1 TIMOTIUS 3:2 - JANJAI BLAU Lem Bahaso Jang Bebilai

² Kerno o, pekerjo jemaat harusba suang tun de bebaik, maten kunei do ngenyan, dapet temaen dirai, bijaksano, sopan, galok temimo tun neak umeakne, pacok majea tun,

1 TIMOTIUS 3:2 ပူးပေါင်းရင်းမြစ်များ

LUKAS 1:6

Keduaine idup benea ngen sepenuakne neak adep Allah ngen temurut kute periteak de tentep Tuhan.

LUKAS 2:36

Neak di kulo ade Hana, suang nebai selawei, anok Fanuel kunei sukau Asyer. Si sudo kembiak tuai omorne. Sesudo nikeak si idup tujuak taun anne sesamo matenne.

ROMA 12:13

Tulungba tun-tun sucai lem kekuranganne ngen berusahoba utuk melei penan tinggea neak lem umeaknu!

FILIFI 2:15

Supayo udi coa ade aib ngen coa ade noda, sebagai anok-anok Allah de coa ade cacet, neak tengeak-tengeak tun-tun kidek ngen seset yo, sehinggo udi becahayo neak antaro tobo'o awei bitang-bitang neak dunio.

1 TIMOTIUS 3:12

Pekerjo luyenne harusba maten kunei do ngenyan ngen murus anok-anokne ngen keluargone seca'o baik.

1 TIMOTIUS 3:8

Pekerjo luyenne harusba kulo tun de baik ngen tulus; coa mata duitan ngen coa galok menem anggur kembiak dau.

1 TIMOTIUS 4:3

Tobo'o majea tun utuk coa nikeak ngen coa mbuk kembuk kunei Allah. Padahal kembuk o nea Allah utuk nembuk ngen mucep mokasiak ngen tun-tun de sudo pecayo ngen Kristus ngen bi kemnal ajaran de benea kunei Allah.

1 TIMOTIUS 5:10

ngen terbukti bi menea pekerjaan de baik, awei murus anok, temimo tun-tun temalem neak daseine, melayan tun-tun pecayo, temulung tun-tun saro, menea ngen sungguak-sungguak kute mecem pekerjaan de baik.

1 TIMOTIUS 5:22

Jibeakba gacang ige mpek tangen das suang tun utuk maket si sebagai pelayan Tuhan. Amen tun beduso, jibeak sapei terlibat lem duso o. Jenagoba dirainu supayo tep murni.

1 TIMOTIUS 5:9

De bi masuk daftar sebagai rando, cuma tobo'o de omorne coa ku'ang kunei num puluak taun, de cuma debat temuan maten

2 TIMOTIUS 2:24

Tun de bekerjo utuk Tuhan coa patut tekea; si harus ramah te'adep kute tun, ngen dapet majea tun seca'o baik ngen sabar.

TITUS 2:2

Nasehatba tun semanei-semanei de tu'ai, supayo tobo'o tema'en dirai, bijaksana ngen idup sebagai tun de patut nego. Tobo'o harus kulo bepegong pado ajaran de benea kunei Allah, mengasihi ngen sempurno, saro ngen tabah.

IBRANI 13:2

Jibeak segan temimo neak umeaknu tun-tun de ati udi kenal. Sebab ngen menea de awei o, perneak tun, coa sadar, bi temimo malaikat neak umeakne.

IBRANI 3:14

Ite kute adeba kuat seperjuangan ngen Kristus, asal ite sapei akhir tep yakin de ite temuan pado mulone.

1 PETRUS 4:7

Kute sesuaktau sudo pa'ok kesudahanne, sebab o lokba udi kemuaso dirai ngen waspada, supayo udi dapet bedu'o.

1 PETRUS 4:9

Lokba udi temimo do ngen de luyen neak umeak masing-masing, ngen coa mengeluh.

1 PETRUS 5:8

Lokba udi waspada ngen bejago-jago! Sebab Iblis adeba musuaknu. Si awei singo paneu moi mindi mindoi samo mgemem mesoa upanne.