1 TIMOTIUS 3:11 - JANJAI BLAU Lem Bahaso Jang Bebilai

¹¹ Ngenyan-ngenyan tobo'o lokba tun terhormat, harusba kulo tun baik, iso tun de galok fitneak. Tobo'o harus temaen dirai ngen jujur lem kute hal.

1 TIMOTIUS 3:11 ပူးပေါင်းရင်းမြစ်များ

MATIUS 4:1

Roh sucai kunei Allah mbin Yesus moi padang pasir utuk cenubo Iblis.

YOHANES 6:70

Jawab Yesus ngen tobo'o, “Uku suang de sudo miliak udi de duai belas yo. Tapi suang neak antaro udi adeba Iblis.”

ROMA 1:29

Atei tobo'o penuak ngen kute de kidek, serakah, kidek atei, munuak, belago, ngike dendem. Tobo'o galok madeak tun luyen,

1 TIMOTIUS 1:12

Uku mucep syukur ngen Kristus Yesus Tuhan ite. Si bi melei kekuatan ngen uku utuk melayan Si, ngen Si manggap uku patas utuk tugas o,

1 TIMOTIUS 3:2

Kerno o, pekerjo jemaat harusba suang tun de bebaik, maten kunei do ngenyan, dapet temaen dirai, bijaksano, sopan, galok temimo tun neak umeakne, pacok majea tun,

1 TIMOTIUS 6:2

Hamba-hamba de tuanne tun Kristen, coa buliak manggap remeh tuanne kerno tobo'o samo-samo tun Kristen. Malah tobo'o seharusne melayan tuan tobo'o ngen lebiak baik igai, sebab tuan de nelayan ngen baik o adeba samo-samo tun pecayo de dikasihi. Najeaba ngen meleiba nasihat kutene o.

2 TIMOTIUS 3:3

Tobo'o coa mengasihi sesamo, coa galok melei apun, tobo'o galok kemidek gen tun luyen, galok makei kekerasan, tobo'o kejam, coa as ngen de baik.

2 TIMOTIUS 4:5

Kunyau awei o, ko harus kemuaso dirainu lem keadaan awei ipe kulo. Tabah lem saro, kemerjoba tugasnu sebagai tukang melei Bito Baik o ngen neaba ngen sebaik-baikne kewajibannu sebagai pelayan Allah.

TITUS 2:3

Awei o kulo lokba ko nasehat selawei-selawei de tu'ai supayo plep tobo'o sesuoi ngen jano de patut bagiak tun de idup kusus bagiak Allah. Tobo'o coa buliak fitneak tun luyen, coa buliak bogoa mabuk. Tobo'o harus majea hal-hal de baik,

TITUS 3:2

Nadeak ngen tobo'o supayo jibeak fitneak atau betekea ngen api bae, tapi supayo besikep ramah. Lokba tobo'o bogoa besikep lemuak te'adep kute tun.

1 PETRUS 5:8

Lokba udi waspada ngen bejago-jago! Sebab Iblis adeba musuaknu. Si awei singo paneu moi mindi mindoi samo mgemem mesoa upanne.