1 TIMOTIUS 3:10 - JANJAI BLAU Lem Bahaso Jang Bebilai

¹⁰ Tobo'o kulo harus ntes kileak, amen ternyato tobo'o tun baik, tembeiba tobo'o buliak mulung neak lem jemaat.

1 TIMOTIUS 3:10 ပူးပေါင်းရင်းမြစ်များ

1 KORINTUS 1:8

Kristus suang bakea njamin udi sapei pado akhirne; supayo pado waktau Si teko igai, udi coa ade cacetne.

KOLOSE 1:22

Tapi uyo, ngen kematian Anok-Ne, Allah menea hubungan udi ngen Si jijai baik igai. Ngen ca'o do'o udi dapet nemin madep Allah lem keadaan sucai, murni ngen coa de cacet.

1 TIMOTIUS 3:13

Tun-tun de temulung ngen baik neak lem jemaat, tun bakea hormat ngen jijai tambeak binai miling tetang kepercayaan tobo'o ngen Kristus.

1 TIMOTIUS 3:2

Kerno o, pekerjo jemaat harusba suang tun de bebaik, maten kunei do ngenyan, dapet temaen dirai, bijaksano, sopan, galok temimo tun neak umeakne, pacok majea tun,

1 TIMOTIUS 3:6

Suang pekerjo jemaat coa buliak tun de tembei jijai Kristen, sebab be si jijai ombong lajau keno hukuman awei Iblis bel'o.

1 TIMOTIUS 5:22

Jibeakba gacang ige mpek tangen das suang tun utuk maket si sebagai pelayan Tuhan. Amen tun beduso, jibeak sapei terlibat lem duso o. Jenagoba dirainu supayo tep murni.

1 YOHANES 4:1

Saudaro-saudaro de tecito! Jibeakba pecayo ngen kute tun de makau temuan Roh Allah, tapi ntesba kileak tobo'o utuk namen jano roh de ade ngen tobo'o asalne kunei Allah atau iso. Sebab dau nebai palsu bi teko moi kute dunio.