1 TIMOTIUS 5:21 - JANJAI BLAU Lem Bahaso Jang Bebilai

²¹ Neak adep Allah, Yesus Kristus ngen malaikat-malaikat pilihan-Ne, uku monoi nien supayo ko temotoa petunjuk-petunjuk yo ngen coa ade prasangka te'adep api bae, ngen coa mihak api bae.

1 TIMOTIUS 5:21 ပူးပေါင်းရင်းမြစ်များ

MATIUS 16:27

Coa an igai Anok manusio bakea serpok ngen malaikat-malaikat-Ne teko ngen kuaso Bak-Ne. Waktau'o Si bakea males tiep-tiep tun temurut plepne.

MATIUS 25:41

Lajau Rajo'o bakea madeak ngen tun-tun neak de peak kideu-Ne, ‘Lalauba kunei yo, jahanam! Masukba moi lem opoi de coa nam padem, de sudo sedio bagiak Iblis ngen malaikat-malaikatne.

MATIUS 28:20

Najeaba tobo'o menea kute de sudo Uku periteak ngen ko. Ingetba Uku bakea selalu semerto udi sapei Bilai Kiamat.”

LUKAS 20:21

Tun-tun o temnai ngen Yesus, “Gu'au, keme namen bahwo beneaba jano de Ko madeak ngen najea, ngen Ko cao mok, tapi ngen jujur ngajea dalen Allah.

LUKAS 9:26

Amen tun selek makau Uku ngen kecek-Ku, Anok Manusio kulo bakea selek makau tun o pado waktau Si teko igai ngen kuaso-Ne, ngen kuaso Bapa serto kuaso malaikat-malaikat de sucai!

2 KORINTUS 5:16

Sebab o, keme coa igai menilai suang tun kulo temurut ukuran manusio, uyo keme coa igai menilai-Ne awei o.

1 TESALONIKA 5:27

Das kuaso Tuhan, uku minoi nien supayo udi mbaco su'et yo ngen kute Saudaro do imen.

1 TIMOTIUS 6:13

Ngen uyo, neak adep Allah de melei nyabai ngen kute sesuaktau, ngen neak adep Kristus Yesus de melei kesaksian de benea ngen Pontius Pilatus, uku minoi dio kunei ko:

2 TIMOTIUS 2:14

Lokba ko minget tun-tun tetang kutene yo. Neak adep Allah, meleiba nasihat ngen tobo'o supayo jibeak tekea tetang istilah-istilah. Do'o coa ade gunone, malah cuma kemacau tun-tun de temi'ukne.

2 TIMOTIUS 4:1

Kristus Yesus bakea teko igai moi dunio yo utuk mukum tun-tun de idup ngen de matei; ngen Si bakea teko utuk meriteak sebagai Rajo. Kerno'o uku minoi nien ngen udi neak adep Allah ngen Kristus Yesus:

YAKOBUS 3:17

Tapi tun de temuan kebijaksanaan de kunei das adeba pertamo-tamo sucai, sesudo'o galok damoi, rama ngen penurut. Si penuak ngen asai ibo ngen masea perbuatan-perbuatan de baik. Si coa berpihok ngen coa munafik.

2 PETRUS 2:4

Sebab amen Allah coa semayang malaikat-malaikat de menea duso tapi meting tobo'o moi lem nerako ngen awei yo semreakne moi lem guo-guo de kelem utuk maik tobo'o sapei Bilai Penghakiman.

YUDAS 1:6

Tingetba kulo tobo malaikat de coa taat ngen liwet batas-batas kuaso tobo'o, sehinggo lalau teminggea penan tinggea tobo'o. Allah meket malaikat-malaikat o ngen ratoi abadi, neak lem penan de kelem neak beak bumai. Neak di tobo'o nukum trus sapei tobo'o nelei ukuman pado bilai lai.

WAHYU 14:10

tun o bakea menem anggur Allah, adeba anggur murka Allah de sudo mpek lem penanne, coa ade ku'ang didik kulo! Kute tun o bakea senikso neak lem opoi ngen bli'ang neak adep malaikat-malaikat sucai ngen neak adep Anok Bebirai o.