idup igai kunei matei ngen Siba penguaso das rajo-rajo dunio. Yesus mengasiak ite, ngen kematian-Ne Si bebas kunei duso-duso ite,

WAHYU 21:6

Lajau Si madeak, “Bi selsei! Ukuba Tuhan kunei Pertamo ngen Terakhir; Ukuba Tuhan kunei mulo sapei akhir. Tiep tun de haus, bakea Uku melei bioa ngen cuma-cuma kunei matai bioa de melei idup.

WAHYU 22:1

Malaikat o kulo kemten ngen uku bioa lai de bioane melei kehidupan. Bioa o jeniak awei kristal ngen mengalir kunei takhta Allah ngen Anok Bebirai o.

WAHYU 3:14

“Ngen jemaat neak Laodikia, tulisba awei yo: Dioba pesen kunei Sang Amin, Saksai de setia ngen benea, sumber kute sesuaktau de ciptaan Allah.