1 TIMOTIUS 3:4 - JANJAI BLAU Lem Bahaso Jang Bebilai

⁴ Si harus namen matur umeak tanggone ngen baik, majea anok-anokne utuk taat ngen hormat ngen si.

1 TIMOTIUS 3:4 ပူးပေါင်းရင်းမြစ်များ

KISAH RASUL-RASUL 10:2

Si saleh, si beserto keluargone saben bakea Allah. Si dau temulung tun-tun Yahudi de peset, si bogoa bedu'o ngen Allah.

EFESUS 5:24

Kerno'o, serai awei jemaat hormat ngen Kristus, awei o kulo lem kute hal ngenyan harus hormat ngen matenne.

FILIFI 4:8

Akherne, Saudaro-saudaro, isaiba pekerannu ngen hal-hal beguno, de patut nujai, adeba hal-hal de benea, de terhormat, adea, murni, mis, ngen baik.

1 TIMOTIUS 3:12

Pekerjo luyenne harusba maten kunei do ngenyan ngen murus anok-anokne ngen keluargone seca'o baik.

TITUS 1:6

Suang pemipin jemaat lokba suang tun de baik; si harus temuan do ngenyan; anok-anokne harus bi pecayo ngen Kristus ngen iso anok nakea ngen coa nam natur.

TITUS 2:2

Nasehatba tun semanei-semanei de tu'ai, supayo tobo'o tema'en dirai, bijaksana ngen idup sebagai tun de patut nego. Tobo'o harus kulo bepegong pado ajaran de benea kunei Allah, mengasihi ngen sempurno, saro ngen tabah.

TITUS 2:7

Lem kute hal lokba ko jijai teladan de baik. Amen ko majea, ko harus jujur ngen sungguak-sungguak.