1 TIMOTIUS 3:15 - JANJAI BLAU Lem Bahaso Jang Bebilai

¹⁵ supayo amen uku cendok, ko bi namen awei ipe ite harus idup sebagai keluargo Allah, adeba jemaat Allah de idup. Jemaat dioba de adeba tiang penegok ngen pendukung ajaran de benea kunei Allah.

1 TIMOTIUS 3:15 ပူးပေါင်းရင်းမြစ်များ

MATIUS 16:16

Simon Petrus jemawab, “Bak adeba Rajo Penyelamat, Anok Allah De Idup.”

MATIUS 18:18

“Udi perlu namen: Jano de udi coa meluak benea neak dunio yo kulo coa meluak neak surgo. Ngen jano de benea neak dunio kulo bakea benea neak surgo.

YOHANES 1:17

Sebab Hukum Taurat nelei liwet Musa. Tapi anugrah ngen benea teko liwet Yesus Kristus.

YOHANES 14:6

Nadeak Yesus ngen Si, “Uku ba dalen utuk kemnal Allah ngen dapet idup. Coa ade suang de teko ngen Bak, amen coa liwet Uku.

YOHANES 18:37

Lajau nadeak Pilatus ngen Si, “Jijai Ko adeba rajo?” Jawab Yesus, “Ko madeak bahwo Uku adeba rajo. Utuk do'o ba Uku laher ngen utuk do'oba Uku teko moi lem dunio yo, supayo Uku melei saksai tetang de benea. Tiep tun de berasal kunei de benea temi'uk sa'ei-Ku.”

YOHANES 6:69

Ngen keme bi pecayo ngen namen bahwo Ko ba de sucai kunei Allah.”

KISAH RASUL-RASUL 1:2

sapei waktau bilai Si naket moi Surgo. Ayok o Si bi melei periteak-Ne liwet Roh Sucai ngen rasul-rasul de miliak-Ne.

KISAH RASUL-RASUL 14:15

“Hoi udi kute, getai udi menea awei yo? Keme yo manusio biaso serai awei udi. Keme ade neak yo utuk melei namen Bito Baik ngen udi, supayo udi teminggea hal-hal de coa beguno ngen belek ngen Allah de idup, de sudo cemipto lenget, bumai, laut ngen kute si'ingne.

ROMA 3:2

Dau nien, ngen neak lem kute hal. Pertamo-tamo: sebab ngen tobo'oba Allah cayo firman-Ne.

ROMA 9:26

Ngen neak penan, neak ipe bakea nadeak ngen tobo'o: ‘Anok-anok Allah de idup.’ ”

1 KORINTUS 10:32

Naturba idupnu ngen baik supayo tun luyen coa menea duso; jano tobo'o tun Yahudi atau iso tun Yahudi, atau anggota jemaat Allah.

1 KORINTUS 3:16

Jano udi namen bahwo udi adeba Bait Allah? Ngen bahwo Roh Allah tinggea neak lem udi?

2 KORINTUS 3:3

Tobo'o suang dapet kemliak bahwo Saudaro adeba su'et de tenulis Kristus, de mbo liwet keme. Su'et o tenulis iso ngen dawat, tapi ngen Roh Allah de idup; iso kulo neak das butau tulis, tapi neak lem atei manusio.

2 KORINTUS 6:16

Jano hubunganne Bait Allah ngen umeak berhala? Ite yo Bait Allah, adeba Allah de idup. Allah suang madeak, “Uku bakea tinggea besamo-samo ngen tobo'o, ngen idup neak tengeak-tengeak tobo'o. Uku bakea jijai Allah tobo'o, ngen tobo'o bakea jijai umat-Ku.

2 KORINTUS 6:7

serto ngen melei namen bito de kunei Allah ngen kuaso Allah, keme melei namen bahwo keme yo adeba hamba-hamba Allah. Keme bepegong ngen kelok Allah sebagai senatai keme utuk semrang atau utuk mbela dirai.

GALATIA 2:9

Yakobus, Petrus ngen Yohanes, de ketenne jijai pemipin-pemipin jemaat, makau bahwo Allah bi melei ngen uku tugas de khusus yo. Mako tobo'o jabat tangen ngen Barnabas ngen uku sebagoi tando persahabatan. Lajau tobo'o ngen keme tujau bahwo keme bakea kerjo neak antaro bangso-bangso de iso Yahudi, ngen tobo'o neak antaro tun Yahudi.

GALATIA 3:1

Saudaro-saudaro tun-tun Galatia! Udi kebiak bodong! Api de sudo menghasut udi? Iso Yesus Kristus de senalib o bi uku jemlas ngen sejelas-jelasne ngen udi?

