1 TIMOTIUS 3:16 - JANJAI BLAU Lem Bahaso Jang Bebilai

¹⁶ Coa suang kulo dapet temulok, padeak kelaine resio agamo te: Si kemten dirai lem rupo manusio, ngen de benea lem Roh, serto kenliak para malaikat. Bitone sapei neak antaro bangso-bangso, ngen Si cenayo neak kute dunio ngen naket moi surgo.

1 TIMOTIUS 3:16 ပူးပေါင်းရင်းမြစ်များ

MATIUS 1:23

“Suang anok semulen'o bakea ngandung ngen melaher anok semanei, tobo'o melei genne Imanuel.” (Imanuel adeba kunei bahaso Ibrani de taine, “Allah ade besamo ite”.)

MATIUS 13:11

Yesus jemawab, “Sebab udi bi nelei rahmat utuk namen resio tetang awei ipe Allah meriteak, tapi tobo'o coa.

MATIUS 28:2

Tetibo tejijai gepo de lai. Su'ang malaikat Tuhan tu'un kunei surgo lajau gemuling butau penutup'o, ngen temot neak dasne.

MATIUS 3:16

Sesudo dibaptis, Yesus segro keluea kunei lem bio'a. Tibo-tibo lenget tukok ngen Yesus kemliak Roh Sucai kunei Allah tu'un awei burung daro moi das-Ne.

MATIUS 4:11

Akhirne Iblis teminggea Yesus, ngen malaikat-malaikat teko mlayan Si.

MARKUS 1:13

Neak benei libea'o selamo pat puluak bilai Si tinggea ngen cenubo Iblis. Si tinggea besamo ngen benatang-benatang liea ngen malaikat-malaikat melayan Si.

MARKUS 16:19

Sesudo Tuhan Yesus miling awei yo ngen tobo'o, taketba Si moi surgo, lajau temot depeak kanen Allah.

MARKUS 16:5

Lajau tobo'o masuk moi lem kubua ngen tobo'o kemliak tun u'ai de makei jubah putiak temot neak depeak kanen. Tobo'o kulo kembiak tekanjet.

LUKAS 2:32

awei te'ang de tem'ang dalen bagiak bangso-bangso de luyen, ngen jemijai mulio bagiak umat-Nu, Israel.”

LUKAS 20:44

Jijai amen Daud sembut Si Tuanne, awei ipe mukin Si anokne kulo?”

LUKAS 22:43

Mako suang malaikat kunei lenget kemten dirai ngen-Ne utuk kemuet Si.

LUKAS 24:4

Sementaro tobo'o je temenung kerno hal o, tetibo ade duai tun je pa'ok tobo'o makei bajau de becahayo.

LUKAS 24:51

Ngen ketiko Si gidong melei berkat'o, Si ce'ei kunei tobo'o ngen taket moi surgo.

YOHANES 1:14

Firman'o bi jijai manusio, ngen tinggea neak antaro ite, ngen ite bi kemliak kemulioan-Ne adeba kemulioan de nelei ngen Si sebagoi Anok tunggea Bapa, penuak anugrah ngen de benea.

YOHANES 13:3

Yesus namen bahwo Bak bi semreak kutene ngen Si bahwo Si teko kunei Allah ngen bakea belek ngen Allah.

YOHANES 15:26

Uku bakea mutus ngenko penulung de asalne kunei Bapa. Adeba Roh bakea madeak kebenea tetang Allah. Amen Si teko, Si bakea saksai tetang Uku.

YOHANES 16:28

Uku teko kunei Bapa ngen Uku teko moi lem dunio. Uku teminggea dunio kulo ngen lalau ngen Bapa.”

YOHANES 17:5

Uyo, au Bapa, mulio ba Uku neak hadirat-Nu suang ngen kemulioan de Uku temuan neak hadirat-Nu ayok dunio ade.

YOHANES 20:12

ngen ketenba ngen si duai malaikat makei keracok putiak. De do temot neak depeak ulau ngen de luyen neak depeak kekea neak penan mayit Yesus tegulek.

YOHANES 6:62

Awei ipe amen udi kemliak Anok Manusio kenek moi penan neak ipe Si ayokne ade?”

KISAH RASUL-RASUL 1:19

Hal o kute tun neak Yerusalem bi namen, sehinggo taneak o tobo'o senbut lem bahaso tobo'o suang ‘Hakal Dama,’ taine ‘Taneak Daleak’.)

KISAH RASUL-RASUL 10:34

Lajau muloiba Petrus miling, “Sesungguakne uku bi ngertai bahwo Allah coa mbeda tun.

KISAH RASUL-RASUL 14:27

Sapeine neak di tobo'o menok jemaat bekopoa, lajau tobo'o cemrito kute sesuaktau de Allah menea liwet tobo'o, bahwo si bi mukok bang utuk bangso-bangso luyen ngen imen.

