1 TIMOTIUS 5:10 - JANJAI BLAU Lem Bahaso Jang Bebilai

¹⁰ ngen terbukti bi menea pekerjaan de baik, awei murus anok, temimo tun-tun temalem neak daseine, melayan tun-tun pecayo, temulung tun-tun saro, menea ngen sungguak-sungguak kute mecem pekerjaan de baik.

1 TIMOTIUS 5:10 ပူးပေါင်းရင်းမြစ်များ

MATIUS 25:17

Awei'o kulo pelayan de temimo duai ribau caci mas'o dapet utung duai ribau igai.

MATIUS 5:16

Awei'o kulo seharusne te'angnu becayo neak muko tun, supayo tun'o kemliak plepnu de baik ngen mujai Allah de adeba Baknu neak surgo.”

LUKAS 7:38

Si je neak belakang Yesus pa'ok kekea-Ne ngen ngindoi samo meleceak kekea Yesus ngen bioa mataine. Sesudo'o kekea Yesus ken'ing ngen bukne lajau si semiumne ngen mpek minyok um moi kekea Yesus.

LUKAS 7:44

Ngen samo jemling ngen selawei o, Si madeak ngen Simon, “Ko kemliak selawei yo? Uku masuk moi umeaknu, tapi ko coa melei Uku bioa utuk meleceak kekea-Ku, tapi si meleceak kekea-Ku ngen bioa matai ngen melapne ngen bukne.

KISAH RASUL-RASUL 10:22

Jawab tobo'o, “Kornelius, Si tun de baik, Si saben ngen Allah, de paling baik neak antaro kute bangso Yahudi, bi nelei petunjuk ngen suang malaikat sucai, kunyau si mundang ko moi umeakne ngen temi'uk jano de bakea ko madeak.”

KISAH RASUL-RASUL 22:12

Neak di ade suang tun genne Ananias, si tun malim ngen taat kemerjo Hukum Taurat, Ananias terkenal baik neak antaro kute tun Yahudi de ade neak di.

KISAH RASUL-RASUL 6:3

Baikba, udi-udi miliak kunei antaro udi tujuak tun de temuan gen baik ngen kenuaso Roh Sucai serto bijaksana, de dapet keme tugas murus hal-hal yo;

KISAH RASUL-RASUL 9:36

Neak Yope ade suang selawei de genne Tabita – lem bahaso Yunani Dorkas. Selawei o dau sekilai menea baik ngen melei sedekeak.

KISAH RASUL-RASUL 9:39

Petrus lasung klongon lajau temotoa tobo'o. Sapeine neak di, si nembin moi bilik de neak das. Kute jando neak di gemlung Petrus samo ngindoi lajau temunjuk ngensi bajau-bajau, jubah de endet Dorkas utuk tobo'o waktau si masiak idup.

ROMA 12:13

Tulungba tun-tun sucai lem kekuranganne ngen berusahoba utuk melei penan tinggea neak lem umeaknu!

EFESUS 2:10

Kerno ite adeba ciptaan Allah, liwet Kristus Yesus utuk menea kerjo baik, de seniap Allah ayokne. Si lok, supayo ite idup lem-Ne.

KOLOSE 1:10

Ngen awei o udi dapet idup temurut kelok Allah, ngen bogoa semnang atei-Ne, sehinggo lem kute sesuaktau udi dapet melei hal-hal de baik. Ngen pengetahuan udi tetang Allah kulo bakea tambeak kulo.

1 TIMOTIUS 2:10

Sebelekne, lokba selawei berias ngen plep-plep de baik awei de patut utuk selawei de beribadah ngen Allah.

1 TIMOTIUS 3:2

Kerno o, pekerjo jemaat harusba suang tun de bebaik, maten kunei do ngenyan, dapet temaen dirai, bijaksano, sopan, galok temimo tun neak umeakne, pacok majea tun,

1 TIMOTIUS 3:7

Si harusba tun de temuan gen baik lem masyarakat; sebab amen si awei o, mako si bakea nino tun, sehinggo us moi lem perangkap Iblis.