EFESUS 4:21

Udi bi temi'uk tetang Si. Ngen sebagoi penotoa-penotoa-Ne, udi bi najea kulo tetang sifet-sifet Allah de ade ngen-Si.

KOLOSE 1:5

Udi pecayo ngen udi mengasihi, sebab udi ma'ep ngen jano de seniap Allah neak surgo. Udi bi temi'uk hal o, ketiko Bito Baik de benea senapai ngen udi.

1 TESALONIKA 1:9

Kute tun miling tetang awei ipe udi temimo keme ketiko keme bel'o teko ngen udi. Tobo'o miling tetang awei ipe udi teminggea patung-patung, teko ngen do-done Allah de idup utuk mengabdi ngen-Si.

1 TIMOTIUS 3:14

Uku ma'ep coa an igai uku bakea semulau udi. Kunyau awei o, uku temulis kulo su'et yo ngen udi,

1 TIMOTIUS 3:16

Coa suang kulo dapet temulok, padeak kelaine resio agamo te: Si kemten dirai lem rupo manusio, ngen de benea lem Roh, serto kenliak para malaikat. Bitone sapei neak antaro bangso-bangso, ngen Si cenayo neak kute dunio ngen naket moi surgo.

1 TIMOTIUS 3:2

Kerno o, pekerjo jemaat harusba suang tun de bebaik, maten kunei do ngenyan, dapet temaen dirai, bijaksano, sopan, galok temimo tun neak umeakne, pacok majea tun,

1 TIMOTIUS 3:5

Sebab amen tun coa namen matur umeak tanggone dewek, ka'ro si dapet matur jemaat Allah?

1 TIMOTIUS 4:10

Do'oba sebabne ite berjuang ngen kerjo keras, sebab ite ma'ep sepenuakne ngen Allah de idup; Siba penyelamat kute tun, terutamo tun-tun de pecayo.

1 TIMOTIUS 6:16

Siba do-done de coa nam kenuaso maut; Si idup neak lem cahayo de coa dapet na'ok api bae kulo. Coa ade suang manusio kulo de perneak kemliak Si, atau dapet kemliak Si. Bagiak-Neba hormat ngen kuaso de kekal! Amin.

2 TIMOTIUS 2:19

Tapi dasar de mpek Allah o coa dapet nunyak. Neak dasne tetulis dio, “Tuhan namen tun-tun de temuan-Ne”, ngen “Tun de madeak bahwo si de Tuhan temuan, tun o harus bedan menea de saleak”.

2 TIMOTIUS 2:20

Neak lem umeak de lai ade memecem perabot. Ade de nea kunei pirok atau emas, tapi ade kulo de nea kunei kieu atau pitok. Ade de nakei utuk keperluan istimewa, ade kulo de nakei utuk keperluan biaso.

IBRANI 10:21

Ngen uyo ite temuan suang imem de agung, de betanggung jawab das Umeak Allah.

IBRANI 12:22

Sebelekne, udi bi teko moi Tebo Sion ngen kota Allah de idup, adeba Yerusalem de neak surgo ngen beribau malaikatne.

IBRANI 3:12

Saudaro-saudaro, teateiba jibeak sapei ade neak antaro udi de ateine kembiak kidek ngen coa ade imen, sehinggo si coa pecayo ngen me'uak Allah de idup!

IBRANI 9:14

Nah, amen daleak nge abu o dapet semucai tun-tun o, jano igai daleak Kristus! Liwet Roh de kekal, Kristus melei dirai-Ne suang ngen Allah sebagai kurban de sempurno. Daleak-Ne semucai atei nurani ite kunei upacara agamo de coa beguno, supayo ite dapet melayan Allah de idup.

1 PETRUS 2:5

Udi awei butau-butau de idup. Kerno o lokba udi nakeine utuk temgok Umeak Allah de rohani. Ngen awei o udi jijai imem-imem, de idup khusus utuk Allah, de liwet Yesus Kristus melei persembahan ngen Allah, kurban rohani de sesuai neak atei Allah.

1 PETRUS 4:17

Sudo sapei waktaune Allah madea dunio. Ngen umat Allah suangba de bakea nadea telebiak dute. Nah, amen Allah bakea muloi ngen ite, awei ipe jijaine konyo ngen tun-tun de coa pecayo ngen Bito Baik kunei Allah?

WAHYU 7:2

Lajau uku kemliak suang malaikat de luyen teko kunei peak timur. Si mbin segel kunei Allah de idup. Ngen sa'ei lek malaikat o menok kepat malaikat de sudo kenuaso kunei Allah utuk musak bumai ngen laut.