1 TIMOTIUS 4:3 - JANJAI BLAU Lem Bahaso Jang Bebilai

³ Tobo'o majea tun utuk coa nikeak ngen coa mbuk kembuk kunei Allah. Padahal kembuk o nea Allah utuk nembuk ngen mucep mokasiak ngen tun-tun de sudo pecayo ngen Kristus ngen bi kemnal ajaran de benea kunei Allah.

1 TIMOTIUS 4:3 ပူးပေါင်းရင်းမြစ်များ

MATIUS 14:19

Sudo'o Si meluak tun dau'o temot neak das dukut. Lajau Si mok lemo ruti ngen duai kan'o, ngen cungok moi lenget, lajau mucep syukur ngen Allah. Sudo'o Si megit ruti'o ngen tangan-Ne ngen mlei-Ne ngen penotoa-penotoa-Ne utuk nagiak-nagiak ngen tun dau'o.

MATIUS 15:11

De masuk moi lem bibia coa menea tun najis, amen de kelua kunei lem bibiane, do'oba de jemijai tun najis.”

MATIUS 15:36

Sudo'o Si mok tujuak ruti ngen kan'o, ngucep sukur ngen Allah. Yesus megit ruti ngen kan'o ngen tangen-Ne, lajau Si melei penotoa-Ne ngen tobo'o magiak ngen tun dau'o.

LUKAS 24:30

Waktau Si temot mukmei ngen tobo'o, Si mok ruti, mucep berkat, lajau memecuakne ngen meleine ngen tobo'o.

YOHANES 6:23

Sementaro o kekedau biduk luyen teko kunei Tiberias pa'ok moi penan tobo'o mbuk ruti, sesudo Tuhan mucep syukur dasne.

KISAH RASUL-RASUL 27:35

Sesudo Paulus madeak awei o, si mok ruti, mucep syukur ngen Allah neak adep tobo'o kutene, mecuak-mecuakne, lajau muloi mbuk.

ROMA 14:17

Sebab amen Allah meriteak su'ang tun, jano de si buliak mbuk atau menem, coa peting igai. De peting adeba bahwo tun o temotoa kelok Allah, meding atei tenang ngen temimo sukocito de nelei Roh Allah.

ROMA 14:3

Api de mukmei, jibeakba mino tun de coa mukmei, jibeakba semaleak tun de mukmei, sebab Allah bi temimo tun o.

ROMA 14:6

Api de bepegong ngen do bilai tertentu, si meneane utuk Tuhan. Ngen api mukmei, si meneane utuk Tuhan, sebab si mucep syukur ngen Allah. Ngen api coa mukmei, si meneane utuk Tuhan, ngen si kulo mucep syukur ngen Allah.

1 KORINTUS 6:13

Ade kulo de madeak bahwo kembuk adeba utuk tenei, tenei seniap utuk kembuk. Tapi keduaine bakea nlenyep Allah. Awok manusio coa buliak nakei utuk menea hubungan de coa baik, tapi cuma utuk melayan Tuhan. Ngen Tuhan bakea miaro awok o.

1 KORINTUS 7:28

Tapi amen Saudaro nikeak, do'o iso duso. Awei'o kulo suang semulen nikeak, coa be, artai si beduso. Cuma, tobo'o de nikeak'o bakea meding kesaro. Ngen uku lok Saudaro uak kunei kesaro'o.

1 KORINTUS 8:8

Sebeneane kembuk suang coa menea hubungan ite ngen Allah jijai lebiak paok. Amen ite mbuk kembuk o, ite coa dapet utung jejano. Sebelekne amen ite coa mbuk kembuk o, ite kulo coa rugai jejano.

KOLOSE 2:16

Kerno o, jibeak munyau tun semaleak udi tetang kembuk ngen menem atau tetang bilai rayo, bulen blau atau kulo bilai Sabat.

KOLOSE 3:17

Kute jano de udi nea ngen nadeak, harusba do'o nea ngen nadeak das gen Tuhan Yesus. Bersyukurba ngen Allah Bapa utuk jano de nea Yesus utuk nu.

1 TIMOTIUS 2:4

Si lok supayo kute tun senlamat ngen namen de benea.

1 TIMOTIUS 4:4

Kerno kute de cenipto Allah o baik ngen coa ade do kulo de haram, amen tenimo ngen mucep syukur ngen Allah.

1 TIMOTIUS 5:14

Do'oba sebabne uku meluak rando-rando u'ai nikeak igai, dapet anok ngen murus umeak tanggo, supayo musuak-musuak ite coa dapet kesempatan utuk kemidek gen ite.

IBRANI 13:4

Kute tun harus kemten sikep hormat teadep perkawinan, do'o sebabne lokba maten-ngenyan setia do ngen de luyen. Tun de cabul ngen tun de berzinah bakea nhukum Allah.

IBRANI 13:9

Jibeakba munyau kute mecem ajaran de seseleh semset udi. Atei ite harus kenuet ngen kebaikan atei Allah, do'oba de baik; jibeak ngen peraturan-peraturan tetang kembuk. Tun-tun de bel'o taat ngen peraturan-peraturan o coa dapet utungne.