1 TIMOTIUS 6:1 - JANJAI BLAU Lem Bahaso Jang Bebilai

¹ Tun-tun Kristen de jijai hamba, harus manggep bahwo tuan tobo'o patut tobo'o hormat, supayo tun coa dapet kemidek gen Allah atau ajaran te.

1 TIMOTIUS 6:1 ပူးပေါင်းရင်းမြစ်များ

MATIUS 11:30

Kerno periteak-periteak-Ku semnang, ngen ban de Uku pek neak das baunu lengan.”

MATIUS 11:9

Jijai getai udi lalau moi padang pasir? Jano utuk kemliak suang nebai? Benea, malah lebiak kunei nebai.

LUKAS 17:1

Yesus madeak ngen penotoa-penotoa-Ne, “Coa mukin coa bakea ade tun menea duso, tapi celakoba tun de sembabne.

KISAH RASUL-RASUL 10:22

Jawab tobo'o, “Kornelius, Si tun de baik, Si saben ngen Allah, de paling baik neak antaro kute bangso Yahudi, bi nelei petunjuk ngen suang malaikat sucai, kunyau si mundang ko moi umeakne ngen temi'uk jano de bakea ko madeak.”

KISAH RASUL-RASUL 10:7

Sesudo'o malaikat de miling ngensi o teminggea si, nokne duai tun pelayanne beserto suang prajurit de saleh. Kunei tun-tun de bogoa besamo-samo ngensi.

KISAH RASUL-RASUL 15:10

Amen awei o, getai udi lok cemubo Allah ngen mpek moi das bau penotoa-penotoa o kewajiban de benek, baik ngen ninik puyang te atau ite su'ang?

ROMA 2:24

Awei ade tetulis, “Sebab kerno ko ba gen Allah di hina neak antaro bangso-bangso luyen.”

1 KORINTUS 10:32

Naturba idupnu ngen baik supayo tun luyen coa menea duso; jano tobo'o tun Yahudi atau iso tun Yahudi, atau anggota jemaat Allah.

GALATIA 5:1

Ite uyo bi bebas, kerno Kristus bi mbebas ite. Kerno o, jagoba kebebasannu, ngen jibeak lok jijai bodok igai.

1 TIMOTIUS 5:14

Do'oba sebabne uku meluak rando-rando u'ai nikeak igai, dapet anok ngen murus umeak tanggo, supayo musuak-musuak ite coa dapet kesempatan utuk kemidek gen ite.

TITUS 2:5

jijai bijaksana, idup sucai ngen jijai ngenyan de baik de temurut kecek sematenne. Ngen awei o coa ade tun de dapet mino bito kunei Allah.

1 PETRUS 2:12

Perbuatannu neak antaro tun de coa kemnal Tuhan harusba kembiak baik, sehinggo amen tobo'o fitneak udi sebagai tun jahat, tobo'o pulo harus ngakau perbuatannu de baik, sehinggo tobo'o bakea mujai Allah pado waktau Si teko.

1 PETRUS 3:16

Tapi neaba do'o ngen lemah lembut, hormat. Ngen lokba atei nuraninu sucai, supayo amen udi fitneak tun kerno udi idup ngen baik sebagai penotoa Kristus, mako tun de fitneak o bakea jijai selek suang.