KISAH RASUL-RASUL 20:28

Lokba udi jago dirai, jagoba kulo kute jemaat de sudo senreak Roh Sucai ngen ko utuk jenago; sebab udi coa naket jijai pengawas jemaat o. Lokba udi jemago jemaat Allah do'o awei gembala jemago dombane, kerno Allah bi jemijai jemaat o temuan-Ne suang liwet mateine Anok-Ne suang.

ROMA 10:12

Sebab coa ade bedane tun Yahudi ngen iso Yahudi. Kerno, Allah de do o adeba Tuhan kunei kute tun, kayo utuk kute tun de minoi tulung ngen-Si.

ROMA 10:18

Tapi uku betanye: Jano tobo'o coa temi'ukne? Memang tobo'o bi temi'ukne: “Sa'ei tobo'o sapei moi kute dunio, ngen kecek tobo'o sapei moi ujung bumai.”

ROMA 16:25

Tepujaiba Allah! Si bekuaso kemuet imen Saudaro sesuai ngen Bito Baik kunei Allah de uku melei namen tetang Yesus Kristus. Uku melei namen bito o sesuai ngen jano de nelei namen Allah; adeba tetang rencano Allah de sudo berabad-abad anne coa tun namen.

ROMA 16:26

Tapi uyo, das periteak Allah de abadi, rencano o bi nadeak ngen nelei namen ngen kute bangso liwet tulisan-tulisan tobo nebai, supayo tobo'o kutene pecayo, taat ngen Allah.

ROMA 3:4

Paset bae coa! Sebelekne: Allah adeba benea, ngen kute manusio pendusta, awei ade tetulis: “Supayo Ko ternyato benea lem kute firman-Nu, ngen menang, amen Ko nukum.”

ROMA 8:3

Sebab jano de coa mukin nea hukum agamo Yahudi kerno ite manusio lemah, bi nea Allah. Ngen mbo Anok-Ne su'ang lem tabi'at manusio, de serai ngen manusio de beduso, utuk mapus duso.

ROMA 9:5

Tobo'o adeba royot bapa-bapa leluhur, de tumu'un Kristus lem keadaan-Ne sebagai manusio, de ade neak das kute sesuaktau. Si adeba Allah de harus nujai sapei selamo-lamone. Amin!

1 KORINTUS 15:47

Adam de pertamo jenijai kunei pitok, tapi Adam de keduai asalne kunei surgo.

1 KORINTUS 2:7

Tapi de keme melei namen adeba kebijaksanaan kunei Allah. Kebijaksanaan o coa namen ngen dunio, tapi Allah bi semiapne utuk kebahagiaan ite ayok dunio yo jenijai.

2 KORINTUS 1:19

Kerno Yesus Kristus, Anok Allah, de sudo keme melei namen neak tengeak-tengeak udi, ngen Silas, Timotius, ngen uku suang isoba tun “Au” ngen “Coa” tapi sebelekne neak lem Si cuma ade “Au”.

GALATIA 2:8

Sebab Allah de melei ngen Petrus kemampuan utuk jijai rasul tun Yahudi, melei kulo ngen uku kemampuan utuk jijai rasul tun iso Yahudi.

GALATIA 4:4

Tapi sesudo genep waktaune, mako Allah mutus Anok-Ne de laher kunei suang selawei de idup neak beak kuaso hukum agamo.

EFESUS 1:9

Sebab Allah bi melei namen ngen ite resio rencano-Ne, Si bi melei keputusan bahwo rencano-Ne o bakea senlesei liwet Kristus.

EFESUS 6:19

Ngen bedu'oba kulo utuk uku, supayo pado waktau uku miling, Allah melei ngen uku kecek-kecek de benea, supayo uku ngen binai melei namen resio Bito Baik o.

KOLOSE 1:23

Sebab o udi harus tep setia pecayo ngen kepercayaannu. Jibeak sapei udi muang harapan de sudo nelei ngen udi ketiko udi temimo Bito Baik kunei Allah. Bito o bi nelei namen ngen kute tun neak kute dunio. Ngen utuk do'oba kulo uku, Paulus, bi jijai pelayan.

KOLOSE 1:27

Ngen umat-Ne o Allah melei namen padeak baikne ngen agungne resio-Ne o utuk kute umat manusio. Resio o adeba: Kristus ade neak lem dirainu, de taine udi bakea meding kebesaran Allah.

KOLOSE 1:6

Bito kunei Allah o tesebea moi kute dunio, ngen tun-tun te'us diberkati bito o, serai awei udi diberkati sejok udi temi'uk tetang rahmat Allah ngen sebeneane.

KOLOSE 2:2

Kutene yo uku menea supayo atei tobo'o jijai kuet ngen tobo'o sesamo mengasihi sehinggo tobo'o kuet bersatu. Ngen awei o tobo'o sungguak-sungguak ngertai ngen yakin serto namen resio Allah, adeba Kristus.

