1 TIMOTIUS 4:1 - JANJAI BLAU Lem Bahaso Jang Bebilai

¹ Roh Allah seca'o tegas madeak bahwo pado maso-maso de bakea teko, ade tun de bakea murtad, lajau temotoa roh-roh de menea tun jijai sesat ngen ajaran-ajaran Iblis,

1 TIMOTIUS 4:1 ပူးပေါင်းရင်းမြစ်များ

MATIUS 18:7

Padeak celakone dunio yo kerno hal-hal de sembab tun beduso. Hal-hal de awei'o selalu ade, tapi celakoba tun de sembabne.

LUKAS 17:1

Yesus madeak ngen penotoa-penotoa-Ne, “Coa mukin coa bakea ade tun menea duso, tapi celakoba tun de sembabne.

YOHANES 16:13

Tapi amen Si teko, adeba Roh kebenea, Si bakea mipin udi neak lem kute kebenea. Si coa bakea madeak kunei dirai-Ne suang, tapi kute sesuaktau de teni'ukne do'oba de bakea nadeak-Ne ngen Si bakea melei namen ngen udi hal-hal de bakea teko.

KISAH RASUL-RASUL 13:2

Pado suaktau bilai waktau tobo'o semyang ngen puaso, madeakba Roh Sucai, “Miliakba Barnabas ngen Saulus khusus utuk-Ku utuk tugas de sudo Uku tentau utuk tobo'o.”

KISAH RASUL-RASUL 17:18

Gu'au-gu'au aliran Epikuros ngen aliran Stoa bedebat kulo ngen si. Ade de madeak, “Jano de lok tukang ngike madeak?” Tapi de luyen madeak, “Rupone si melei namen tetang ajaran diwo-diwo bangso luyen.” Kerno si melei namen Bito Baik tetang Yesus ngen idup igai sesudo matei.

KISAH RASUL-RASUL 20:23

Uku cuma namen bahwo neak tiep-tiep kota, Roh Sucai bi tegas melei namen ngen uku, bahwo uku bakea masuk sel ngen bakea saro.

KISAH RASUL-RASUL 21:11

Si teko ngen keme, lajau mok teng Paulus. Samo meket kekea ngen tangenne suang si madeak, “Awei yoba nadeak Roh Sucai: Aweiyoba de temuan teng yo bakea neket ngen tun-tun Yahudi neak Yerusalem, senreak moi tangen bangso-bangso luyen.”

KISAH RASUL-RASUL 28:25

Lajau bubarba pertemuan o ngen coa ade kesesuoian neak antaro tobo'o. Tapi Paulus masiak madeak hal de do yo, “Tepatba jano de nadeak Roh sucai tetang ninik muyang te, awei de nucep Nebai Yesaya.

1 KORINTUS 10:20

Jano de senreak neak penen kurban utuk patung coa senreak ngen Allah, tapi senreak ngen roh-roh kidek. Ngen uku coa lok jijai do ngen roh kidek.

1 KORINTUS 11:19

Memang sudo wajar amen neak antaro udi ade selisiak, supayo keten konyo api bae tun Kristen de asli.

1 KORINTUS 12:11

Kutene o kenerjo Roh de do o kulo; masing-masing tun nelei karunio kusus temurut kelok Roh o suang.

1 KORINTUS 2:10

Kerno ngen ite Allah bi kemtenne ngen Roh, sebab Roh semlidik kute sesuaktau, bahkan hal-hal de coa keten lem dirai Allah.

2 KORINTUS 11:3

Tapi uku saben, amen pekeran udi sensat kunei kesetiaan udi de sejati ngen Kristus, serai awei Hawa tergoda ngen kelicikan dung.

KOLOSE 2:18

Jibeakba udi munyau dirainu rugai ngen tun de aweine merendeak dirai ngen sembeak malaikat-malaikat. Tun o ombong ngen pekeran-pekeranne de duniawi ngen mengagung-agungkan pengeliak-pengeliakne de khusus,

2 TIMOTIUS 3:13

dong tun jahat ngen tukang mike bakea tambeak jahat. Tobo'o mike tun luyen padahal tobo'o suang kulo keno pike.

2 TIMOTIUS 4:4

Tobo'o bakea mutup ti'ukne te'adep de benea, tapi bakea temi'uk te'adep cerito-cerito dongeng.

YAKOBUS 3:15

Kebijaksanaan de awei o asalne iso kunei surgo. Si asalne kunei dunio, kunei nafsu manusio ngen kunei Iblis!

1 PETRUS 1:20

Kristus niliak Allah ayok dunio jenijai. Tapi kerno udi, Si tembei madeak dirai-Ne pado akhir zaman. Si teko moi dunio supayo udi senlamat.

2 PETRUS 2:1

Pado maso de bel'o neak antaro umat Allah bi timboa nebai-nebai palsu. Awei o kulo neak antaronu bakea timboa gu'au-gu'au palsu. Tobo'o bakea memasukan ajaran-ajaran de coa benea, de membinasakan tun. Ngen tobo'o bakea menyangkal Penguasa de sudo mbebas tobo'o. Ngen awei yo tobo'o mendatangkan kebinasaan das dirai suang, de bakea tejijai pado tobo'o ngen gacang.

