1 TIMOTIUS 4:10 - JANJAI BLAU Lem Bahaso Jang Bebilai

¹⁰ Do'oba sebabne ite berjuang ngen kerjo keras, sebab ite ma'ep sepenuakne ngen Allah de idup; Siba penyelamat kute tun, terutamo tun-tun de pecayo.

1 TIMOTIUS 4:10 ပူးပေါင်းရင်းမြစ်များ

MATIUS 16:16

Simon Petrus jemawab, “Bak adeba Rajo Penyelamat, Anok Allah De Idup.”

MATIUS 27:43

Si pecayo ngen Allah, ngen madeak bahwa Si Anok Allah. Nah, maro ite kemliak janokah Allah lok semlamat Si uyo.”

YOHANES 1:29

Bilai menne Yohanes kemliak Yesus teko. Yohanes madeak, “Keliak ba Anok Bebirai Allah de mapus duso dunio.

YOHANES 4:42

Tobo'o madeak ngen selawei'o, “Keme pecayo, tapi iso igai kerno jano de ko nadeak, sebab keme suang bi temi'uk Si ngen keme namen, bahwo Siba benea-benea Juru Selamat dunio.”

YOHANES 5:24

Sesungguakne Uku madeak ngen ko, ‘Api bae bi temi'uk kecek-Ku ngen pecayo ngen Si de mutus Uku, si temuan idup de kekal ngen coa milem nukum, sebab si sudo baliak kunei lem maut moi lem idup.’

1 KORINTUS 15:10

Tapi kerno rahmat Allah uku jijai awei keadaan uku de uyo. Coa percuma Allah mapun uku. Ukuba de kerjo lebiak benek kunei kute rasul de luyenne. Tapi sebeneane iso usaho ku; do usaho Allah de kemasiak uku ngen de kerjo besamo-samo uku.

2 KORINTUS 1:10

Allah bi ngen bakea semlamat keme kunei matei de kebiak ngeri: Ngen-Si keme mpek harapan keme bahwo Si bakea semlamat keme igai.

1 TIMOTIUS 2:3

Do'oba de baik ngen semnang atei Allah, Penyelamat ite.

1 TIMOTIUS 2:4

Si lok supayo kute tun senlamat ngen namen de benea.

1 TIMOTIUS 2:6

Si suang manusio de sudo semreak dirai-Ne utuk mbebas kute tun kunei duso-duso tobo'o. Ngen o Allah kemten pado waktau de tepat, bahwo Si lok kunyau kute tun senlamat.

1 TIMOTIUS 3:15

supayo amen uku cendok, ko bi namen awei ipe ite harus idup sebagai keluargo Allah, adeba jemaat Allah de idup. Jemaat dioba de adeba tiang penegok ngen pendukung ajaran de benea kunei Allah.

1 TIMOTIUS 6:17

Ngen tun-tun kayo neak dunio yo, lokba ko minoi supayo tobo'o jibeak ombong ngen jibeak ma'ep pado sesuaktau de coa tau awei kekayaan. Tobo'o harus ma'ep ngen Allah de melei kute sesuaktau ngen ite utuk ite nikmati.

IBRANI 11:26

Musa meding bahwo uak lebiak behargo utuk dapet penghinaan demi Rajo Penyelamat de jenanjai Allah o daripado dapet kute hok negrai Mesir, sebab Musa ma'ep upeak neak kedong bilai.

IBRANI 13:13

Kerno o, maroba ite lalau ngen-Si moi luea kemah ngen milau hino tun besamo Si.

1 PETRUS 1:21

Liwet Siba udi pecayo ngen Allah de sudo midup-Ne igai kunei matei ngen mengagungkan-Ne. Jijai, Allahba de udi pecayo ngen Allahba kulo udi mpek harapan.

1 YOHANES 2:2

Ngen liwet Yesus Kristus o ba duso-duso ite napun. Iso duso-duso ite bae, tapi duso kute umat manusio kulo.

1 YOHANES 4:14

Keme suang bi kemliak Anok Allah, ngen keme melei namen bahwo Si nutus Bapa utuk jijai Rajo Penyelamat dunio yo.