1 TIMOTIUS 4:16 - JANJAI BLAU Lem Bahaso Jang Bebilai

¹⁶ Ko harus ngawas diraine suang ngen ajarannu. Lokba ko setia menea kutene o, sebab ngen awei o ko bakea selamat baik dirainu suang atau tun-tun de temi'uk ko.

1 TIMOTIUS 4:16 ပူးပေါင်းရင်းမြစ်များ

MARKUS 13:9

Tapi udi yo, atei-ateiba! Udi bakea senereak ngen majelis agamo ngen udi bakea nokoa neak umeak semyang. Ngen bakea nadep ngen tobo gubernur ngen tobo rajo kerno Uku, sebagoi saksai bagiak tobo'o.

LUKAS 21:34

“Jagoba dirainu, jibeak sapei udi kembiak sibuk bepesta ngen mabuk menem, atau kembiak meker soal-soal idupnu, sehinggo udi coa siap ketiko bilai o teko ngen tetibo.

KISAH RASUL-RASUL 26:22

Tapi berkat tulung Allah uku dapet idup sapei uyo, jijai saksai bagiak tun-tun titik ngen tun-tun lai. Jano de uku melei namen o coa luyen kunei de ayokne sudo nelei namen nebai-nebai ngen Musa,

KISAH RASUL-RASUL 6:4

sebab keme lok bedu'o ngen melei namen kecek Allah bae.”

ROMA 11:14

Uku ma'ep tun-tun do bangsoku bakea kidek atei sehinggo ngen awei yo pa'ok kunei tobo'o dapet selamat.

ROMA 16:17

Saudaro-saudaro! Uku minoi nien: Teateiba teadep tun-tun de menea perpecahan ngen kemacau kepercayaan tun ngen Tuhan. Hal o bertentangan ngen jano de sudo najea ngen udi. Ne'uakba tun-tun awei o.

ROMA 2:7

Allah melei idup kekal ngen tobo'o de taat menea de baik, mesoa kemuliaan, kehormatan ngen de kekal.

1 KORINTUS 1:21

Kerno awei ipe pacokne manusio, si coa dapet kemnal Allah liwet kepacokne suang. Tapi kerno Allah bijaksana, mako Si lok semlamat tun-tun de pecayo ngen-Si liwet bito de keme melei namen de nanggap coa benea liwet dunio.

1 KORINTUS 9:22

Neak tengeak-tengeak tun-tun de imenne de coa kuet, uku kulo besikep awei tun de imenne coa kuet supayo uku dapet temarik tobo'o jijai penotoa Kristus. Siketne, uku jijai kekutene utuk kute tun supayo ngen dalen de awei ipe kulo uku dapet semlamat pao kunei tobo'o.

1 KORINTUS 9:27

Uku munyau awokku nelatih ngen bennek sapei uku dapet kemuasone. Uku menea awei'o, sebab uku coa lok sapei tejijai bahwo sesudo uku majok tun luyen milau lem perlombaan o, uku suang tenulok.

EFESUS 4:14

Mako ite coa jijai anok-anok de terombang-ambing ngen coa tau arahne ngen memecem ajaran kunei tun-tun licik. Tobo'o menea tun seset ngen tipu muslihat tobo'o.

KOLOSE 4:17

Ngen melei namen Arkhipus, “Semleseiba tugas de nelei ngen ko guno mlayan Tuhan.”

1 TESALONIKA 2:16

Bahkan tobo'o temutup dalen keme utuk melei namen ngen bangso-bangso iso Yahudi bito de dapet semlamat bangso-bangso o. Ngen awei o tun-tun Yahudi o temambeak trus duso-duso tobo'o sapei jumlahne genep. Ngen uyo tobo'o temimo hukuman Allah.

1 TIMOTIUS 1:3

Uku lok supayo ko tep tinggea neak Efesus awei de sudo uku demsok ko pado waktau ko lalau moi Makedonia. Sebab, neak Efesus ade kekedau tun de sembea ajaran de coa benea, ko harus mdan tobo'o.

1 TIMOTIUS 4:15

Kerjoba kutene o ngen sungguak-sungguak supayo kemajuannu kenliak kute tun.

1 TIMOTIUS 4:6

Amen ko majea kutene o ngen Saudaro-saudaro do imen, ko bakea jijai pelayan Kristus Yesus de bekerjo ngen baik. Ngen ko bakea mupuk batinnu ngen kecek Allah de ite pecayo, ngen ajaran-ajaran de benea de sudo tenotoanu ke'an yo.

2 TIMOTIUS 2:10

Do'oba sebabne uku sabar temanggung kutene o demi kepentingan tun-tun de sudo niliak Allah, supayo tobo'o kulo dapet keselamatan de nelei liwet Kristus Yesus, ngen kemulioan de kekal.

2 TIMOTIUS 3:14

Tapi lokba ko tep bepegong pado kebenaran de sudo ko temimo ngen ko yakin, bogoa minget tun de sudo majeane ngen ko.

2 TIMOTIUS 4:2

Lokba ko melei Bito Baik kunei Allah o, terus pakso supayo tun temi'ukne, jano tobo'o lok jano coa. Lokba ko menea tun pecayo, kemten saleakne, ngen melei nasihat ngen tobo'o. Najeaba tun ngen sabar.

TITUS 1:9

Ia harus bepegong teguak pado ajaran de dapet pecayo, awei de sudo najea ngenne. Awei ipe si sanggup melei nasehat tun pado ajaran de benea, ngen temunjuk kesaleak tun-tun de temtangne.

TITUS 2:15

Najeaba kutene o, ngen melei nasehat serto tema'okba paro pendengarnu seca'o wibawa. Jibeak munyau suang kulo manggap ko rendeak.

TITUS 2:7

Lem kute hal lokba ko jijai teladan de baik. Amen ko majea, ko harus jujur ngen sungguak-sungguak.

FILEMON 1:19

Nah, baikba uku temulisne suang neak piyo: Uku, Paulus, bakea masen kutene. (Paset coa perlu uku minget bahwo Saudaro suang temuan utang ngen uku, adeba kehidupannu de blau sebagai tun Kristen.)

IBRANI 12:15

Jagoba jibeak sapei ade suang kulo de keluea kunei lingkungan kebaikan atei Allah, supayo jibeak ade de jijai awei tanem de ade acun neak tengeak-tengeak udi sehinggo timboa saro ngen musak dau tun ngen acunne.

IBRANI 13:9

Jibeakba munyau kute mecem ajaran de seseleh semset udi. Atei ite harus kenuet ngen kebaikan atei Allah, do'oba de baik; jibeak ngen peraturan-peraturan tetang kembuk. Tun-tun de bel'o taat ngen peraturan-peraturan o coa dapet utungne.

YAKOBUS 5:20

ingetba ayat yo: Tun de menea tun beduso nyimpang kunei dalenne de saleak, tun o semlamat jiwo tun de beduso o kunei matei ngen sembab dau tun duso napun. Hormat keme, Yakobus