1 TIMOTIUS 5:22 - JANJAI BLAU Lem Bahaso Jang Bebilai

²² Jibeakba gacang ige mpek tangen das suang tun utuk maket si sebagai pelayan Tuhan. Amen tun beduso, jibeak sapei terlibat lem duso o. Jenagoba dirainu supayo tep murni.

1 TIMOTIUS 5:22 ပူးပေါင်းရင်းမြစ်များ

KISAH RASUL-RASUL 13:3

Lajau tobo'o puaso ngen bedu'o, sesudo mpek tangen moi das duai tun'o, tobo'o munyau keduaine lalau.

KISAH RASUL-RASUL 18:6

Tapi ketiko tun-tun o melawen si ngen minone, si mersi debu kunei keracokne. Paulus madeak ngen tobo'o, “Kunyauba daleaknu tupeak neak das ulaune suang; uku bersih, coa saleak. Muloi uyo uku bakea lalau ngen bangso-bangso luyen.”

KISAH RASUL-RASUL 20:26

Kerno o ngen tegas uku madeak ngen ko pado bilai yo bahwo amen ade neak antaro udi de matei be, do'o iso saleak ku.

KISAH RASUL-RASUL 6:6

Ketujuak tun o nusul ngen rasul-rasul, lajau rasul-rasul o bedu'o ngen minoi berkat Tuhan utuk tobo'o.

EFESUS 5:11

Jibeakba menea plep-plep de coa beguno de nea tun-tun de idup lem kelem. Sebelekne, lokba udi muang hal-hal awei o. (

1 TIMOTIUS 3:10

Tobo'o kulo harus ntes kileak, amen ternyato tobo'o tun baik, tembeiba tobo'o buliak mulung neak lem jemaat.

1 TIMOTIUS 3:2

Kerno o, pekerjo jemaat harusba suang tun de bebaik, maten kunei do ngenyan, dapet temaen dirai, bijaksano, sopan, galok temimo tun neak umeakne, pacok majea tun,

1 TIMOTIUS 3:6

Suang pekerjo jemaat coa buliak tun de tembei jijai Kristen, sebab be si jijai ombong lajau keno hukuman awei Iblis bel'o.

1 TIMOTIUS 4:12

Jibeak suang tun kulo manggap ko rendeak kerno ko u'ai. Sebelekne, lokba ko jijai teladan bagiak tun-tun pecayo lem keceknu ngen plepnu, lem ca'o ko mengasihi sesamo ngen pecayo ngen Yesus Kristus, lem kesetiaannu ngen lem kemurnian.

1 TIMOTIUS 4:14

Jibeak ko laloi makei karunio kunei Roh Allah de nelei ngen ko pado waktau pemipin-pemipin jemaat pek tangen tobo'o neak das ulaunu, ngen nebai-nebai semapei pesen Allah tetang dirainu.

2 TIMOTIUS 1:6

Sebab o uku minget ko utuk midup karunio de nelei Allah ngen ko pado waktau uku pek tangenku moi dasnu.

2 TIMOTIUS 2:2

Ajaran de bel'o bi ko temi'uk kunei uku neak adep tun dau, lokba ko minoi supayo najea kulo ngen tun-tun de dapet pecayo ngen de pacok majea tun luyen.

IBRANI 6:2

atau tetang mpek tangen das tun, atau idup igai kunei matei atau hukuman de kekal.

2 YOHANES 1:11

Sebab tun de melei salam ngen tun de awei o, si temasuk kulo besamo tun o lem menea plep kidek.

WAHYU 18:4

Lajau uku temi'uk sa'ei luyen kunei surgo madeak, “Kelueaba, umat-Ku! Kelueaba kunei lemne! Jibeakba udi temotoa duso-dusone, ngen temanggung ukumanne!