1 TIMOTIUS 4:6 - JANJAI BLAU Lem Bahaso Jang Bebilai

⁶ Amen ko majea kutene o ngen Saudaro-saudaro do imen, ko bakea jijai pelayan Kristus Yesus de bekerjo ngen baik. Ngen ko bakea mupuk batinnu ngen kecek Allah de ite pecayo, ngen ajaran-ajaran de benea de sudo tenotoanu ke'an yo.

1 TIMOTIUS 4:6 ပူးပေါင်းရင်းမြစ်များ

MATIUS 13:52

Lajau Yesus madeak, “Do'o sebabne tiep Gu'au Agamo de sudo ijai anggota umat Allah, adeba awei suang tuan umeak de kemluea kunei hartone barang-barang be lau ngen an.”

LUKAS 1:3

Kerno o, sesudo uku semlidik kute kejijai o ngen benea kunei asal mulone, uku mok putusan utuk temulis debuak laporan de teratur utuknu.

KISAH RASUL-RASUL 1:15

Sewaktau bilai o je ba Petrus neak tengeak-tengeak tun-tun do imen gidong bekopoa o, kekiro sotos duai puluak tun dau ne, lajau madeak,

KISAH RASUL-RASUL 20:31

Kerno o bejago-jagoba! Inget bahwo telau taun anne ngen dau bioa matai, pueng kelmen uku coa perneak bedan majea tiep tun kunei udi.

KISAH RASUL-RASUL 20:35

Lem kute pekaro uku bi melei contoh ngen ko bahwo ngen kerjo awei yo ite harus temulung tun-tun de lemah. Kerno ite harus inget ngen jano de Tuhan Yesus suang bi nadeak, ‘Lebiak riang melei kunei pado mimo.’ ”

ROMA 15:15

Tapi tetang hal-hal tertentu, uku minget udi ngen tegas lem su'et yo, kerno Allah bi melei anugerah ngen uku tugas o.

1 KORINTUS 4:17

Utuk o uku bi mutus Timotius ngen ko. Sebagai penotoa Kristus, si serai awei anokku suang de uku sayang. Si anok de dapet uku pecayo. Be si bakea minget udi tetang ca'o idup de uku totoa sesudo pecayo ngen Kristus, adeba ca'o idup de uku majea neak tiep jemaat neak ipe bae.

2 KORINTUS 11:23

Jano tobo'o pelayan Kristus? – uku madeak awei tun iloa – uku lebiak igai! Uku kerjo lebiak giat; lebiak galok neak lem sel; uku lebiak dau senikso, cet gesea matei.

2 KORINTUS 3:6

Sanggup jijai pelayan-pelayan kunei suaktau janjai blau, janjai de kunei Allah, iso kunei hukum de tetulis. Sebab de tetulis o mbin matei, sedangkan Roh Allah o melei idup.

2 KORINTUS 6:4

Sebelekne, lem kute hal, keme melei namen bahwo keme adeba hamba-hamba Allah. Sebab, kute mecem saro bi keme temimo ngen sabar:

EFESUS 6:21

Supayo udi namen keadaanku ngen kerjoku, mako Tikhikus, saudarote ngen pelayan de setia lem kerjo Tuhan, bakea melei namen ngen udi kute sesuaktau tetang uku.

FILIFI 2:20

Cumo Timotiusba dedone tun de do jiwo ngen uku, ngen sungguak-sungguak meker kebahagiannu.

FILIFI 2:22

Udi suang sudo kemliak buktine bahwo Timotius beguno. Si bi kerjo benek besamo uku utuk melei namen Bito Baik kunei Allah. Keme beduai awei anok ngen bapok bae.

FILIFI 3:16

Tapi hal yo lokba udi kemliak: Ite harus tep idup temurut peraturan de sudo ite totoa sapei uyo.

KOLOSE 2:19

sehinggo coa igai bepegong pado Kristus de jijai pemipin. Neak beak pipinan Kristus, kute awok jenago ngen jenijai do ngen sendai-sendaine, serto idup temurut kelok Allah.

KOLOSE 3:16

Lokba ajaran-ajaran Kristus de penuak berkat tinggea neak lem ateinu. Lokba udi samo-samo majea ngen samo-samo melei nasihat de bijaksano. Nyanyikanlah mazmur ngen puji-pujian serto legau-legau rohani; nyanyiba utuk Allah ngen perasaan syukur neak lem ateinu.

KOLOSE 4:7

Kute bito tetang uku bakea udi namen liwet Tikhikus, Saudaro ite. Si setia kerjo besamo-samo keme utuk Tuhan.

1 TESALONIKA 3:2

Lajau keme mbo Timotius, Saudaro do imen te. Si suang pelayan Allah de kerjo besamo keme utuk melei namen Bito Baik tetang Kristus. Keme mutus Timotius ngen udi supayo si kemuet udi ngen ndukung udi utuk lebiak pecayo igai ngen Kristus.

1 TIMOTIUS 1:10

te'adep tun-tun cabul, hubungan sesamo jenis, penculik, tukang mike; saksai-saksai dusta, ngen api bae de menea hal-hal de bertentangan ngen ajaran de benea.

1 TIMOTIUS 4:16

Ko harus ngawas diraine suang ngen ajarannu. Lokba ko setia menea kutene o, sebab ngen awei o ko bakea selamat baik dirainu suang atau tun-tun de temi'uk ko.

1 TIMOTIUS 6:3

Api de majea ajaran de luyen kunei o ngen coa tujau ngen ajaran de benea kunei Tuhan te Yesus Kristus, ngen ajaran agamo te,

2 TIMOTIUS 1:6

Sebab o uku minget ko utuk midup karunio de nelei Allah ngen ko pado waktau uku pek tangenku moi dasnu.

2 TIMOTIUS 3:10

Tapi ko bi temotoa ajaran-ajaran uku, ca'o idupku, ngen tujuan idupku. Ko bi kemliak suang awei ipe uku sungguak-sungguak pecayo ngen Yesus Kristus ngen mengasihi sesamo manusio. Ko kulo namen kesabaran ngen ketabahan uku.

2 TIMOTIUS 4:3

Sebab bakea sapei waktaune tun coa lok igai temimo ajaran de benea. Sebelekne, tobo'o bakea temotoa kelokne suang, ngen melungguk dau gu'au utuk najea hal-hal de baik teni'uk tobo'o.

TITUS 2:1

Tapi ko, Titus, lokba ko majea ajaran de paset.

1 PETRUS 2:2

Lokba udi jijai awei cupik de pei laher, bogoa aus lok mbuk bioa susu de murni ngen de rohani. Ngen awei o udi bakea idup ngen selamat.

2 YOHANES 1:9

Tun de coa bepegong ngen ajaran Kristus, tapi nyipang kunei jano de najea Kristus, tun o coa temuan Allah. Tun de tep ade neak lem ajaran Kristus, taine temuan Allah Bapa atau Anok.

YUDAS 1:5

Kutene o sudo udi namen, tapi uku lok minget udi tetang awei ipe Tuhan semelamat umat-Ne kunei Mesir, tapi sesudo'o benaso tun-tun de coa pecayo.