1 TIMOTIUS 6:11 - JANJAI BLAU Lem Bahaso Jang Bebilai

¹¹ Tapi ko adeba tun de Allah temuan, jijai ko harus meu'ak kutene o. Berusahoba jijai tun de benea neak matai Allah, de mengabdi ngen Allah, pecayo ngen Kristus, mengasihi sesamo, tabah lem penderitaan, ngen bersikep lemah lembut.

1 TIMOTIUS 6:11 ပူးပေါင်းရင်းမြစ်များ

ROMA 14:19

Sebab o tujuan ite harusba bogoa utuk hal-hal de menea kerukunan ngen samo-samo mbangun.

1 KORINTUS 10:14

Kerno'o, Saudaro-saudaro de uku kemasiak, lokba udi jengik te'adep tun de sembeak patung.

1 KORINTUS 14:1

Lokba udi berusaho utuk kemasiak tun-tun luyen. Ngen berusahoba kulo utuk temimo karunio-karunio de nelei Roh Allah, terutamo sekilai kesanggupan utuk semapei rencano-rencano Allah ngen manusio.

1 KORINTUS 6:18

Neuakba perbuatan-perbuatan de kidek. Sebab kute duso luyen de nea tun, tejijai neak luea awok tun o. Tapi tun de menea perbuatan kidek, taine menea duso te'adep awokne suang.

1 TIMOTIUS 1:14

Malah anugerah Tuhan te o bi nelei ngen uku. Si melei ngen uku kepacok utuk pecayo ngen-Si, mengasihi sesamo manusio. Kepacok o nelei ngen ite kute de sudo jijai do ngen Kristus Yesus.

1 TIMOTIUS 4:12

Jibeak suang tun kulo manggap ko rendeak kerno ko u'ai. Sebelekne, lokba ko jijai teladan bagiak tun-tun pecayo lem keceknu ngen plepnu, lem ca'o ko mengasihi sesamo ngen pecayo ngen Yesus Kristus, lem kesetiaannu ngen lem kemurnian.

1 TIMOTIUS 5:10

ngen terbukti bi menea pekerjaan de baik, awei murus anok, temimo tun-tun temalem neak daseine, melayan tun-tun pecayo, temulung tun-tun saro, menea ngen sungguak-sungguak kute mecem pekerjaan de baik.

1 TIMOTIUS 6:20

Hoi Timotius, jenagoba jano de sudo cayo ngen ko. Ne'uakba kecek-kecek de coa beguno ngen selisiak-selisiak tetang hal-hal de seca'o keliru de senbut “Pengetahuan”.

2 TIMOTIUS 2:21

Tun de mersi awokne kunei kute de kidek, tun o bakea nakei utuk keperluan istimewa. Si jijai de khusus ngen beguno bagiak tuanne. Si seniap utuk nakei bagiak tiep kerjo de baik.

2 TIMOTIUS 2:22

Sebab o, Ne'uakba nafsu tun u'ai. Berusahoba utuk idup temurut kelok Allah, setia ngen ajaran-Ne ngen mengasihi sesamo, serto temuan atei de tenang. Idupba awei o besamo tobo'o de menggang minoi tulung ngen Tuhan, ngen atei de sucai.

2 TIMOTIUS 3:10

Tapi ko bi temotoa ajaran-ajaran uku, ca'o idupku, ngen tujuan idupku. Ko bi kemliak suang awei ipe uku sungguak-sungguak pecayo ngen Yesus Kristus ngen mengasihi sesamo manusio. Ko kulo namen kesabaran ngen ketabahan uku.

2 TIMOTIUS 3:17

Ngen awei o tiep-tiep manusio de Allah temuan, dapet jijai baik.

IBRANI 12:14

Berusahoba utuk idup damoi ngen kute tun. Berusahoba kulo utuk idup sucai, khusus utuk Tuhan. Sebab coa suang kulo dapet kemliak Tuhan amen si coa idup awei o.

1 PETRUS 3:11

Si harus me'uak de kidek ngen menea de baik; lokba si berjuang sungguak-sungguak utuk dapet damoi.