1 TIMOTIUS 5:17 - JANJAI BLAU Lem Bahaso Jang Bebilai

¹⁷ Pemipin jemaat de maneu tugasne ngen baik, patut nelei penghargaan duai kilai lipet, terutamo sekilai tobo'o de rajin khobah ngen ngajea.

1 TIMOTIUS 5:17 ပူးပေါင်းရင်းမြစ်များ

MATIUS 24:25

Jijai, ingetba! Uku sudo melei namen ngen udi telebiak kileak ayok hal'o tejijai.

LUKAS 10:7

Tinggeaba neak do umeak bae. Tenimoba jano de nidang ngen udi neak di, sebab tun de bekerjo dapet temimo upeakne. Jibeak bebaliak kunei do umeak moi umeak de luyen.

LUKAS 12:42

Jawab Tuhan, “Jijai, api pelayan umeak de setia ngen bijaksana de bakea naket tuanne jijai pemipin das kute pelayanne utuk melei kembuk ngen tobo'o pado waktaune?

YOHANES 4:38

Uku mutus udi utuk manen jano de coa udi usaho; tun-tun luyen berusaho ngen udi teko mopoa asea usaho tobo'o.”

KISAH RASUL-RASUL 11:30

Hal'o tobo'o menea kulo, tobo'o kemirimne ngen pemipin-pemipin jemaat liwet Barnabas ngen Saulus.

KISAH RASUL-RASUL 20:35

Lem kute pekaro uku bi melei contoh ngen ko bahwo ngen kerjo awei yo ite harus temulung tun-tun de lemah. Kerno ite harus inget ngen jano de Tuhan Yesus suang bi nadeak, ‘Lebiak riang melei kunei pado mimo.’ ”

KISAH RASUL-RASUL 28:10

Tobo'o kebiak hormat ngen keme, ketiko keme lok lalau, tobo'o semiap kute de keme perlu.

ROMA 12:8

Amen karunio utuk melei nasehat, baikba ite melei nasehat. Api de magiak sesuaktau, lokba si meneane ngen atei ikhlas. Api de melei pipinan, lokba si meneane ngen rajin. Api de melei ngen baik atei, lokba si meneane ngen atei riang.

ROMA 15:27

Ngen riang atei tobo'o mutus utuk menea o. Memang sebeneane tobo'o patut temulung saudaro-saudaro de peset neak Yerusalem o; sebab kunei tun-tun Yahudiba tun-tun iso Yahudi o bi temimo berkat-berkat kunei Allah. Jijai, tun-tun iso Yahudi o patut kulo temulung tun-tun Yahudi ngen berkat-berkat de ade ngen tobo'o.

ROMA 16:12

Salam uku ngen Trifena ngen Trifosa de bekerjo keras melayan Tuhan, ngen Persis de uku kasihi. Si kulo bi kerjo keras utuk Tuhan.

1 KORINTUS 15:10

Tapi kerno rahmat Allah uku jijai awei keadaan uku de uyo. Coa percuma Allah mapun uku. Ukuba de kerjo lebiak benek kunei kute rasul de luyenne. Tapi sebeneane iso usaho ku; do usaho Allah de kemasiak uku ngen de kerjo besamo-samo uku.

1 KORINTUS 16:16

Uku musul ngen bebenea supayo udi temotoa pipinan tun-tun de awei'o, serto tun-tun luyen de kerjo samo ngen melayan besamo tobo'o.

1 KORINTUS 3:9

Keme adeba samo-samo kerjo utuk Allah; ngen udi adeba awei kebun Allah. Saudaro-saudaro adeba awei gedung Allah.

2 KORINTUS 6:1

Kerno keme kerjo besamo-samo Allah, mako keme minoi nien jibeakba udi coa dulai baikne atei Allah o.

GALATIA 6:6

Tun de temimo ajaran Kristus, lokba magiak ngen gu'aune kute de baik de ade ngen si.

FILIFI 2:16

Samo bepegong pado firman kehidupan, kunyau uku dapet mbangga pado bilai Kristus bahwo uku coa percuma besamo ngen pepayeak.

FILIFI 2:29

Jijai, senambutba si ngen kute riang atei sebagai suang saudaro do imen. Negoba kute tun de awei si.

FILIFI 4:3

Ngen kuatku de setia, uku minoi kulo supayo Saudaro temulung keduai selawei o. Tobo'o bi kerjo sungguak-sungguak besamo uku utuk melei namen Bito Baik kunei Allah; serai awei Klemen ngen kute tun luyenne de kerjo besamo-samo uku. Gen-gen tobo'o ade lem Bukau Tun Idup.

1 TIMOTIUS 3:5

Sebab amen tun coa namen matur umeak tanggone dewek, ka'ro si dapet matur jemaat Allah?

1 TIMOTIUS 4:10

Do'oba sebabne ite berjuang ngen kerjo keras, sebab ite ma'ep sepenuakne ngen Allah de idup; Siba penyelamat kute tun, terutamo tun-tun de pecayo.

1 TIMOTIUS 4:14

Jibeak ko laloi makei karunio kunei Roh Allah de nelei ngen ko pado waktau pemipin-pemipin jemaat pek tangen tobo'o neak das ulaunu, ngen nebai-nebai semapei pesen Allah tetang dirainu.

1 TIMOTIUS 4:16

Ko harus ngawas diraine suang ngen ajarannu. Lokba ko setia menea kutene o, sebab ngen awei o ko bakea selamat baik dirainu suang atau tun-tun de temi'uk ko.

1 TIMOTIUS 4:6

Amen ko majea kutene o ngen Saudaro-saudaro do imen, ko bakea jijai pelayan Kristus Yesus de bekerjo ngen baik. Ngen ko bakea mupuk batinnu ngen kecek Allah de ite pecayo, ngen ajaran-ajaran de benea de sudo tenotoanu ke'an yo.

1 TIMOTIUS 5:19

Jibeakba temimo tuduhan te'adep suang pemipin jemaat, kecuali amen ade dukungan kunei duai saksai atau lebiak.

1 TIMOTIUS 5:3

Hormatba ngen rando-rando de benea-benea idup suang dirai.

2 TIMOTIUS 2:6

Petani de sudo kerjo keras, siba de pertamo-tamo berhok dapet asea tanem.

2 TIMOTIUS 4:2

Lokba ko melei Bito Baik kunei Allah o, terus pakso supayo tun temi'ukne, jano tobo'o lok jano coa. Lokba ko menea tun pecayo, kemten saleakne, ngen melei nasihat ngen tobo'o. Najeaba tun ngen sabar.

IBRANI 13:17

Totoaba periteak pemipin-pemipinnu, hormatba ngen tobo'o. Sebab tobo'o bogoa kemliak jiwonu, tobo'o harus betanggung jawab ngen Allah. Amen udi taat ngen tobo'o, tobo'o dapet kerjo ngen senang atei; amen coa, mako tobo'o bakea kerjo ngen atei ibo, do'o coa mbin utung utuk udi.

IBRANI 13:24

Semapeiba salam keme ngen kute umat Allah. Temimoba kulo salam kunei saudaro-saudaro neak Italia.

IBRANI 13:7

Jibeakba coa tinget ngen pemipin-pemipinnu de semapei pesen Allah ngen ko. Kemliakba awei ipe tobo'o idup ngen awei ipe tobo'o matei, contohba imen tobo'o.