2 TESALONIKA 1:10

Kutene o bakea tejijai pado bilai Si teko be utuk diagungkan umat-Ne ngen utuk hormat kute tun de pecayo. Udi kulo bakea ade neak antaro umat Allah o, sebab udi bi pecayo ngen bito de keme semapei ngen udi.

2 TESALONIKA 2:7

Kekuatan de menea kejahatan o bi muloi bekerjo seca'o resio, tapi masiak tenaen. Be amen de tenaene o bi senikia,

1 TIMOTIUS 3:9

Tobo'o harus bepegong teguh ngen atei nurani de sucai pado ajaran kepercayaan Kristen de sudo Allah melei namen.

IBRANI 1:3

Si adeba cahayo kemuliaan Allah, Siba wujud nyato kunei dirai Allah suang. Siba kulo de miaro keutuhan alam semesta yo ngen sabda-Ne de kembiak bekuaso. Sesudo Si temtau manusio utuk bebas kunei duso-duso tobo'o, Si mipin pemerintahan neak surgo besamo-samo Allah, Penguaso de paling lekat.

IBRANI 12:2

Kenlokba pandangan te tetujuak ngen Yesus, sebab Siba de mbangkit imen te ngen meliharo kunei muloi sapei sudo. Yesus taen saro neak kiyeu salib! Si cao pedulai bahwo matei neak kiyeu salib o adeba debuak hal de semelek. Si cuma inget akan kegembiraan de bakea de neding-Ne sesudo'o. Uyo si temot neak depeak kanen takhta Allah ngen meriteak besamo ngen Si.

IBRANI 7:7

Memang coa nam mbantah bahwo tun de dapet berkat adeba lebiak rendeak kunei tun de melei berkat.

IBRANI 8:1

Inti kunei kute kecek yo adeba: Ite temuan Imem Lai de awei o, de temot meriteak besamo Allah Mahabesar neak surgo.

1 PETRUS 1:12

Ngen nebai-nebai o Allah melei namen bahwo jano de tobo'o nea iso utuk kepetingan tobo'o, meluyen utuk udi; adeba hal-hal de uyo yo udi teni'uk ngen jelas kunei paro de semapei Bito Baik tetang Yesus Kristus. Tobo'o semapei hal-hal o ngen udi ngen kuaso Roh Allah de nembo-Ne kunei surgo. Bahkan malaikat-malaikat kulo lok namen bito de tobo'o melei namen o.

1 PETRUS 1:20

Kristus niliak Allah ayok dunio jenijai. Tapi kerno udi, Si tembei madeak dirai-Ne pado akhir zaman. Si teko moi dunio supayo udi senlamat.

1 PETRUS 1:21

Liwet Siba udi pecayo ngen Allah de sudo midup-Ne igai kunei matei ngen mengagungkan-Ne. Jijai, Allahba de udi pecayo ngen Allahba kulo udi mpek harapan.

1 PETRUS 3:18

Sebab Kristus suang matei cuma debat bae, utuk selamo-lamone kerno duso manusio – suang tun de coa saleak, matei utuk tun de saleak. Kristus menea do'o supayo Si dapet bimbing udi ngen Allah. Si nunuak seca'o jasmani, tapi nidup igai seca'o rohani.

1 PETRUS 3:22

ngen bi kenek moi surgo. Uyo si bekuaso besamo Allah ngen meriteak kute malaikat, kute penguaso serto kute kekuatan.

1 YOHANES 1:2

Ketiko idup o ade, keme kemliakne. Do'oba sebabne keme melei saksai tetang si. Keme melei namen ngen udi tetang hidup sejati ngen kekal, de ade besamo Bapa, de sudo nelei ngen keme.

1 YOHANES 3:5

Udi namen bahwo Kristus teko utuk mapus duso-duso manusio, ngen neak lem Si coa ade duso.

1 YOHANES 3:8

Tapi tun de tep menea duso adeba anok Iblis, sebab Iblis beduso sejak mulone. Utuk dioba Anok Allah teko, adeba utuk benaso pekerjaan Iblis.

WAHYU 17:5

Neak ningne ade tulisan gen de temuan tai resio. Gen o adeba “Babel De Lai, indok kunei kute selawei nakea ngen kunei tun jahat neak dunio.”

WAHYU 17:7

Lajau malaikat o madeak ngen uku, “Jano sebab ko sele? Baikba uku melei namen ngen udi resio selawei o ngen resio benatang de ken'nekne, adeba benatang de temuan tujuak ulau ngen puluak tanduk.

WAHYU 7:9

Sesudo'o uku kemliak igai, lajau keten tun dau de luea biaso daune – coa ade suang kulo de dapet mitung jumlahne. Tobo'o adeba tun-tun kunei tiep bangsa, suku, negara, ngen bahasa. Ngen makei jubah de putiak-putiak ngen megong dan-dan pun palem neak tangen, tun-tun dau o je madep takhta ngen madep Anok Bebirai o!