1 TIMOTIUS 5:13 - JANJAI BLAU Lem Bahaso Jang Bebilai

¹³ Tobo'o kulo muang-muang waktau ngen keluea masuk umeak tun. Ngen de lebiak kidek igai, adeba bahwo tobo'o belajea fitneak tun luyen ngen milau urusan tun serto madeak hal-hal de coa patut nadeak.

1 TIMOTIUS 5:13 ပူးပေါင်းရင်းမြစ်များ

LUKAS 10:7

Tinggeaba neak do umeak bae. Tenimoba jano de nidang ngen udi neak di, sebab tun de bekerjo dapet temimo upeakne. Jibeak bebaliak kunei do umeak moi umeak de luyen.

KISAH RASUL-RASUL 20:20

Udi namen bahwo uku coa segan melei namen ngen udi jano de beguno utuknu. Uku majea udi neak muko umum ngen neak umeak-umeak.

KISAH RASUL-RASUL 20:30

Bahkan kunei antaro udi suang bakea ade tun-tun de bakea melei namen bito de coa benea. Tobo'o nea awei o kunyau tun-tun de sudo pecayo ngen Yesus jijai seset ngen temotoa tobo'o.

1 TIMOTIUS 5:12

Mako tobo'o saleak sebab muker janjai de nelei Allah.

TITUS 1:11

Tun-tun awei o harus bibiane npem, sebab tobo'o kemacau dau keluargo ngen ajaran-ajaran de coa ade gunone. Tobo'o menea o cuma kerno lok mesoa utung de coa patas!

YAKOBUS 3:10

Kunei bibia de serai kelua kecek-kecek mokasiak ngen kulo kecek-kecek supeak. Seharusne coa awei o!

1 PETRUS 4:15

Jibeakba suang kulo kunei antaro udi menderita kerno si tukang munuak tun, atau risau, atau penjahat, atau kerno si cemapua urusan tun luyen.

3 YOHANES 1:10

Kerno o, amen uku teko, uku bakea mukea kute de sudo neane, adeba tetang hal-hal kidek ngen dusta de si madeak tetang keme. Tapi kutene o ati cukup utuk si. Pado waktau tun-tun sesamo Kristen o teko, si coa lok temimo tobo'o. Malah si temgeak tun-tun de lok temimo saudaro-saudaro o, si meluak tun-tun o keluea kunei jemaat.