1 TIMOTIUS 3:3 - JANJAI BLAU Lem Bahaso Jang Bebilai

³ jibeak tun galok mabuk, atau de galok belago. Sebelekne, si harus lemah lembut, damoi. Si coa buliak mata duitan.

1 TIMOTIUS 3:3 ပူးပေါင်းရင်းမြစ်များ

MATIUS 21:13

Lajau Si madeak ngen tun-tun'o, “Lem kiteb tetulis, ‘Bahwa Allah madeak umeak-Ku bakea de senbut umeak penan bedu'o.’ Tapi ko je mijaine sa'ang perapok!”

KISAH RASUL-RASUL 20:33

Ati perneak uku lok caci atau keracok kunei suang kulo.

ROMA 16:18

Sebab tun-tun de menea awei o iso bekerjo utuk Kristus Tuhan ite, tapi utuk menea kelok atei tobo'o su'ang jijai puas. Ngen bujukan, kecek-kecek de mis, tobo'o mike tun-tun de coa namen jejano.

EFESUS 5:18

Jibeakba udi mabuk ngen anggur, sebab do'o bakea musak udi, tapi lokba udi penuak ngen Roh,

1 TESALONIKA 5:14

Keme minoi kulo, Saudaro-saudaro, tena'okba bebaik tun de coa lok kerjo, hiburba atei tobo'o de saben, tulungba tun de perlu tenulung ngen sabarba te'adep kute tun.

1 TIMOTIUS 3:8

Pekerjo luyenne harusba kulo tun de baik ngen tulus; coa mata duitan ngen coa galok menem anggur kembiak dau.

2 TIMOTIUS 3:2

Manusio bakea murus diraine suang, jijai bogoa meker caci, ombong ngen galok mike. Tobo'o galok mino tun, berutak te'adep tun tuai, coa namen mucep mokasiak, ngen coa dulai ngen agamo.

TITUS 1:11

Tun-tun awei o harus bibiane npem, sebab tobo'o kemacau dau keluargo ngen ajaran-ajaran de coa ade gunone. Tobo'o menea o cuma kerno lok mesoa utung de coa patas!

TITUS 1:7

Tun de kerjo neak jemaat adeba tun de murus kerjo Allah, si coa buliak tun de coa baik. Si coa buliak ombong atau gacang mengiak, atau tukang mabuk, galok belago, atau bogoa meker caci.

TITUS 2:3

Awei o kulo lokba ko nasehat selawei-selawei de tu'ai supayo plep tobo'o sesuoi ngen jano de patut bagiak tun de idup kusus bagiak Allah. Tobo'o coa buliak fitneak tun luyen, coa buliak bogoa mabuk. Tobo'o harus majea hal-hal de baik,

TITUS 3:2

Nadeak ngen tobo'o supayo jibeak fitneak atau betekea ngen api bae, tapi supayo besikep ramah. Lokba tobo'o bogoa besikep lemuak te'adep kute tun.

IBRANI 13:5

Jibeakba idupnu kenuaso caci, tapi lokba udi pues ngen jano de ade. Sebab Allah bi madeak, “Uku coa bakea munyau atau bakea teminggea ko.”

YAKOBUS 4:1

Kunei ipe asalne kute selisiak ngen tekea neak antaro udi? Jano do'o asalne iso kunei kelok-kelok udi de terus bae perang neak lem dirainu utuk dapet kesenangan dunio!

1 PETRUS 5:2

Supayo udi mengembala kawanan bebirai de senreak Allah ngenko. Gembalakanlah tobo'o ngen senang atei awei ipe de kenlok Allah, ngen jibeakba ngen benek atei. Jibeakba kulo menea kerjonu utuk dapet utung, tapi kerno udi sungguak-sungguak lok mlayan.

2 PETRUS 2:3

Kerno serakahne gu'au-gu'au palsu o bakea beusaho mesoa utung kunei ko ngen nandei-nandei tobo'o. Tapi utuk plep tobo'o o ukuman bi an tesedio ngen kebinasaan coa bakea buye.

YUDAS 1:11

Celakoba tobo'o! Tobo'o bi motoa dalen Kain. Kunyau dapet caci, tobo'o mbin diraine moi lem kesesatan, serai awei Bileam. Tobo'o benaso kerno brutak awei Korah.

WAHYU 1:9

Uku Yohanes, saudaro udi de senasib ngen udi lem saro de nding tiep penotoa Kristus. Ite tabah saro sebagai umat-Ne. Uku nuang moi Pulau Patmes kerno uku melei namen pesan kunei Allah, de kenuet Yesus liwet saksai-Ne.