2 PETRUS 3:3

Pertamo-tamo, udi harus namen bahwo pado bilai-bilai terakhir, bakea timboa tun-tun de idupne kenuaso hawo nafsu tobo'o su'ang. Tobo'o bakea mino udi

1 YOHANES 2:18

Anok-anokku, kiamat bi pa'ok! Sudo nelei namen ngen udi ayokne bahwo musuak Kristus bakea teko; ngen uyo bi teko dau tun de musuak ngen Kristus. Do'o tandone bahwo kiamat bi pa'ok.

1 YOHANES 4:6

Tapi ite adeba anok-anok Allah; ngen tun de kemnal Allah, temi'uk kecek ite. Tun de iso de Allah temuan, coa temi'uk kecek ite. Awei'oba ca'one ite namen perbedaan Roh de melei ajaran de benea, ngen roh de menea seset.

YUDAS 1:18

Tobo'o melei namen telebiak dute ngennu bahwo menjelang akhir zaman bakea timboa tun-tun de bakea mino udi, adeba tun-tun de idup temurut klok-klok tobo'o de beduso.

YUDAS 1:4

Sebab seca'o coa sadar ade tun-tun de seca'o de diem bi masuk moi tengeak-tengeak ite. Tobo'o tun-tun bejat de semaleak bito tetang rahmat Allah ite, utuk dapet kesepatan utuk melampiaskan hawa nafsu tobo'o. Ngen tobo'o coa lok temimo Yesus Kristus, do-done Penguaso ngen Tuhan ite. Sejak bel'o ukuman utuk tobo'o sudo tentau lem Kiteb Sucai

WAHYU 13:14

Ngen kute tun de idup neak bumai ngikene ngen keajaiban-keajaiban de buliak neane neak adep benatang de pertamo o. Ngen tobo'o kutene neluakne menea debuak patung kunei benatang de sudo sileak ngen pedang, tapi tep idup.

WAHYU 16:14

Tobo'o adeba roh-roh jahat de menea keajaiban-keajaiban. Ketelau roh o lalau magea kute rajo neak kute dunio ngen kemopoa tobo'o utuk tepua pado Bilai lai, adeba Bilai kunei Allah Mahakuaso.

WAHYU 18:2

Ngen sa'ei de lek, si mengang, “Sudo ajua! Babel lai bi ajua! Uyo si jijai penan semat-semat ngen roh-roh kidek. Neak lemne idup kute mecem burung de najis ngen de jengik tun.

WAHYU 18:23

Tun coa bakea kemliak igai cahayo lapu neak lem udi; ngen coa bakea kulo teni'uk keramaian pesta nikeak neak di. Pedagang-pedagangnu adeba tun-tun de paling terkemuko neak bumai, ngen lemau-lemau gaibnu ko mike kute bangso neak dunio!”

WAHYU 19:20

Mako benatang o takep besamo-samo ngen nebai palsu de sudo menea keajaiban-keajaiban neak adep benatang o. (Ngen keajaiban-keajaiban o ba benatang o mikea tun-tun de temuan tando benatang o, ngen tun-tun de nyembeak patung benatang o.) Lajau benatang o ngen nebai palsu o nuang idup-idup moi lem lautan opoi ngen bli'ang.

WAHYU 2:11

Api temuan ti'uk, lokba si temi'uk jano de nadeak Roh Allah ngen jemaat-jemaat! Api de menang si coa bakea saro kerno kematian de keduai.”

WAHYU 2:17

Api temuan ti'uk, lokba si temi'uk jano de nadeak Roh Allah ngen jemaat-jemaat! Api de menang, bakea Uku melei izin embuk manna de tebunyin, masing-masing bakea temimo kunei Uku debuak butau putiak. Pado butau o tetulis do gen de belau, de coa namen api bae, seluyen tun de temimone.”

WAHYU 2:29

Api temuan ti'uk, lokba si temi'uk jano de nadeak Roh Allah ngen jemaat-jemaat!”

WAHYU 2:7

Api dapet temi'uk, lokba temi'uk jano de nadeak Roh Allah ngen jemaat-jemaat! Tobo'o de menang, bakea Uku melei izin mbuk bueak kunei pun kehidupan de idup neak surgo.”

WAHYU 20:10

Sesudo'o de mike tobo'o, nuang moi lem lautan opoi ngen bli'ang. Neak di ba penanne benatang ngen nebai palsu o nuang lebiak dute. Tobo'o bakea senikso lueng kelmen utuk selamo-lamone.

WAHYU 20:8

ngen si bakea lalau mike bangsa-bangsa de tersebea neak kute dunio, adeba Gog ngen Magog. Iblis kemopoa tobo'o utuk perang, suaktau jumlah de kembiak lai, kedau benei neak laut.

WAHYU 3:13

Api temuan ti'uk, lokba si temi'uk jano de nadeak jemaat-jemaat!”

WAHYU 3:22

Api temuan ti'uk, lokba temi'uk jano de nadeak Roh Allah ngen jemaat-jemaat!”

WAHYU 3:6

Api temuan ti'uk, lokba temi'uk jano de nadeak Roh Allah ngen jemaat-jemaat!”

WAHYU 9:20

Tapi ti'eak kunei umat manusio de coa matei kerno bencano-bencano o, coa tobat kunei uleak tangen tobo'o suang. Tobo'o coa bedan nyembeak roh-roh jahat ngen patung-patung mas, pirok, temagai, butau ngen kieu de coa dapet ngeliak, temi'uk, atau paneu.