1 TIMOTIUS 5:8 - JANJAI BLAU Lem Bahaso Jang Bebilai

⁸ Tapi amen ade tun de coa murus sanok Saudarone, jano igai tun-tun neak umeakne, tun o murtad, si lebiak kidek kunei tun de pecayo.

1 TIMOTIUS 5:8 ပူးပေါင်းရင်းမြစ်များ

MATIUS 18:17

Amen si coa lok temimo nasehat tun-tun'o senapei. Ngen amen si coa kulo lok temi'uk nasehat jemaat, tapi anggepba si awei suang tun penagiak ngen tun de coa kemnal Allah.”

MATIUS 7:11

Amen udi de jahat, namen melei de baik ngen anok-anoknu. Jano igai Baknu neak surgo! Si bakea melei de baik ngen tobo'o de minoi ngen-Si.

YOHANES 15:22

Sekirone Uku coa teko ngen coa madeak ngen tobo'o, tobo'o paset coa beduso. Tapi uyo tobo'o coa temuan alasan utuk duso tobo'o!

1 KORINTUS 6:6

Tapi sebelekne suang Kristen lalau magea tun de iso Kristen utuk madau pekarone te'adep Saudarone de Kristen.

2 KORINTUS 12:14

Sesunggukne uyo yo bi telau kilaine uku siap utuk semulau udi. Ngen uku coa lok jijai beban udi, sebab de uku lok isoba jano de udi temuan, seluyen dirainu. Kerno isoba anok-anok de kesoa kembuk utuk tun tuaine, tapi tun tuaiba de harus kesoa kembuk utuk anok-anokne.

2 KORINTUS 6:15

Coa mukin Kristus serai ngen Iblis. Jano persamaan antaro tun Kristen ngen tun iso Kristen?

GALATIA 6:10

Kerno o, selamo masiak ade kesempatan bagiakte, maroba ite menea baik ngen kute tun, tapi terutamo ngen saudaro-saudaro do imen.

2 TIMOTIUS 2:12

Amen ite tep tabah, ite bakea meriteak kulo besamo Si. Amen ite muker Si, Si kulo bakea muker ite.

2 TIMOTIUS 3:5

Seca'o lahiriah tobo'o maneu kewajiban agamo, tapi temulok inti kunei agamo o suang. Ne'uakba tun-tun de awei o.

TITUS 1:16

Tobo'o madeak bahwo tobo'o kemnal Allah, padahal plep tobo'o temulok-Ne. Tobo'o nyelek, ngen tobo'o coa lok taat; tobo'o adeba tun-tun de coa nam menea de baik.

2 PETRUS 2:1

Pado maso de bel'o neak antaro umat Allah bi timboa nebai-nebai palsu. Awei o kulo neak antaronu bakea timboa gu'au-gu'au palsu. Tobo'o bakea memasukan ajaran-ajaran de coa benea, de membinasakan tun. Ngen tobo'o bakea menyangkal Penguasa de sudo mbebas tobo'o. Ngen awei yo tobo'o mendatangkan kebinasaan das dirai suang, de bakea tejijai pado tobo'o ngen gacang.

YUDAS 1:4

Sebab seca'o coa sadar ade tun-tun de seca'o de diem bi masuk moi tengeak-tengeak ite. Tobo'o tun-tun bejat de semaleak bito tetang rahmat Allah ite, utuk dapet kesepatan utuk melampiaskan hawa nafsu tobo'o. Ngen tobo'o coa lok temimo Yesus Kristus, do-done Penguaso ngen Tuhan ite. Sejak bel'o ukuman utuk tobo'o sudo tentau lem Kiteb Sucai

WAHYU 2:13

Uku namen neak ipe udi tinggea, neak penan Iblis tinggea. Udi setia ngen Uku. Mala ketiko Antipas, saksai Uku de setia o, nunuak neak adep udi neak penean Iblis tinggea, udi coa murtad bahwo udi pecayo ngen Uku.

WAHYU 3:8

Uku namen jano de udi nea. Uku namen bahwo udi coa kuet; udi bi temotoa ajaran-Ku, setia ngen Uku. Utuk udi bi Uku mukok bang, de coa dapet nukok api bae.