1 TIMOTIUS 5:16

Amen suang selawei de percayo temuan anggota keluargone rando, lokba si temulung tobo'o sehinggo tobo'o jibeak jijai beban jemaat. Ngen awei o, jemaat dapet temulung tobo'o de benea-benea rando.

1 TIMOTIUS 5:25

Awei o kulo plep-plep baik lasung keten. Ngen de coa mudeak keten kulo, coa nam terus nunyin.

1 TIMOTIUS 6:18

Meleiba nasihat ngen tobo'o supayo menea de baik, jijai kayo lem plep de baik, mu'eak atei ngen galok melei.

2 TIMOTIUS 1:5

Uku tinget ngen kepercayaannu de sungguak-sungguak ngen Kristus, serai awei kepercayaan niniknu Lois ngen indoknu Eunike. Ngen uku yakin ko kulo pecayo awei o.

2 TIMOTIUS 2:21

Tun de mersi awokne kunei kute de kidek, tun o bakea nakei utuk keperluan istimewa. Si jijai de khusus ngen beguno bagiak tuanne. Si seniap utuk nakei bagiak tiep kerjo de baik.

2 TIMOTIUS 3:15

Tingetba kulo bahwo kunei titik ko bi kemnal Kiteb Sucai. Kiteb Sucai o dapet melei ngen ko pengertian utuk dapet keselamatan liwet imen ngen Kristus Yesus.

2 TIMOTIUS 3:17

Ngen awei o tiep-tiep manusio de Allah temuan, dapet jijai baik.

TITUS 2:14

Si bi melei dirai-Ne bagiak ite utuk mbebas ite kunei kute kejahatan, ngen jemijai ite umat de bebas kunei duso, de jijai de Si temuan bae, serto de rajin menea baik.

TITUS 2:7

Lem kute hal lokba ko jijai teladan de baik. Amen ko majea, ko harus jujur ngen sungguak-sungguak.

TITUS 3:1

Melei namen anggota jemaat-jemaatnu supayo tobo'o tunduk ngen pimipin-pemipin, penguaso negrai serto taat ngen besedio menea tiep hal de baik.

TITUS 3:14

Tun-tun ite harus belajea menea hal-hal de baik supayo dapet cemukup kebutuhan-kebutuhan; jibeak sapei tobo'o idup coa ade gunone.

TITUS 3:8

Kecek yo sungguak benea. Uku lok ko manggap hal-hal yo peting, supayo tun-tun de pecayo ngen Allah sungguak-sungguak berusaho utuk menea kerjo de baik ngen beguno utuk kute tun.

IBRANI 10:24

Ngen lokba ite samo melei perhatian, supayo ite dapet samo melei dorongan utuk mengasihi sesamo ngen menea hal-hal de baik.

IBRANI 13:2

Jibeak segan temimo neak umeaknu tun-tun de ati udi kenal. Sebab ngen menea de awei o, perneak tun, coa sadar, bi temimo malaikat neak umeakne.

IBRANI 13:21

Semoga Allah sumber sejahtera o mlekep udi ngen kute de baik de udi perlu utuk menea kelok-Ne. Semoga liwet Yesus Kristus, Allah kemerjo neak lem ite, jano de kenlok-Ne. Lokba Kristus nujai selamo-lamone! Amin.

1 PETRUS 2:12

Perbuatannu neak antaro tun de coa kemnal Tuhan harusba kembiak baik, sehinggo amen tobo'o fitneak udi sebagai tun jahat, tobo'o pulo harus ngakau perbuatannu de baik, sehinggo tobo'o bakea mujai Allah pado waktau Si teko.

1 PETRUS 4:9

Lokba udi temimo do ngen de luyen neak umeak masing-masing, ngen coa mengeluh.

3 YOHANES 1:12

Kute tun mujai Demetrius, Allah kulo mujaine. Keme kulo mujaine, ngen saudaro namen bahwo jano de keme melei namen dapet saudaro pecayo.