1 TIMOTIUS 4:4 - JANJAI BLAU Lem Bahaso Jang Bebilai

⁴ Kerno kute de cenipto Allah o baik ngen coa ade do kulo de haram, amen tenimo ngen mucep syukur ngen Allah.

1 TIMOTIUS 4:4 ပူးပေါင်းရင်းမြစ်များ

KISAH RASUL-RASUL 10:15

Tapi sa'ei o madeak igai ngensi, “Jano de sudo Allah nadeak halal jibeak ko anggap do'o haram.”

KISAH RASUL-RASUL 15:29

Udi harus me'uak dirai kunei kembuk de senembeak ngen berhala, kunei daleak, kunei daging benatang de matei ncit ngen kunei percabulan. Amen udi jemago dirai teadep hal-hal yo, udi menea baik. Sapei piyoba, selamat.”

KISAH RASUL-RASUL 21:25

Tapi tetang bangso-bangso luyen, de sudo pecayo, keme bi kemirim su'et ngen tobo'o tetang keputusan keme, adeba tobo'o bahwo tobo'o coa buliak mbuk kembuk de sudo senreak ngen patung, kunei daleak, kunei daging benatang de matei ncit ngen kunei zinah.”

ROMA 14:14

Kerno uku jijai do ngen Tuhan Yesus, mako uku pecayo nien bahwo coa ade sesuaktau kulo pado dasarne najis; tapi hal o najis utuk su'ang tun, amen tun o manggapne najis.

ROMA 14:20

Jibeakba, kerno soal kembuk, Saudaro musak jano de sudo kenerjo Allah. Kute kembuk halal utuk nemuk; tapi amen jano de Saudaro mbuk menea tun luyen jijai beduso, mako Saudaro saleak.

ROMA 14:6

Api de bepegong ngen do bilai tertentu, si meneane utuk Tuhan. Ngen api mukmei, si meneane utuk Tuhan, sebab si mucep syukur ngen Allah. Ngen api coa mukmei, si meneane utuk Tuhan, ngen si kulo mucep syukur ngen Allah.

1 KORINTUS 10:23

Nadeak tun, “Ite buliak menea jano bae de ite lok.” Benea! Tapi coa kute de ite lok o beguno. “Ite buliak menea jano bae de ite lok” – tapi coa kute de ite lok o mbangun idupte.

1 KORINTUS 10:25

Udi buliak embuk jano bae de jenuo neak peken daging. Jibeak semlidik lebiak dute, kunyau atei nuraninu coa tujau.

1 KORINTUS 10:26

Sebab lem Kiteb Sucai tetulis, “Bumai ngen kute isaine adeba Tuhan temuan.”

1 KORINTUS 10:30

Amen uku embuk kembuk ngen ca'o mokasih ngen Allah, getai tun harus mino uku das kembuk o, padahal uku sudo mokasih ngen Allah?”

1 TIMOTIUS 4:3

Tobo'o majea tun utuk coa nikeak ngen coa mbuk kembuk kunei Allah. Padahal kembuk o nea Allah utuk nembuk ngen mucep mokasiak ngen tun-tun de sudo pecayo ngen Kristus ngen bi kemnal ajaran de benea kunei Allah.