1 TIMOTIUS 5:18 - JANJAI BLAU Lem Bahaso Jang Bebilai

¹⁸ Sebab lem Kiteb Sucai madeak, “Sapai de gidong melat-melat gendum utuk mpas ijat gendum kunei kaleakne, jibeakba nepem bibiane,” kulo, “Tun de bekerjo, berhok temimo upeakne”.

1 TIMOTIUS 5:18 ပူးပေါင်းရင်းမြစ်များ

MATIUS 10:10

Jibeakba udi mbin katung sedekea, atau duai lembea keracok utuk pemaneunu. Sebab tun de kerjo bi harusne nejamin nafkahne.

LUKAS 10:7

Tinggeaba neak do umeak bae. Tenimoba jano de nidang ngen udi neak di, sebab tun de bekerjo dapet temimo upeakne. Jibeak bebaliak kunei do umeak moi umeak de luyen.

ROMA 10:11

Kerno Kiteb Sucai madeak, “Api de pecayo ngen Si, coa bakea selek.”

ROMA 11:2

Allah iso coa temimo umat-Ne de niliak-Ne. Atau udi coa namen, jano de nadeak Kiteb Sucai tetang Elia, waktau si ngadau Israel ngen Allah:

ROMA 4:3

Sebab jano de nadeak Kiteb Sucai, “Lajau pecayoba Abraham ngen Tuhan, ngen Tuhan nitung hal o ngen si sebagai kebenaran.”

ROMA 9:17

Sebab Kiteb Sucai madeak ngen Firaun, “Do'oba sebabne Uku midup igai ko, adeba supayo Uku kemten kuaso-Ku neak lem ko, ngen supayo gen-Ku termasyhur neak kute dunio.”

1 KORINTUS 9:14

Awei'o kulo Tuhan bi temtau bahwo tun de melei Bito Baik o harus dapet nafkah kunei bito o.

GALATIA 3:8

Kiteb Sucai bi kemliak lebiak dute bahwo Allah yakin amen tun-tun iso Yahudi baik igai ngen Allah, amen tobo'o pecayo ngen Allah. Bito Baik o nelei namen lebiak dute ngen Abraham lem janjaine, “Liwet ko, Allah bakea memberkati kute umat manusio neak das bumai.”

YAKOBUS 4:5

Jibeak sako bahwo Kiteb Sucai coa ade alasan madeak, “Neak lem dirai ite Allah mpek Roh de kembiak kuet.”