1 TIMOTIUS 5:5 - JANJAI BLAU Lem Bahaso Jang Bebilai

⁵ Rando de benea-benea suang dirai, ngen coa temuan keluargo de dapet murusne, cuma ma'ep ngen Allah. Lueng kelmen si terus bedu'o ngen Allah utuk minoi tulung.

1 TIMOTIUS 5:5 ပူးပေါင်းရင်းမြစ်များ

LUKAS 18:1

Yesus madeak do perumpamo ngen tobo penotoa-penotoane utuk temgas, bahwo tobo'o harus bogoa bedu'o ngen coa jejemau.

LUKAS 18:7

Allah paset bakea mbenea tun-tun piliak-Ne de kebilai kelmen minoi ngen Si! Si paset coa mulua utuk temulung tobo'o!

LUKAS 2:37

Uyo si jando ngen omorne lapen puluak pat taun. Si coa perneak teminggea Umeak Tuhan. Lueng kelmen si semyang, puaso ngen bedu'o.

KISAH RASUL-RASUL 26:7

Janjai do'oba de nembot keduai belas suku bangso Israel, sehinggo tobo'o maneu periteak Allah pu'eng kelemen. Kerno uku pecayo ngen janjai o, Rajo Agripa de mulio, uku tenuduak tun-tun Yahudi.

KISAH RASUL-RASUL 6:1

Penotoa-penotoa Yesus betambeak dau. Pado waktau o tun-tun Yahudi de bebaso Yunani, jijai coa senang te'adep tun-tun Yahudi asli. De bebaso Yunani o madeak, “Selawei-selawei keme de sudo jando coa dapet batau biaya bebilai de nagiak ngen tun-tun.”

KISAH RASUL-RASUL 9:39

Petrus lasung klongon lajau temotoa tobo'o. Sapeine neak di, si nembin moi bilik de neak das. Kute jando neak di gemlung Petrus samo ngindoi lajau temunjuk ngensi bajau-bajau, jubah de endet Dorkas utuk tobo'o waktau si masiak idup.

KISAH RASUL-RASUL 9:41

Lajau Petrus megong tangenne lajau temulung si je. Sesudo'o Petrus menok tun-tun pecayo neak di sesamo jando-jando o, lajau semreak Dorkas de sudo idup o ngen tobo'o.

ROMA 1:12

adeba, supayo uku ade neak antaro udi ngen sesamo riang kerno imen ite, baik imennu atau imenku.

ROMA 1:5

Liwet Si kulo Allah melei ngen uku karunio jijai rasul, supayo uku – utuk menghormati Kristus – mbimbing tun-tun kunei kute bangso supayo pecayo ngen taat.

1 KORINTUS 7:32

Uku lok supayo Saudaro bebas kunei kesaro. Tun de coa temuan pengaten selawei bakea bogoa meker hal-hal tetang Tuhan, kerno si lok semnang Tuhan.

1 KORINTUS 7:34

akibatne perhatianne tebagiak. Suang selawei de coa ade sematen, atau suang semulen, bakea dau meker hal-hal tetang Tuhan, sebab si lok supayo diraine jijai Allah temuan. Tapi suang selawei de sudo ade sematen, bogoa meker hal-hal dunio yo, sebab si lok semnang atei sematenne.

EFESUS 6:18

Neaba kutene o samo bedu'o utuk minoi tulung ngen Allah, bedu'oba tiep waktau neak lem Roh Allah. Lokba udi bogoa siap ngen jibeak nyereak. Bedu'oba utuk kute umat Allah.

FILIFI 4:6

Jibeakba kuatir tetang jano bae. Lem kute hal, bedu'oba ngen minoiba ngen Allah. Jano de udi perlu, melei namenba do'o ngen Allah ngen mucep mokasiak.

1 TIMOTIUS 2:1

Pertamo-tamo, uku minoi nien supayo kinoi, semyang, ngen du'o utuk tun-tun luyen serto ucapan mokasiak senapei ngen Allah utuk kute tun;

1 TIMOTIUS 5:16

Amen suang selawei de percayo temuan anggota keluargone rando, lokba si temulung tobo'o sehinggo tobo'o jibeak jijai beban jemaat. Ngen awei o, jemaat dapet temulung tobo'o de benea-benea rando.

1 TIMOTIUS 5:3

Hormatba ngen rando-rando de benea-benea idup suang dirai.

2 TIMOTIUS 1:3

Uku mucep syukur ngen Allah de uku melayan ngen atei nurani de sucai awei de nea ninik puyang uku bel'o. Uku bogoa mucep mokasiak ngen Allah tiep kilai uku tinget ngen ko lem du'o, baik lueng atau kelmen.

1 PETRUS 3:5

Ngen ca'o dioba pado zaman bel'o selawei-selawei beragamo de ma'ep ngen Allah mempercantik dirai ngen ca'o hormat ngen maten tobo'o.