1 TIMOTIUS 3:8 - JANJAI BLAU Lem Bahaso Jang Bebilai

⁸ Pekerjo luyenne harusba kulo tun de baik ngen tulus; coa mata duitan ngen coa galok menem anggur kembiak dau.

1 TIMOTIUS 3:8 ပူးပေါင်းရင်းမြစ်များ

ROMA 3:13

Kerongkongan tobo'o awei kubua de tukok, dileak tobo'o merayu-rayu, bibia tobo'o mengandung bisai.

FILIFI 1:1

Saudaro-saudaro umat Allah kutene de tinggea neak Filifi, ngen de sudo jijai do ngen Kristus Yesus! Kulo Saudaro-saudaro pemipin serto pembantu jemaat! Uku, Paulus, besamo Timotius, hambo-hambo Kristus Yesus,

1 TIMOTIUS 3:12

Pekerjo luyenne harusba maten kunei do ngenyan ngen murus anok-anokne ngen keluargone seca'o baik.

1 TIMOTIUS 3:2

Kerno o, pekerjo jemaat harusba suang tun de bebaik, maten kunei do ngenyan, dapet temaen dirai, bijaksano, sopan, galok temimo tun neak umeakne, pacok majea tun,

1 TIMOTIUS 3:3

jibeak tun galok mabuk, atau de galok belago. Sebelekne, si harus lemah lembut, damoi. Si coa buliak mata duitan.

1 TIMOTIUS 5:23

Jibeakba igai mbuk bioa bae; menemba kulo didik anggur utuk supayo pencernaanne baik, sebab ko galok bolon.

TITUS 1:7

Tun de kerjo neak jemaat adeba tun de murus kerjo Allah, si coa buliak tun de coa baik. Si coa buliak ombong atau gacang mengiak, atau tukang mabuk, galok belago, atau bogoa meker caci.

TITUS 2:3

Awei o kulo lokba ko nasehat selawei-selawei de tu'ai supayo plep tobo'o sesuoi ngen jano de patut bagiak tun de idup kusus bagiak Allah. Tobo'o coa buliak fitneak tun luyen, coa buliak bogoa mabuk. Tobo'o harus majea hal-hal de baik,

YAKOBUS 3:10

Kunei bibia de serai kelua kecek-kecek mokasiak ngen kulo kecek-kecek supeak. Seharusne coa awei o!

1 PETRUS 5:2

Supayo udi mengembala kawanan bebirai de senreak Allah ngenko. Gembalakanlah tobo'o ngen senang atei awei ipe de kenlok Allah, ngen jibeakba ngen benek atei. Jibeakba kulo menea kerjonu utuk dapet utung, tapi kerno udi sungguak-sungguak lok mlayan.