1 TIMOTIUS 4:13 - JANJAI BLAU Lem Bahaso Jang Bebilai

¹³ Sementaro o, sapei uku teko be, ko harus sungguak-sungguak mbaco Alkitab ngen tun-tun ngen majeane.

1 TIMOTIUS 4:13 ပူးပေါင်းရင်းမြစ်များ

YOHANES 5:39

Udi semlidik Kiteb Sucai, sebab udi sako bahwo neak lem-Ne udi temau idup de kekal. Tapi kunyau Kiteb Sucai o melei saksai tetang Uku.

KISAH RASUL-RASUL 17:11

Tun-tun Yahudi neak kota o lebiak tukok ateine kunei pado tun-tun Yahudi neak Tesalonika, kerno tobo'o temimo Firman o ngen kute kerelaan atei, tiep bilai tobo'o semlidik Kitep Sucai utuk namen, jano kutene o benea awei o.

KISAH RASUL-RASUL 6:4

sebab keme lok bedu'o ngen melei namen kecek Allah bae.”

ROMA 12:8

Amen karunio utuk melei nasehat, baikba ite melei nasehat. Api de magiak sesuaktau, lokba si meneane ngen atei ikhlas. Api de melei pipinan, lokba si meneane ngen rajin. Api de melei ngen baik atei, lokba si meneane ngen atei riang.

1 KORINTUS 14:26

Jijai, Saudaro-saudaro, jano tai kutene o? Amen udi bekopoa utuk nyembeak Tuhan, ade nyanyi, ade ngajea, ade de melei namen sesuaktau kunei Allah, ade de miling lem bahaso de ajaib, ngen ade de jemlas jano de nadeak o. Tapi kutene o harusba nea utuk majea ngen kebaikan kutene.

1 KORINTUS 14:3

Sebelekne, tun de semapei bito kunei Allah, semapeine ngen manusio; utuk kemuet tobo'o, utuk melei semangat ngen tobo'o ngen utuk mibur tobo'o.

1 KORINTUS 14:6

Amen seandaine uku teko ngenko, uku miling lem bebagoi bahaso de ajaib, jano gunene do'o utuk udi? Coa ade gunene samo sekilai! Luyen halne, amen uku madaek jano de nadeak Allah, atau uku jemlas sesuaktau tetang Allah, atau uku semapei bito kunei Allah, atau uku majea.

1 TIMOTIUS 4:16

Ko harus ngawas diraine suang ngen ajarannu. Lokba ko setia menea kutene o, sebab ngen awei o ko bakea selamat baik dirainu suang atau tun-tun de temi'uk ko.

1 TIMOTIUS 4:6

Amen ko majea kutene o ngen Saudaro-saudaro do imen, ko bakea jijai pelayan Kristus Yesus de bekerjo ngen baik. Ngen ko bakea mupuk batinnu ngen kecek Allah de ite pecayo, ngen ajaran-ajaran de benea de sudo tenotoanu ke'an yo.

2 TIMOTIUS 3:15

Tingetba kulo bahwo kunei titik ko bi kemnal Kiteb Sucai. Kiteb Sucai o dapet melei ngen ko pengertian utuk dapet keselamatan liwet imen ngen Kristus Yesus.

2 TIMOTIUS 4:2

Lokba ko melei Bito Baik kunei Allah o, terus pakso supayo tun temi'ukne, jano tobo'o lok jano coa. Lokba ko menea tun pecayo, kemten saleakne, ngen melei nasihat ngen tobo'o. Najeaba tun ngen sabar.

TITUS 2:15

Najeaba kutene o, ngen melei nasehat serto tema'okba paro pendengarnu seca'o wibawa. Jibeak munyau suang kulo manggap ko rendeak.