1 TIMOTIUS 4:8 - JANJAI BLAU Lem Bahaso Jang Bebilai

⁸ Latihan jasmani didik bae gunone, tapi latihan rohani beguno lem kute hal, sebab mengandung janjai utuk idup pado maso uyo ngen maso de bakea teko.

1 TIMOTIUS 4:8 ပူးပေါင်းရင်းမြစ်များ

MATIUS 12:32

Amen tun miling sesuatu tetang anok manusio, si dapet napun, tapi amen si mino Roh Sucai kunei Allah si coa bakea napun, teak uyo kulo neak akhirat!”

MATIUS 19:29

Ngen tiep tun de sudo teminggea umeak, pasuak semanei atau selawei, bak, mak, anok-anok atau kebun kerno Uku, tun'o bakea temimo igai sotos kilai lipet. Ngen si bakea temimo kulo idup de baka.

MATIUS 6:33

Tapi kesoaba kileak supayo Kerajaan Allah mriteak das idupnu ngen meneaba kelokne. Mako Allah bakea melei hal-hal de luyenne ngen ko.

MARKUS 10:30

Tun'o uyo pado maso uyo kulo bakea temimo igai sotos kilai lipet: Umeak, pasuakne semanei, pasuakne selawei, indok, anok ngen kebun, debatpun senerto berbagoi penganiayaan, pado zaman de bakea teko si bakea temimo idup de kekal.

LUKAS 5:38

Tapi anggur de blau harus naik lem katung de blau kulo.

ROMA 8:28

Ite namen uyo, bahwo Allah kulo kerjo lem kute sesuaktau utuk mbin kebaikan utuk tobo'o de mengasihi Si, adeba utuk tobo'o de nok-Ne sesuai ngen rencano Allah.

1 KORINTUS 3:22

Paulus, Apolos, Petrus, dunio yo, idup ngen matei, zaman yo jano zaman de bakea teko, kutene o adeba ko de temuan.

1 KORINTUS 8:8

Sebeneane kembuk suang coa menea hubungan ite ngen Allah jijai lebiak paok. Amen ite mbuk kembuk o, ite coa dapet utung jejano. Sebelekne amen ite coa mbuk kembuk o, ite kulo coa rugai jejano.

1 TIMOTIUS 4:7

Ne'uakba cerito-cerito takhayul de coa beguno. Lokba ko latih dirainu utuk beribadah.

1 TIMOTIUS 6:3

Api de majea ajaran de luyen kunei o ngen coa tujau ngen ajaran de benea kunei Tuhan te Yesus Kristus, ngen ajaran agamo te,

1 TIMOTIUS 6:5

ngen selisiak de coa sudo-sudone. Dalen pekeran tun-tun o bi kepak ngen coa benea igai. Sako tobo'o nam kayo kunei agamo.

1 TIMOTIUS 6:6

Memang agamo melei utung de lai, amen tun pues ngen jano de temuanne.

2 TIMOTIUS 3:5

Seca'o lahiriah tobo'o maneu kewajiban agamo, tapi temulok inti kunei agamo o suang. Ne'uakba tun-tun de awei o.

TITUS 3:8

Kecek yo sungguak benea. Uku lok ko manggap hal-hal yo peting, supayo tun-tun de pecayo ngen Allah sungguak-sungguak berusaho utuk menea kerjo de baik ngen beguno utuk kute tun.

IBRANI 13:9

Jibeakba munyau kute mecem ajaran de seseleh semset udi. Atei ite harus kenuet ngen kebaikan atei Allah, do'oba de baik; jibeak ngen peraturan-peraturan tetang kembuk. Tun-tun de bel'o taat ngen peraturan-peraturan o coa dapet utungne.

1 YOHANES 2:25

Dioba de jenanjai Kristus su'ang ngen ite: idup sejati ngen kekal.

WAHYU 3:12

Tun de menang, Uku jemijai sebagai tiang lem Umeak Sucai Allah-Ku, ngen si bakea tinggea neak penan o selamo-lamone. Gen Allah-Ku, gen kota Allah-Ku – adeba Yerusalem blau de bakea tu'un kunei surgo, kunei Allah-Ku – bakea Uku temulis neak dirai tun o. Kulo gen-Ku de blau bakea Uku temulis neak diraine.

WAHYU 3:21

Tobo'o de menang, bakea Uku melei izin temot neak takhta-Ku besamo Uku, serai awei Uku suang bi menang ngen uyo temot besamo Bapa-Ku neak takhta-Ne.