1 TIMOTIUS 4:12 - JANJAI BLAU Lem Bahaso Jang Bebilai

¹² Jibeak suang tun kulo manggap ko rendeak kerno ko u'ai. Sebelekne, lokba ko jijai teladan bagiak tun-tun pecayo lem keceknu ngen plepnu, lem ca'o ko mengasihi sesamo ngen pecayo ngen Yesus Kristus, lem kesetiaannu ngen lem kemurnian.

1 TIMOTIUS 4:12 ပူးပေါင်းရင်းမြစ်များ

MATIUS 18:10

“Awas! Jibeak mino suang tun-tun titik yo. Sebab ingetba, malaikat-malaikat tobo'o selalu ade neak adep Bak-Ku neak surgo. [

1 KORINTUS 11:1

Totoaba contoh uku, awei uku kulo temotoa contoh Kristus.

FILIFI 4:8

Akherne, Saudaro-saudaro, isaiba pekerannu ngen hal-hal beguno, de patut nujai, adeba hal-hal de benea, de terhormat, adea, murni, mis, ngen baik.

1 TESALONIKA 1:6

Udi temotoa teladan keme ngen teladan Tuhan. Kunyau udi kembiak saro, udi semambut ngen riang bito de keme melei namen ngen udi. Riang o nelei Roh Allah.

1 TESALONIKA 2:10

Keme idup ngen sucai, benea ngen coa ade cacet te'adep udi de sudo pecayo ngen Kristus. Udiba saksai-saksai keme, awei o kulo Allah.

1 TIMOTIUS 1:14

Malah anugerah Tuhan te o bi nelei ngen uku. Si melei ngen uku kepacok utuk pecayo ngen-Si, mengasihi sesamo manusio. Kepacok o nelei ngen ite kute de sudo jijai do ngen Kristus Yesus.

2 TIMOTIUS 2:15

Lokba ko berusaho sungguak-sungguak supayo Allah makau ko sebagai tun de layak bekerjo utuk-Ne. Berusahoba supayo ko coa selek tetang kerjonu, meluyen majea seca'o tepat ajaran-ajaran benea kunei Allah.

2 TIMOTIUS 2:22

Sebab o, Ne'uakba nafsu tun u'ai. Berusahoba utuk idup temurut kelok Allah, setia ngen ajaran-Ne ngen mengasihi sesamo, serto temuan atei de tenang. Idupba awei o besamo tobo'o de menggang minoi tulung ngen Tuhan, ngen atei de sucai.

2 TIMOTIUS 2:7

Perhatikanba jano de uku madeak o, sebab Tuhan bakea melei ngen ko kesanggupan utuk ngertai kutene.

TITUS 2:15

Najeaba kutene o, ngen melei nasehat serto tema'okba paro pendengarnu seca'o wibawa. Jibeak munyau suang kulo manggap ko rendeak.

TITUS 2:7

Lem kute hal lokba ko jijai teladan de baik. Amen ko majea, ko harus jujur ngen sungguak-sungguak.

YAKOBUS 3:13

Amen neak antaro udi ade tun de bijaksana ngen baik, lokba si kemtenne ngen idup baik, menea hal-hal de baik, de senerto rendeak atei ngen bijaksana.

YAKOBUS 3:17

Tapi tun de temuan kebijaksanaan de kunei das adeba pertamo-tamo sucai, sesudo'o galok damoi, rama ngen penurut. Si penuak ngen asai ibo ngen masea perbuatan-perbuatan de baik. Si coa berpihok ngen coa munafik.

1 PETRUS 5:3

Jibeakba betindak sebagai penguaso teadep tobo'o de dipercayakan ngenko, tapi jijaiba teladan utuk tobo'o.